இவர்களை தேர்தலில் நிற்க்க சொல்லி யார் அழுதார்கள்?...

கோபி சதீஷ் · கோபி சதீஷ் Sun Aug 21, 2011 5:11 pm

பாராளுமன்றம் ஒருமணி நேரம் நடைபெற மக்கள் வரிப்பணம் 15 லட்சம் பாழாகிறது. ஆனாலும் பாராளுமன்ற உறுப்பினர்கள் 540 பேரும் கலந்துகொள்வதில்லை. பாராளுமன்றம் வந்து மக்கள் பிரச்னைகளைப்பற்றிப் பேச விருப்பமில்லாதவர்கள், முடியாதவர்கள்… எத்ற்காக தேர்தலில் போட்டியிடவேண்டும்? அவர்கள்தான் நிற்க வேண்டுமென்று யார் அழுதார்கள்?

பாராளுமன்றக் கூட்டத்தில் கலந்துகொள்ளாதவர்கள், எந்த்க் கேள்வியும் கேட்காதவர்கள், கேள்வி நோட்டீஸ் கொடுத்துவிட்டுப் பதில் கேட்க சபைக்கு வராதவர்கள், சபைக்கு வந்தும் குறட்டை விடுகிறவர்கள்…. என ஒரு கணக்கெடுத்து, அவர்கள் மீது கடுமையான நடவடிக்கை எடுக்க வேண்டும்.

அவர்களை அடுத்து வரும் தேர்தலில் போட்டியிடத் தகுதி இல்லாதவர்கள் என பகிரங்கமாக அறிவிக்கவேண்டும்.
அதனால் மட்டும் என்ன ஆகிவிடப்போகிறது என்கிறீர்களா? அதுவும் சரிதான்.
“செத்துப்போன நரிய செவுத்துல அடிச்சா என்ன, செருப்புல அடிச்சா என்ன?”

நன்றி : http://pusuriyan.wordpress.com