`மாமியார்' பெயரில் நில அபகரிப்பு செய்தவர் `மாமியார்' வீட்டுக்கு போவது எப்போது?

**Admin** · **Admin** Fri Aug 26, 2011 11:15 am

மாமியார் பெயரில் நில அபகரிப்பு செய்தவர்கள் `மாமியார்` வீட்டிற்கு போவது எப்போது? என்று சட்டசபையில் விவாதம் நடந்தது.

சட்டசபையில் வீட்டு வசதி மற்றும் நகர்ப்புற வளர்ச்சித்துறை வாரியம் மீதான விவாதம் நடந்தது. இந்த விவாதம் வருமாறு:-

நில ஆக்கிரமிப்பு

வெற்றிவேல் (அ.தி.மு.க.):- சென்னை அண்ணா அறிவாலயம் முன்பு மாநகராட்சிக்கு சொந்தமான இடம் உள்ளது. அதில் பூங்கா அமைக்காமல் ரோடு போட்டு சொந்த நலன்களுக்காக பயன்படுத்துகிறார்கள். நான் மாநகராட்சி மன்ற உறுப்பினராக இருக்கும் போதே இதை வலியுறுத்தினேன்.

அமைச்சர் வைத்தியலிங்கம்:- சென்னை மாநகராட்சி மேயராக தி.மு.க.வைச் சேர்ந்தவர் இருக்கிறார். அதனால் அவர் நடவடிக்கை எடுக்காமல் இருக்கிறார். விரைவில் உள்ளாட்சித்தேர்தல் நடைபெறும். அம்மா காட்டுபவரே மேயர். அப்போது நடவடிக்கை எடுக்கப்படும்.

(தொடர்ந்து) வெற்றிவேல்:-அதுவரை காத்திருக்காமல் இப்போத நடவடிக்கை எடுக்க வேண்டும்.

உள்ளாட்சித்துறை அமைச்சர் முனுசாமி:- பொது மக்கள் நிலங்களை அபகரிப்பவர்கள் மீது முதல்-அமைச்சர் உரிய நடவடிக்கை எடுத்து வருகிறார். நிலங்களை அபகரித்த தி.மு.க.வினர் கைது செய்யப்படுகிறார்கள். முன்னாள் அமைச்சர் பொன்முடி தனது மாமியார் பெயரில் நகராட்சி நிலத்தை அபகரித்து கட்டிடம் கட்டியிருக்கிறார்.

மாமியார் வீட்டிற்கு...

சவுந்தரராஜன் (மார்க்சிஸ்ட் கம்ïனிஸ்டு):- மாமியார் பெயரில் நிலத்தை அபகரித்தவர் `மாமியார்' வீட்டிற்கு (ஜெயிலுக்கு) போவது எப்போது?

உள்ளாட்சித்துறை அமைச்சர் முனுசாமி:- ஆதாரம் இருக்கும் பட்சத்தில் தவறு செய்தவர்கள் மீது உரிய நடவடிக்கையை இந்த அரசு எடுக்கும்.

இவ்வாறு விவாதம் நடந்தது.

தினதந்தி

`மாமியார்' பெயரில் நில அபகரிப்பு செய்தவர் `மாமியார்' வீட்டுக்கு போவது எப்போது?

`மாமியார்' பெயரில் நில அபகரிப்பு செய்தவர் `மாமியார்' வீட்டுக்கு போவது எப்போது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக