கிரான்ஸ் நோய்

**சிவா** · **சிவா** Thu Dec 11, 2008 1:21 am

சிலருக்கு மலம் கழிக்கையில் ரத்தப்போக்கு, அடி வயிற்றில் வலி போன்ற தொல்லைகள் இருக்கும். இதை குடல் வால் வலி அல்லது மூலநோய் என நினைப்பார்கள். பரிசோதித்துப் பார்த்;தால் பெருங்குடல் அழற்சி ஏற்பட்டிருப்பது தெரியும்.

பெருங்குடலில் வரும் அழற்சி நோய்களை வீக்கத்துடன் கூடிய குடற்புண், கிரான்ஸ் நோய் என பிரிக்கலாம். இவை இரண்டுமே நாட்பட்ட நிலையில் தோன்றும் நோய்களாகும்.

குடலைச் சுற்றியுள்ள சவ்வுப் படலம் மற்றும் உட்புற சவ்வுப்படலம் ஆகிய வற்றில் வீக்கமோ, அழற்சியோ, புண்ணோ இருந்தால் அது அழற்சி நோய்.
குடல் சுவர் முழுவதுமே புண்ணாக இருந்தால் அது கிரான்ஸ் நோய். 15-40 வயது உள்ளவர்களை அதிகமாக பாதிக்கும். இந்நோயின் தாக்கம் 17 வயதில் அதிகமாகத் தெரிய ஆரம்பிக்கும்.

உலகில் யூதர்களுக்கே அதிகமாக இந்நோய் ஏற்படுகிறது. இருப்பினும் பரவலாக அனைத்துத் தரப்பினருக்கும் இந்நோயின் பாதிப்பு உருவாகிறது.
இந்த நோயைக் கண்டறிந்தவரின் பெயர் கிரான்ஸ். அவரது பெயராலேயே இந்நோய் அழைக்கப்படுகிறது.

நாட்பட்ட நிலையில் சிறுகுடல் பாதிப்பின் தொடர்ச்சியாக பெருங்குடலில் ஏற்படும் குழிப்புண் அல்லது அழற்சிப்புண் தான் கிரான்ஸ் நோய்.

**சிவா** · **சிவா** Thu Dec 11, 2008 1:21 am

கிரான்ஸ் நோயின் பாதிப்புகள்

1. இலியம் எனப்படும் கடைசி சிறு குடல் மற்றும் பெருங்குடலும், சிறு குடலும் சேரும் பகுதியாக சீக்கம் ஆகியவற்றில் பாதிப்பு, சிறுகுடல் பாதிப்பு, வாய், நாக்கு, உணவுக்குழாய், இரைப்பை, முன் சிறுகுடல், ஆகியவை பாதிக்;கப்படும்.

புகைப்பழக்கம், மைக்கோ பாக்டீரியம் என்ற நுண்ணுயிரியின் பாதிப்பு போன்றவற்றால் அதிகரிக்கிறது.

10% பேருக்கு மூட்டு விறைப்பு, தண்டுவட எலும்பு அழற்சி உண்டாகிறது.
குடல் சுவர் முழுவதும் நீர்க்கோவையுடன் வீக்கம் உண்டாகி சுவர்கள் தடித்தல், குடல் அடைப்பினால் வலி, குமட்டல், வாந்தி, அதிக வயிறு இரைச்சல், காய்ச்சல் மற்றும் பேதி சேர்ந்து வருதல், நீர்த்த மலம், ரத்தம்- சளி-சீழ் ஆகியவை காணப்படும்.

கொழுப்பு மலம் வெளியேறுதல், ஊட்டச்சத்து மற்றும் மருந்துகள் ஆகிய வற்றை கிரகிக்க இயலாத நிலை உண்டாகும். நோயாளிகள் ஊட்டச்சத்து குறைபாடு, எடை குறைவு, பசியின்மை, வளர் சிதை மாற்றப் பிரச்சினைகள் ஆகியவற்றால் பாதிக்கப்படுவார்கள்.

மலவாயில் நைவுப் புண்களும், விழுதுகள் போல நீர்க்கோர்வையுடன் மலவாயைச் சுற்றி சீழ்க்கட்டிகள் மற்றும் புரை ஓட்டைகள் காணப்படும்.
சிறு குடல், முன்சிறு குடல் பகுதியில் கிரான்ஸ் நோய் அதிகமானால் நெஞ்சுக் குழியில் வலி ஏற்படும். சில நேரங்களில் இரைப்பை, முன் சிறுகுடல் புண் உருவாக இது காரணமாக இருக்கும்;.

நாட்பட்ட நிலையில் தொடர்ந்து பல மாதங்கள் கூட பேதியாகலாம்.

**சிவா** · **சிவா** Thu Dec 11, 2008 1:22 am

குடலுக்கு வெளியே விளைவுகள்!

சிறுநீர்ப் பாதையில் கல், சிறுநீரக நுண்குழல் அழற்சி, சிறுநீர்ப் பை அழற்சி, சிறுநீர் வடிகுழாய் அடைப்பு, சிறுநீரகத் தளர்ச்சி, சிறுநீரகத்தில் அமிலாய்டுகள் என்ற தாதுப்பொருட்கள் படிதல், குடல் அடைப்பு, சிறுநீருடன் குடல்வாயு பிரிதல், குடல் துளைகள், கல்லீரல் மற்றும் மண்ணீரல் வீக்கம், சிறுநீரில் அதிகமான கால்சியம் ஆக்சலேட் ஆகியவை இருக்கும்.

பரிசோதனைகள் மூலமே நோயைக்கண்டறிய வேண்டும். நோய் தீவிர நிலையை அடைந்தால் அறுவை சிகிச்சை அவசியம்.

Sponsored content · Sponsored content

கிரான்ஸ் நோய்

கிரான்ஸ் நோய்

Re: கிரான்ஸ் நோய்

Re: கிரான்ஸ் நோய்

Re: கிரான்ஸ் நோய்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக