நுனிப்புல் தின்போமா ?

**ayyamperumal** · **ayyamperumal** Thu Aug 18, 2011 5:38 pm

First topic message reminder :

அழுது கொண்டிருந்தாலும் உழுது கொண்டிருக்க வேண்டும் என்பார்கள் ! அதை ஈகரை உறவுகளுக்கு நினைவு படுத்த கடைமை பட்டுள்ளேன். ஏன் எனில் நாம் தமிழை விரும்புபவர்கள். தமிழ் என்பது அரட்டை யடிப்பதிலும், கவிதை எழுதுவதிலும், மட்டுமே வளராது. நாம் இந்த தமிழ் சமுதாயத்தில் வாழ்கிறோம். இதற்க்கு முன்பு இங்கு தமிழ் மரத்தை வளர்த்தவர்களை அறிவோமா ? நம்மில் எத்தனை பேருக்கு வேர்களை பற்றி தெரியும், அதன் தன்மைகளை பற்றி தெரியும்?. இதற்க்கு
நமது வேலை பளுவும் ஒரு காரணம் தான் . நம்மில் அனைவருக்கும் இலக்கிய பசி இருப்பதை நான் அறிவேன். பசித்திருக்கும் ஒருவன் நொறுக்கு தீனிகளை தின்பது போல நாம், நம் இலக்கிய பசிக்கு நொறுக்கு தீனி திண்போம். இதில் ஓர் நன்மையும் உண்டு. நொறுக்கி தீனிகள் பசியை அதிகப் படுத்தும் ஆனால் பசியை தீர்க்காது. அதைப்போல இந்த நுனிப் புல் மேய்வதால் இலக்கியத்தை முழுதாய் படிக்க வேண்டும் என்கிற ஆர்வம் வளரும்.

இதற்க்காக நாம் பெரிதாய் ஒன்றும் செய்ய தேவை இல்லை. சிறுவயதில் படித்த இடம் சுட்டி பொருள் விளக்குக என்கிற பாடத்தை மீண்டும் படித்தால் போதும்.

உதாரணம் !
இடம் சுட்டி பொருள் விளக்கு

முருகிர் சிறந்த கழுநீரும்
முதிரா இளைஞர் ஆருயிரும்
திருகிச் செருகும் கூந்தல் !
இது போன்ற எதேனும் இலக்கியத்தில் உள்ள வரிகளை எழுதி கேள்வி கேளுங்கள்.
இதன் பதிலை தருவதற்க்கு சிலராவது தயாராய் இருப்பார்கள் ஆனால் பெரும்பாலானோர் அதனை தெரிந்து கொள்ள வாய்ப்பிருக்கிறது.
இதனை நன்கு இலக்கியப்பரிச்சயம் உள்ள யாரேனும் கவனத்தில் கொள்வீர்கள் என நம்புகிறேன்.

சசி · சசி Fri Aug 28, 2015 7:01 pm

சூனியம் என்பது,
புறப்பொருள்களான ஜாடி அல்லது மலர் அல்லது
அகப்பொருளான இன்பம் அல்லது துன்பம்,
சிந்தனை எதுவாயினும் சரி,
தத்துவங்களால் ஆன பொருள் எதுவும்
ஆதாரம் (பற்றுக்கோடு) இல்லாமல் நிற்குமேயானால்
அதுவே சூனியம்.
சிவோபாத்யாயா நூலில் இருந்து

**M.Jagadeesan** · **M.Jagadeesan** Sat Aug 29, 2015 8:06 am

இனி அடுத்த நுனிப்புல்லை மேய்வோமா !

இடம்சுட்டிப் பொருள் விளக்குக :
=======================
இல்லையென்பான் யாரடா என் அப்பனைத்
தில்லையிலே வந்து பாரடா !

**krishnaamma** · **krishnaamma** Sat Aug 29, 2015 9:25 pm

என் பதிலுக்கு நீங்க ஒண்ணுமே சொல்லலையே ஐயா? சோகம்

**M.Jagadeesan** · **M.Jagadeesan** Sat Aug 29, 2015 9:36 pm

நுனிப்புல்லை விதைத்தது அய்யாசாமி ராம் அவர்கள்தான் ! முறைப்படி அவர்தான் பதில் சொல்லவேண்டும் .ஆனாலும் நானே சொல்கிறேன் .
சரியான பதிலைத்தான் பதிவு செய்துள்ளீர்கள் !

சித்தன் போக்கு சிவன்போக் காகும்
...சித்தி பெற்றவரே சித்தர் ஆவார் !
மெத்தப் படித்த சான்றோர் கூட
...சித்தர் பாட்டின் பொருளை அறியார் !

**krishnaamma** · **krishnaamma** Sat Aug 29, 2015 9:47 pm

M.Jagadeesan wrote:நுனிப்புல்லை விதைத்தது அய்யாசாமி ராம் அவர்கள்தான் ! முறைப்படி அவர்தான் பதில் சொல்லவேண்டும் .ஆனாலும் நானே சொல்கிறேன் .
சரியான பதிலைத்தான் பதிவு செய்துள்ளீர்கள் !

சித்தன் போக்கு சிவன்போக் காகும்
...சித்தி பெற்றவரே சித்தர் ஆவார் !
மெத்தப் படித்த சான்றோர் கூட
...சித்தர் பாட்டின் பொருளை அறியார் !

[You must be registered and logged in to see this link.]

மன்னிக்கணும், நான் சரியா கவனிக்கலை, நீங்க தான் கேள்வி கேட்டீங்க என்று இப்படி கேட்டுவிட்டேன் புன்னகை

**ayyasamy ram** · **ayyasamy ram** Sun Aug 30, 2015 7:20 am

தங்கையின் பதிலை பாராட்டுவதை விட
முக்கிய வேலை வேறேதுமில்லை...!!
-
விளக்கம் அருமை, அருமை என்று பாராட்டி இருந்தேனே...!!
-

இல்லையென்பான் யாரடா என் அப்பனைத்
தில்லையிலே வந்து பாரடா !
-
விளக்கம் சொல்லுங்கள்....

க்ளூ...
-
யோகி சுத்தானந்த பாரதியார் இயற்றிய பாடல்...
-

**M.Jagadeesan** · **M.Jagadeesan** Sun Aug 30, 2015 9:16 am

இவருடைய தமிழ்ப் பாடல்களை திருமதி எம்.எஸ்.சுப்புலட்சுமி, எம்.எம்.தண்டபாணி தேசிகர், டி.கே. பட்டம்மாள், ஜி.என்.பாலசுப்பிரமணியம், சீர்காழி கோவிந்தராஜன் ஆகியோர் பாடிப் பிரபலப்படுத்தினார்கள். எம்.எம்.தண்டபாணி தேசிகர் பாடி பிரபலமான பாடல் "இல்லையென்பான் யாரடா" எனும் பாடல். தமிழில் பாட பாடல்கள் எங்கே இருக்கிறது என்று கேட்டவர்களுக்கு பதிலடி கொடுப்பது போல இந்தப் பாடல் அமைந்தது என்று தேசிகருக்கு பெருமகிழ்ச்சி.

கடவுள் இல்லை என்று சொல்பவர்களுக்குச் சவுக்கடி கொடுப்பதைப் போல கவியோகி சுத்தானந்த பாரதியார் இப்பாடலைப் பாடினர் .

................பல்லவி ......................

இல்லையென்பான் யாரடா என் அப்பனைத்
தில்லையிலே போய்ப் பாரடா !

..............அனுபல்லவி ...................

கல்லும் கசிந்துருகக் கனிந்த முறுவலுடன்
காட்சி அளிக்கும் அந்தக் கருணைச் சுடரொளியை .......( இல்லை )

...................சரணம் ..........................

கல்லைக் கனியாக்க வல்ல புலவனைக்
கலைவடி வாகியென் கண்ணான கண்ணனை
எல்லா உலகினுக்கும் இறைவனை அன்பரின்
இதயத்தில் நடமாடும் சிதம்பர நாதனை .........( இல்லை )

.......................................கவியோகி சுத்தானந்த பாரதியார் .

இப்பாடலைக் கேள்வியுற்ற ஓர் நாத்திகவாதி ( பெயர் தெரியவில்லை ) பதிலுக்கு ஒரு பாட்டுப் பாடியதாகச் சொல்வார்கள் . அப்பாடலின் முதல் இரண்டு வரிகள் கீழே

இல்லையென்பான் நானடா ! உன் அப்பனைத்
தில்லையிலே வந்து காட்டடா !

**ayyasamy ram** · **ayyasamy ram** Sun Aug 30, 2015 10:05 am

விளக்கம்... நுனிப்புல் தின்போமா ? - Page 14 3838410834

-
[You must be registered and logged in to see this image.]
-
கவியோகி சுத்தானந்த பாரதியார்
----------------------------------------------------------

பெரியார் கொள்கையால் ஈர்க்கப்பட்டு, பாரதிதாசன்
அவர்கள்
-
இல்லையென்பான் நானடா ! உன் அப்பனைத்
தில்லையிலே வந்து காட்டடா !
-
என எதிர்ப்பாட்டு பாடியதாக சொல்வார்கள்...
-

**krishnaamma** · **krishnaamma** Mon Aug 31, 2015 1:01 am

நல்ல விளக்கம் ராம் அண்ணா, நான் அறியாதது...இப்போ தெரிந்து கொண்டேன் ..நன்றி ! .... அன்பு மலர்

**M.Jagadeesan** · **M.Jagadeesan** Mon Aug 31, 2015 6:45 am

இனி அடுத்த நுனிப்புல்லை மேய்வோமா !

இடம்சுட்டிப் பொருள் விளக்குக :
=======================
எல்லாமாய் அல்லதுமாய் இருந்ததனை
...இருந்தபடி இருந்து காட்டிச்
சொல்லாமல் சொன்னவரை நினையாமல்
...நினைந்துபவத் தொடக்கை வெல்வாம் .

Sponsored content · Sponsored content

நுனிப்புல் தின்போமா ?

நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

Re: நுனிப்புல் தின்போமா ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக