அன்புள்ள அடிகளாரே !(பொது அஞ்சல் )

by **ayyamperumal** Sun Aug 21, 2011 12:01 pm

அன்புள்ள அடிகளே !

21/08/2011 அன்று எனது வீட்டில் சூரிய வழிபாட்டினை முடித்தேன். ஆனாலும் என் மனதில் கடந்த கால பதிவுகளின் சங்கடங்கள் நிறைந்திருந்ததால் வேறு ஏதேனும் கோவிலுக்கு சென்று வரலாம் என் புறப்பட்டேன். எனது ஊருக்கு அருகிலுள்ள, ( பெரியகுளம்) திருக்குடந்தை வடிவேலன் கோவிலுக்கு சென்றேன். போகிற வழியில், செவ்வாடை பக்தர்கள் சிலர், ஒரு திருமண மண்டபத்தில் கூடியிருந்தார்கள்.

அவர்களை கடந்து செல்லும் பொது, ஒரு தன்னார்வ பக்தர் என்னிடம் சிறிதளவு குங்கும பாக்கெட்டையும், தேவியின் படம் அச்சடித்த அட்டையையும் தந்தார்.
யாதும் ஆகி நின்றாய் காளி -
எங்கும் நீ நிறைந்தாய் என, என் பாரதி சொல்லியிருக்கிறான். ஆகவே, அவர் தந்த குங்குமத்தில் தேவி இருக்கிறாளா என பார்த்தேன். ஆனால் தேவி அதில் இல்லை. சரி அன்னை இல்லாவிட்டாலும் அவள் மீது உள்ள பக்தியாவது தெரிகிறதா என பார்த்தேன். அதுவும் இல்லை. அவர் கொடுத்த தேவி படத்தின் காலறுகில் உங்களது படம் இருந்ததால் தான் அதில் அவள் இல்லை என பிறகுதான் தெரிந்தது. ஆனால் அந்த சிவப்புநிற பொடியில், தன்னார்வ தொண்டர்களின் வியர்வையும், சிறிது குருதி கரையும் தெரிந்தது.

முன் எல்லாம் நான் உங்களை மதித்தது கூட கிடையாது. ஆனால் சமீபத்தில் மேல்மருவத்தூர் ஆலயத்திற்க்கு வந்தேன். அங்கு என் மனதில் உங்களை பற்றிய பார்வை சற்று மாறியது. அங்கு எம்‌ஜி‌ஆர். கலைஞர், ஜெயலலிதா. இன்னும் பிற தலைவர்களுடன் உங்களது புகைப்படமும் இருப்பதை கண்டேன். அதனால் தான் மாறினேன் என தவறாக நினைத்து விடாதீர்கள்.

சிலையின் வடிவம் வேண்டுமானால் சிற்பியை பொறுத்து மாறுபடும். ஆனால் அந்த சிலைகளில் வீசுகிற பொலிவு (தேஜஸ்), தேவி அந்த சிலைகளில் உறைந்தாள் மட்டுமே சாத்தியம். மருவத்தூரில் சிலைகளில் நல்ல பொலிவு இருந்தது. ஆகையால் உங்கள் மீதான எனது பார்வை சற்று மாறியது.
சமீபத்தில் ஆன்மீக எழுச்சி ஊர்வலத்திற்காக ( வெங்காய ஊர்வலம்) தாங்கள் மதுரைக்கு வந்தீர்கள். அதுசரி, தங்களுடன் அருவாளும், ஆயுதமும் ஏன் எடுத்து வந்தீர்கள்?.

தேவியின் அருளை ஓட்டு மொத்தமாய் குத்தகைக்கு எடுத்து விட்டேன் என காட்டி கொள்வது போல, அக்கிரமத்தை அழிப்பதற்க்கு துர்கா, தான் வைத்திருந்த ஆயுதத்தை எனக்கு தந்து விட்டால் என சொல்ல போகிறீர்களா ?

பதில் கடிதம் போடவும் !

இப்படிக்கு
தங்களை விரும்பி
தங்கள் செயலை வெறுக்கும்
அன்பன் -அய்யம் பெருமாள்.நா

by ரேவதி Tue Aug 30, 2011 1:36 pm

உண்மையாகவே அருமையான மடல்.....அப்படியே உங்கள் வீட்டு விலாசதையும் கொடுதால் நான் அவரிடம் உங்களை பற்றி பேச வசதியாக இருக்கும் [You must be registered and logged in to see this image.]

by **ayyamperumal** Tue Aug 30, 2011 5:07 pm

ரேவதி wrote:உண்மையாகவே அருமையான மடல்.....அப்படியே உங்கள் வீட்டு விலாசதையும் கொடுதால் நான் அவரிடம் உங்களை பற்றி பேச வசதியாக இருக்கும் [You must be registered and logged in to see this image.]

முதலில் உங்களுக்கு என் ஆயிரம் ஆயிரம் ..நன்றிகள்.
இந்த மடலின் கதை முடிந்தது என் நினைத்தேன். 10 நாட்கள் கழித்து படித்ததற்காக மறு படியும் நன்றிகள்.

ஆமாம் உங்களுக்கும் பங்காரு அடிகள் அவர்களுக்கும் நிறைய பழக்கமா ? கவனமாய் இருங்கள் income tax இன் அடுத்த இலக்கு அவர்தான். :வணக்கம்:

by ரேவதி Tue Aug 30, 2011 5:09 pm

அய்யம் பெருமாள் .நா wrote:
ரேவதி wrote:உண்மையாகவே அருமையான மடல்.....அப்படியே உங்கள் வீட்டு விலாசதையும் கொடுதால் நான் அவரிடம் உங்களை பற்றி பேச வசதியாக இருக்கும் [You must be registered and logged in to see this image.]

முதலில் உங்களுக்கு என் ஆயிரம் ஆயிரம் ..நன்றிகள்.
இந்த மடலின் கதை முடிந்தது என் நினைத்தேன். 10 நாட்கள் கழித்து படித்ததற்காக மறு படியும் நன்றிகள்.

ஆமாம் உங்களுக்கும் பங்காரு அடிகள் அவர்களுக்கும் நிறைய பழக்கமா ? கவனமாய் இருங்கள் income tax இன் அடுத்த இலக்கு அவர்தான்.

அதெல்லாம் இருக்கட்டும் முதலில் உங்கள் விலாசம் கொடுங்கள் அவர் உங்களை நலம் விசாரிக்க வருவார் .......பின்னாடியே போலீசும் வரும்