நிலமெங்கும் சிதறிய ...பாவங்கள்.

by **rameshnaga** Sun Aug 21, 2011 8:51 am

குழைந்து, நெளிந்து,
கஞ்சி போல் நீள்கிறது
ஒரு வயிறு-
ஒரு வாய் கஞ்சி வேண்டி.
*********************************
கடவுளை எரிக்கும் அமிலம்
எங்களின் கண்களில் இருக்கிறது.
ஆனால்-
அதை நாங்கள்
அவர் மேல் தெறிப்பதில்லை.
பாவம்தானே! அவரும்.
************************************
காந்தி எங்களிடம் இருக்கிறார்.
ஆனால் அவர் விழித்துக் கொள்வதில்லை.
"ஹே!ராம்!"-அவருக்கு
ஞாபகம் இருக்கும்தானே.
***************************************
பாவம்! சில ஈசல்கள்...
அதன் ஒரு நாள் ஆயுளையும்
பாதியில் தின்கிறது
தவளையின் நாக்கு.
***************************************
அந்தப் பறவையின் கூட்டைப் பிய்த்து விடாதே!
என்றோ-பறந்து போய்விட்ட
தன் குழந்தையின் குரலை
இன்னமும் அதற்குள் வைத்திருக்கிறது ...பறவை.
****************************************
செருப்புகள்! கேவலமில்லை.
அவையும் -பதினான்கு வருடங்கள்
அரியணையில் அமர்ந்தவைதாம்.
*****************************************
மரத்திற்கு மரம் தாவும் குரங்கு....
என்றோ.......ஒரு நாள்
என் தாத்தனுக்குத்...தாத்தனுக்குத்...தாத்தனுக்குத்....
தாத்தாவாய் ....இருந்ததுதான்.
கோபத்தில் நான் இவனைக் "குரங்கு" என்கிறேன்.
மிகச் சிறியவர்களைப் பெரியவர்கள்
பேரால் அழைப்பதைத் "தப்பு" என்கிறாள் அம்மா.
********************************************
அம்பு வீழ்த்திய பறவையின்
சிறகுகளிலிருந்து வழிகிறது.....
புத்தனின் கண்ணீர்.
இன்றும்-
நிலமெங்கும் சிதறிக் கிடக்கிறது
புத்தனின் கண்ணீரும்...
எனது பாவங்களும்.
********************************************

by kitcha Sun Aug 21, 2011 10:43 am

சின்ன சின்ன வரிகள்.ஆனால் பெரும் அர்த்தங்களை உள்ளடக்கிய வரிகள்.

அசத்தலான கவிதை வரிகள்.
சூப்பருங்க

by **rameshnaga** Sun Aug 21, 2011 11:20 am

நன்றி!கிச்சா.

by **ராஜா** Sun Aug 21, 2011 11:27 am

rameshnaga wrote:
***************************************
அந்தப் பறவையின் கூட்டைப் பிய்த்து விடாதே!
என்றோ-பறந்து போய்விட்ட
தன் குழந்தையின் குரலை
இன்னமும் அதற்குள் வைத்திருக்கிறது ...பறவை.
****************************************

அனைத்தும் அருமை ரமேஷ் , அதிலும் இந்த வரிகள் மனதை உருக்குகிறது,
சில கூடுகளில் இறைவனடி சேர்ந்துவிட்ட தாயின் குரலை வைத்துக்கொண்டு குழந்தைகள் இன்னமும் அழுதுகொண்டு இருக்கும் , (என்னைப்போல நிலமெங்கும் சிதறிய ...பாவங்கள். 67637