நுனிப்புல் தின்போமா ?

by **ayyamperumal** Thu Aug 18, 2011 5:38 pm

First topic message reminder :

நுனிப்புல் தின்போமா ?

அழுது கொண்டிருந்தாலும் உழுது கொண்டிருக்க வேண்டும் என்பார்கள் ! அதை ஈகரை உறவுகளுக்கு நினைவு படுத்த கடைமை பட்டுள்ளேன். ஏன் எனில் நாம் தமிழை விரும்புபவர்கள். தமிழ் என்பது அரட்டை யடிப்பதிலும், கவிதை எழுதுவதிலும், மட்டுமே வளராது. நாம் இந்த தமிழ் சமுதாயத்தில் வாழ்கிறோம். இதற்க்கு முன்பு இங்கு தமிழ் மரத்தை வளர்த்தவர்களை அறிவோமா ? நம்மில் எத்தனை பேருக்கு வேர்களை பற்றி தெரியும், அதன் தன்மைகளை பற்றி தெரியும்?. இதற்க்கு
நமது வேலை பளுவும் ஒரு காரணம் தான் . நம்மில் அனைவருக்கும் இலக்கிய பசி இருப்பதை நான் அறிவேன். பசித்திருக்கும் ஒருவன் நொறுக்கு தீனிகளை தின்பது போல நாம், நம் இலக்கிய பசிக்கு நொறுக்கு தீனி திண்போம். இதில் ஓர் நன்மையும் உண்டு. நொறுக்கி தீனிகள் பசியை அதிகப் படுத்தும் ஆனால் பசியை தீர்க்காது. அதைப்போல இந்த நுனிப் புல் மேய்வதால் இலக்கியத்தை முழுதாய் படிக்க வேண்டும் என்கிற ஆர்வம் வளரும்.

இதற்க்காக நாம் பெரிதாய் ஒன்றும் செய்ய தேவை இல்லை. சிறுவயதில் படித்த இடம் சுட்டி பொருள் விளக்குக என்கிற பாடத்தை மீண்டும் படித்தால் போதும்.

உதாரணம் !
இடம் சுட்டி பொருள் விளக்கு

முருகிர் சிறந்த கழுநீரும்
முதிரா இளைஞர் ஆருயிரும்
திருகிச் செருகும் கூந்தல் !
இது போன்ற எதேனும் இலக்கியத்தில் உள்ள வரிகளை எழுதி கேள்வி கேளுங்கள்.
இதன் பதிலை தருவதற்க்கு சிலராவது தயாராய் இருப்பார்கள் ஆனால் பெரும்பாலானோர் அதனை தெரிந்து கொள்ள வாய்ப்பிருக்கிறது.
இதனை நன்கு இலக்கியப்பரிச்சயம் உள்ள யாரேனும் கவனத்தில் கொள்வீர்கள் என நம்புகிறேன்.

by **M.Jagadeesan** Thu Aug 20, 2015 8:27 am

வாலி வதைப் படலத்தை ஓவியமாக வரையும்போது , மரத்தின் பின்னால் இராமன் ஒளிந்திருந்து பார்ப்பதுபோல் , ஓவியம் தீட்டுவார்கள் .

எனவே ஓவியத்தில் தீட்டமுடியாத அளவுக்குக் கொள்ளை அழகுடையவன் இராமன் என்று கொள்வதே பொருத்தமானது .

வடலூர் இராமலிங்க அடிகளைப் , Photo எடுத்தாலும் அதில் அவருடைய உருவம் பதியாது என்று சொல்வார்கள் .

by **M.Jagadeesan** Thu Aug 20, 2015 8:31 am

இனி அடுத்த நுனிப்புல்லை மேய்வோமா !

இடம் சுட்டிப் பொருள் விளக்குக :
================================

பொங்கு கனங்குழை மண்டிய கெண்டை
...புரண்டு புரண்டாடக் குழல்
மங்குலில் வண்டு கலைந்தது கண்டு
...மதன்சிலை வண்டோட இனி ...

by **krishnaamma** Thu Aug 20, 2015 10:02 am

M.Jagadeesan wrote:இனி அடுத்த நுனிப்புல்லை மேய்வோமா !

இடம் சுட்டிப் பொருள் விளக்குக :
================================

பொங்கு கனங்குழை மண்டிய கெண்டை
...புரண்டு புரண்டாடக் குழல்
மங்குலில் வண்டு கலைந்தது கண்டு
...மதன்சிலை வண்டோட இனி ...

[You must be registered and logged in to see this link.]

குற்றாலக் குறவஞ்சியில் வரும் பாடல்களில் ஒய்யாரி(நவநாகரிகமானவள்) வசந்த
வல்லி பந்தாடும் போது எப்படியிருந்தாள் எப்படியிருந்தது என்பதை விளக்கும்
பாடல்களில் ஒன்று இது புன்னகை

....இதோ முழுப்பாடல்...............

பொங்கு கனங்குழை மண்டிய கெண்டை
புரண்டு புரண்டாடக் - குழல்
மங்குலில் வண்டு கலைந்தது கண்டு
மதன்சிலை வண்டோட - இனி
இங்கிது கண்டுல கென்படும் என்படும்
என்றிசை திண்டாட - மலர்ப்
பங்கய மங்கை வசந்த சவுந்தரி
பந்து பயின்றாளே!

கனத்த காதணிகள் கெண்டை மீன் போன்ற கண்களின் மீது புரண்டு புரண்டு ஆடின!
கூந்தலாகிய மேகத்திலிருந்து வண்டுகள்(ஆடுகின்ற ஆட்டத்தில் வண்டுகள் அஞ்சி
கூந்தலில் இருந்து பறந்துச் சென்றன)கலைந்து செல்வதைக் கண்டு மன்மதன்
கரும்புவில்லின் நாணாகிய வண்டுகளும் உடன் சென்றன! இதைக் கண்டு உலகம் என்ன
பாடுபடுமோ! என்பது போல் இடையானது துவண்டு துவண்டு நடுங்க செந்தாமரை
மலரில் வீற்றிருக்கும் திருமகளை ஒத்த வசந்த வல்லி என்னும் அழகி பந்து
ஆடினாள்.
.
.
இதில் இருக்கும் 4 வரிகளை அபிராமி பட்டர் பாடுவது போல TMS ஒரு படத்தில் பாடுவார் புன்னகை

by **M.Jagadeesan** Thu Aug 20, 2015 10:18 am

கிருஷ்ணம்மா அவர்களுக்கு நன்றி !

SV . சுப்பையா அவர்கள் அபிராமி பட்டராக வருவார் . அவர் இந்தப் பாடலின் முதல் நான்கு அடிகளை TMS குரலில் பாடுவார் . படம் நினைவில்லை .

by **T.N.Balasubramanian** Thu Aug 20, 2015 10:30 am

sv சுப்பையா --அபிராமி பட்டர் என்றால் --கந்தன் கருணை .
1974/75 இல் பார்த்த நினைவு.

ரமணியன்

by **M.Jagadeesan** Thu Aug 20, 2015 10:36 am

கந்தன் கருணையில் அபிராமி பட்டர் எப்படி வரமுடியும் ?

by **T.N.Balasubramanian** Thu Aug 20, 2015 10:55 am

இல்லையில்லை .

"ஆதி பராசக்தி" யில் சுப்பையா அவர்கள் அபிராமி பட்டராக வருவார் .
கந்தன் கருணை என்று தவறாக பதிவிட்டு விட்டேன் .

ரமணியன்

by **T.N.Balasubramanian** Thu Aug 20, 2015 10:59 am

இதை பார்க்கவும்

ரமணியன்

by **krishnaamma** Thu Aug 20, 2015 11:02 am

M.Jagadeesan wrote:கிருஷ்ணம்மா அவர்களுக்கு நன்றி !

SV . சுப்பையா அவர்கள் அபிராமி பட்டராக வருவார் . அவர் இந்தப் பாடலின் முதல் நான்கு அடிகளை TMS குரலில் பாடுவார் . படம் நினைவில்லை .

[You must be registered and logged in to see this link.]

நன்றி ஐயா, அந்த படம் ஆதி பராசக்தி புன்னகை

by **M.Jagadeesan** Thu Aug 20, 2015 11:26 am

செங்கையில் வண்டு கலின்கலி னென்று செயஞ்செயம்
என்றாட - இடை
சங்கத மென்று சிலம்பு புலம்பொடு தண்டை
கலந்தாட - இரு
கொங்கை கொடும்பகை வென்றன மென்று குழைந்து
குழைந்தாட - மலர்ப்
பைங்கொடி நங்கை வசந்த சவுந்தரி
பந்து பயின்றாளே.

இந்த குற்றாலக் குறவஞ்சி வரிகளைத்தான் கவிஞர் கண்ணதாசன் தனது பாடலில் சேர்த்துள்ளார்.
கடைசி வரியை மட்டும்
................................மலர்ப்
பங்கயமே உனைப்பாடிய பிள்ளைமுன் நிலவு
எழுந்தாட

என்று மாற்றிவிட்டார் .

நானும் ,கிருஷ்ணம்மாவும் சொன்னது தவறு .