நுனிப்புல் தின்போமா ?

**ayyamperumal** · **ayyamperumal** Thu Aug 18, 2011 5:38 pm

First topic message reminder :

அழுது கொண்டிருந்தாலும் உழுது கொண்டிருக்க வேண்டும் என்பார்கள் ! அதை ஈகரை உறவுகளுக்கு நினைவு படுத்த கடைமை பட்டுள்ளேன். ஏன் எனில் நாம் தமிழை விரும்புபவர்கள். தமிழ் என்பது அரட்டை யடிப்பதிலும், கவிதை எழுதுவதிலும், மட்டுமே வளராது. நாம் இந்த தமிழ் சமுதாயத்தில் வாழ்கிறோம். இதற்க்கு முன்பு இங்கு தமிழ் மரத்தை வளர்த்தவர்களை அறிவோமா ? நம்மில் எத்தனை பேருக்கு வேர்களை பற்றி தெரியும், அதன் தன்மைகளை பற்றி தெரியும்?. இதற்க்கு
நமது வேலை பளுவும் ஒரு காரணம் தான் . நம்மில் அனைவருக்கும் இலக்கிய பசி இருப்பதை நான் அறிவேன். பசித்திருக்கும் ஒருவன் நொறுக்கு தீனிகளை தின்பது போல நாம், நம் இலக்கிய பசிக்கு நொறுக்கு தீனி திண்போம். இதில் ஓர் நன்மையும் உண்டு. நொறுக்கி தீனிகள் பசியை அதிகப் படுத்தும் ஆனால் பசியை தீர்க்காது. அதைப்போல இந்த நுனிப் புல் மேய்வதால் இலக்கியத்தை முழுதாய் படிக்க வேண்டும் என்கிற ஆர்வம் வளரும்.

இதற்க்காக நாம் பெரிதாய் ஒன்றும் செய்ய தேவை இல்லை. சிறுவயதில் படித்த இடம் சுட்டி பொருள் விளக்குக என்கிற பாடத்தை மீண்டும் படித்தால் போதும்.

உதாரணம் !
இடம் சுட்டி பொருள் விளக்கு

முருகிர் சிறந்த கழுநீரும்
முதிரா இளைஞர் ஆருயிரும்
திருகிச் செருகும் கூந்தல் !
இது போன்ற எதேனும் இலக்கியத்தில் உள்ள வரிகளை எழுதி கேள்வி கேளுங்கள்.
இதன் பதிலை தருவதற்க்கு சிலராவது தயாராய் இருப்பார்கள் ஆனால் பெரும்பாலானோர் அதனை தெரிந்து கொள்ள வாய்ப்பிருக்கிறது.
இதனை நன்கு இலக்கியப்பரிச்சயம் உள்ள யாரேனும் கவனத்தில் கொள்வீர்கள் என நம்புகிறேன்.

**ayyasamy ram** · **ayyasamy ram** Mon Aug 31, 2015 7:20 am

[You must be registered and logged in to see this image.]
-
திருவிளையாடற்புராணத்தில் பரஞ்சோதி முனிவர்
அருளிய பாடல் இது.
-
கல்லாலின் புடையமர்ந்து நான்மறை ஆறு அங்கம் முதற்கற்ற கேள்வி

வல்லார்கள் நால்வருக்கும் வாக்கிறந்த பூரணமாய் மறைக்கு அப்பாலாய்

எல்லாமாய் அல்லதுமாய் இருந்தனை இருந்தபடி இருந்து காட்டிச்

சொல்லாமல் சொன்னவரை நினையாமல் நினைந்து பவத் தொடக்கை வெல்வாம்.
-
ஜாதகத்தில் குரு பலம் குறைபாடுள்ள அன்பர்கள்,
வியாழக்கிழமைதோறும் பூஜை அறையை சுத்தம்
செய்து, அரிசி மாவு, மஞ்சள் பொடி கலந்து கோலத்தைப்
போட்டு, குருபகவானை
மேற்காணும் துதிப்பாடலைச் சொல்லி வழிபட்டு
வரம் பெறலாம்.
-

**krishnaamma** · **krishnaamma** Mon Aug 31, 2015 9:49 am

நல்ல விவரம் ராம் அண்ணா புன்னகை

........நன்றி ! ................. அன்பு மலர்

**M.Jagadeesan** · **M.Jagadeesan** Mon Aug 31, 2015 3:52 pm

சரியான விடை ! அய்யாசாமி அவர்களுக்கு நன்றி !

**M.Jagadeesan** · **M.Jagadeesan** Mon Aug 31, 2015 4:02 pm

இனி அடுத்த நுனிப்புல்லை மேய்வோமா !

இடம்சுட்டிப் பொருள் விளக்குக :
========================
வற்றிய ஓலை கலகலக்கும் எஞ்ஞான்றும்
பச்சோலைக்கு இல்லை ஒலி .

**krishnaamma** · **krishnaamma** Mon Aug 31, 2015 9:58 pm

M.Jagadeesan wrote:இனி அடுத்த நுனிப்புல்லை மேய்வோமா !

இடம்சுட்டிப் பொருள் விளக்குக :
========================
வற்றிய ஓலை கலகலக்கும் எஞ்ஞான்றும்
பச்சோலைக்கு இல்லை ஒலி .

[You must be registered and logged in to see this link.]

நாலடியார் கூறும் நன்னெறி!

கற்றறிந்த நாவினார் சொல்லார்தம் சோர்வஞ்சி
மற்றைய ராவார் பகர்வர் பனையின்மேல்
வற்றிய ஓலை கலகலக்கும், எஞ்ஞான்றும்
பச்சோலைக்கு இல்லை ஒலி. 256

நூல்களைக் கற்று அவற்றின் உட்பொருளை அறிந்த நாவினையுடைய புலவர், பேசினால் ஏதேனும் பிழை நேருமோ என அஞ்சி, எதையும் கண்டபடி பேசார். கற்றறியாதவரோ வாய்க்கு வந்தபடி பேசுவர். பனைமரத்தில் உலர்ந்த ஓலைகள் எப்போதும் ‘கலகல’ என ஒலி எழுப்பும். பச்சை ஓலை அவ்வாறு ஒலிப்பதில்லை.

நன்றி : மழைத்துளி !

**M.Jagadeesan** · **M.Jagadeesan** Mon Aug 31, 2015 10:40 pm

சரியான விடையளித்த கிருஷ்ணம்மாவுக்கு நன்றி !

**krishnaamma** · **krishnaamma** Mon Aug 31, 2015 11:50 pm

M.Jagadeesan wrote:சரியான விடையளித்த கிருஷ்ணம்மாவுக்கு நன்றி !

[You must be registered and logged in to see this link.]

நன்றி ஐயா ! ................ அன்பு மலர்

**ayyasamy ram** · **ayyasamy ram** Tue Sep 01, 2015 5:13 am

சரியான விடை அளித்த கிருஷ்ணம்மாவுக்கு பாராட்டுகள்..!!
-
சூப்பருங்க

-
[You must be registered and logged in to see this image.]

**M.Jagadeesan** · **M.Jagadeesan** Tue Sep 01, 2015 8:03 am

பச்சை பனை ஓலை மட்டும் காட்டினால் போதுமா ? காய்ந்த பனை ஓலை காட்டவேண்டாமா ?

**ayyasamy ram** · **ayyasamy ram** Tue Sep 01, 2015 8:35 am

M.Jagadeesan wrote:பச்சை பனை ஓலை மட்டும் காட்டினால் போதுமா ? காய்ந்த பனை ஓலை காட்டவேண்டாமா ?

[You must be registered and logged in to see this link.]
-
புன்னகை

-
[You must be registered and logged in to see this image.]

Sponsored content · Sponsored content

நுனிப்புல் தின்போமா ?

நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக