எனது திசையில் இல்லை நான்.

**rameshnaga** · **rameshnaga** Thu 18 Aug 2011 - 1:17

உலகம் ஒரு நாடகமேடை;
ஆனால்-
எனக்கு அதில் நடிக்கத் தெரியவில்லை.
**********************************
எல்லாத் திசைகளிலும் அலைக்கழிகிறேன்;
என்றாலும்-
எனது திசையில் இல்லை நான்.
**********************************
எதையோ தேடி-
ஒவ்வொரு பூவாய் அமர்கிறது வண்ணத்துப்பூச்சி.
நாளை அமரும் பூவில் கிடைக்கலாம்
அது தேடித் திரியும் பொருள்.
****************************************
பனித்துளிக்குள் தெரிகிறது
எனது வானம்.
நான் தெரிகிறேனா ?-என்னும் பேராவலில்
உற்றுப் பார்க்கிறேன் நான்.
***************************************
கண்களால் பார்க்க இயலாத ஒருவர்
பூவைத் தொட்டுப் பார்க்க நேர்கையில்...
அதை என்னவாய் அறிவார்?
பூ என்றா?...
வண்ணத்துப் பூச்சியின் மேனி என்றா?
*******************************************
எனது உணவின் மேல் அமர்ந்து
ஈ கை நீட்டித் ... தன் வயிற்றில் தட்டுகிறது.
அதற்கு நான் எந்த மொழியில் சொல்லித் தருவேன்...
அவ்வையின் "ஈ என இரத்தல் இகழ்வு" என்று.
*********************************************

பாலாஜி · பாலாஜி Thu 18 Aug 2011 - 12:07

அருமையான கவிதை தொகுப்பு ... சூப்பருங்க

**இளமாறன்** · **இளமாறன்** Thu 18 Aug 2011 - 12:31

கண்களால் பார்க்க இயலாத ஒருவர்
பூவைத் தொட்டுப் பார்க்க நேர்கையில்...
அதை என்னவாய் அறிவார்?
பூ என்றா?...
வண்ணத்துப் பூச்சியின் மேனி என்றா? சூப்பருங்க

**அருண்** · **அருண்** Thu 18 Aug 2011 - 12:34

அவ்வையின் "ஈ என இரத்தல் இகழ்வு" என்று. சூப்பருங்க

அருமை அய்யா..! மகிழ்ச்சி

பாலாஜி · பாலாஜி Thu 18 Aug 2011 - 12:36

நீங்க உங்கள் கவிதைகளை தொகுத்து புத்தகம் வெளியிடலாம் ....

ரேவதி · ரேவதி Thu 18 Aug 2011 - 12:37

வை.பாலாஜி wrote:நீங்க உங்கள் கவிதைகளை தொகுத்து புத்தகம் வெளியிடலாம் ....

ஆமாம் அண்ணா மகிழ்ச்சி

ranhasan · ranhasan Thu 18 Aug 2011 - 13:01

பனித்துளிக்குள் தெரிகிறது
எனது வானம்.
நான் தெரிகிறேனா ?-என்னும் பேராவலில்
உற்றுப் பார்க்கிறேன் நான்.

நல்ல கவிதை தொகுப்பு...நல்ல பதங்கள், நல்ல பொருள்கள்... சூப்பருங்க