"எல்லாம் ஒரு விளம்பரம்தான்"

**rameshnaga** · **rameshnaga** Fri Aug 19, 2011 6:02 am

First topic message reminder :

பொது நன்மை கருதியே இந்த விளம்பரம் வெளியிடப் படுகிறது.

""புகை @@@@@ பகை""
""குடி......குடியைக் கெடுக்கும்""

******பின் குறிப்பு ....."அரசாங்கத்திற்குப் பொருந்தாது".
*********************************************************
செவ்வாயில்......
பாறை, மலை, கடல் .....
எல்லாம் இருக்கிறதாம்.
பாவம்! என் ஜோசியர்!
இனி அவர் எப்படி....வெறும் வாயால்
எனக்கு ஐந்திலிருக்கும் செவ்வாயை
ஏழுக்கு நகர்த்துவார்?
*******************************************************
சின்னத் திரையில் நெடும் தொடர்கள்...
தெரு நாய்கள் ஓடி வருகின்றன சோற்றுக்கு
விளம்பர இடைவேளைகளில் மட்டும்.
********************************************************
எல்லா நடுத்தரக் குடும்பங்களிலும்
"மரங்கள்" வளர்கின்றன.
படித்து முடித்து ....வேலை கிடைப்பதற்கான
இடைவெளிகளில்.
*********************************************************
மழைக் கல்யாணம்...
பூனைக்கும்..கழுதைக்கும்.
மழை வரவில்லை.
.....பூனை கர்ப்பமாக இருக்கிறது.
***********************************************************
தலைவர்கள் கை குலுக்கிக் கொள்கிறார்கள்...
பேச்சு வார்த்தை முடிந்து விட்டது.
நாளை..எங்கள் தலைவர்
அவரின் குல தெய்வம் அய்யனாருக்கு
நேர்த்திக் கடன் செலுத்துகிறார்.
"அரை பர்ஸெண்ட்"
என்ன இருந்தாலும்-
சாமிக் குத்தம் ஆகாது.
***********************************************************

**rameshnaga** · **rameshnaga** Fri Aug 19, 2011 7:05 pm

ரொம்ப, ரொம்ப நன்றிகள்...அருண், கிச்சா, ரேவதி, உமா, ஸ்ரீ ஜா ,
த. சுதானந்தன், பூஜிதா.

உமாவுக்கு...

படிச்சுட்டு....வேலையில்லாமல் தவிக்கிற போது...வீட்டில திட்டுவாங்கால்ல.. "ஏண்டா! மரம் மாதிரி நிக்கறே! தண்டச் சோறு!"
அப்டீனெல்லாம்...அதை மனசில வச்சிக்கிட்டு எழுதினது.

"எல்லாம் ஒரு விளம்பரம்தான்"

"எல்லாம் ஒரு விளம்பரம்தான்"

Re: "எல்லாம் ஒரு விளம்பரம்தான்"

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக