வண்ணமாகிவிடும் சில கணங்கள்...

**rameshnaga** · **rameshnaga** Fri Aug 19, 2011 9:37 pm

கருப்பு...வெள்ளையாய் இருக்கலாம்.
வண்ணமாயும் இருக்கலாம்.
வானவில்லும்...மின்னலும் கலந்த
அழகாய் இருக்கிறது
எந்த ஒரு புகைப்படமும்.
கடந்தகாலத்தின்....
ஏதோ ஒரு கணத்தைச் சுமக்கும் அது
நம்மை-
இறந்தகாலத்திற்கு அழைத்துச்சென்று...
ஒரு...நிகழ்காலத்தைத் தருவித்து விடுகிறது.
சில அழியாத நினைவுகளால்....
அலைக்கழியும் நம் மனதின் கரையை உடைக்கிறது.
அல்லது--
உடையும் கண்ணீரின் அணையாகிறது.
எப்படியோ-சில நேரங்களில்
நாம் பார்க்க நேரிடும் ஒரு புகைப்படம்
எழுத முடியாத வரிகளுடன்
வாழ்ந்துவிடுகிறது
நமது வாழ்க்கையின் சில கணங்களை.