ராகுல் காந்தி கிளிப்பிள்ளை அல்ல: ரேணுகா

கோபி சதீஷ் · கோபி சதீஷ் Sat 20 Aug 2011 - 17:01

மற்றவர்கள் தெரிவிக்கும் கருத்துகளைத் திருப்பிச் சொல்லும் பச்சைக் கிளி அல்ல ராகுல் காந்தி என காங்கிரஸ் கட்சியின் புதிய செய்தித்தொடர்பாளர் ரேணுகா செüத்ரி கூறினார்.

நாடாளுமன்ற வளாகத்தில் நிருபர்களிடம் அவர் வியாழக்கிழமை பேசும்போது இவ்வாறு கூறினார்.

அப்போது, அண்ணா ஹசாரே மேற்கொள்ளும் உண்ணாவிரதம் குறித்து அனைத்துத் தலைவர்களும் கருத்து தெரிவிக்கின்றனர். ஆனால், ராகுல் காந்தி ஏன் எந்தக் கருத்தையும் கூறாமல் மெüனம் காத்து வருகிறார் என்று கேட்கப்பட்டது.

அதற்குப் பதில் அளித்த ரேணுகா செüத்ரி, மற்றவர்கள் தெரிவிக்கும் கருத்துகளைத் திருப்பிச் சொல்லும் பச்சைக் கிளி அல்ல ராகுல் காந்தி என்று பதில் அளித்தார்.

அண்ணா ஹசாரே விவகாரத்தில் காங்கிரஸ் கட்சியும், மத்திய அரசும் ஏன் முன்னுக்குப் பின் முரணான கருத்து தெரிவித்து வருகின்றன என்று கேட்டதற்கு, இது தான் ஜனநாயகம். நாட்டு மக்களின் நலனை கருத்தில் கொண்டுதான் மத்திய அரசும், காவல் துறையும் அனைத்து நடவடிக்கைகளையும் மேற்கொண்டுவருகின்றன என்றார் ரேணுகா.

தில்லி போலீசாருக்குக் கிடைத்த தகவலின் அடிப்படையில்தான் எந்தவித அசம்பாவிதமும் நடந்துவிடக் கூடாது என்ற நோக்கில் முன் எச்சரிக்கை நடவடிக்கை எடுக்கப்பட்டது என்று அவர் கூறினார்.

அண்ணா ஹசாரேயின் போராட்டத்துக்குப் பின்னணியில் வெளிநாட்டு சக்திகள், குறிப்பாக அமெரிக்க இருப்பதாக நிருபர்களிடம் காங்கிரஸ் செய்தித் தொடர்பாளர் ரஷீத் அலவி கூறியுள்ளாரே என்ற கேட்டதற்கு, அது குறித்து நான் எந்தக் கருத்தையும் கூற இயலாது. அவரிடமே கேளுங்கள் என்றார் ரேணுகா செüத்ரி.

நன்றி : தினமணி

kitcha · kitcha Sat 20 Aug 2011 - 17:11

என்னதான் முடிவு என்று பார்ப்போம்.
பகிர்விற்கு நன்றி பிரதர்

ராகுல் காந்தி கிளிப்பிள்ளை அல்ல: ரேணுகா

ராகுல் காந்தி கிளிப்பிள்ளை அல்ல: ரேணுகா

Re: ராகுல் காந்தி கிளிப்பிள்ளை அல்ல: ரேணுகா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக