அவளாகிய அவள்....(தொடர்கவிதை 03)

ஹாசிம் · ஹாசிம் Mon Aug 15, 2011 4:23 am

எதிர்பார்ப்புகளே அற்று
கடத்தியிருந்த தினங்களுக்குள்
என்பெயரிட்டொரு மடல்
எங்கிருந்தோ வந்ததென
என்கரம் கிட்டியதை மறக்கவில்லை
யாருமற்ற எனக்கு யாரெழுதிய மடலோ - என்ற
ஆவலும் ஆச்சரியமும் எனையாள
அமைதியாகப்பிரித்த மடலில்
அன்பே...
உனைக்கண்டு எனைமறந்தேன்-என்
உணர்வுகளுக்குள் நீ ஊர்ந்தாய்
உனையடய வேண்டுமென
என்னுள்ளம் துடிக்குதடி - என்று மட்டும்
இருந்த வரிகளை நம்பாத என்கண்கள்
யாரென்று தேடியதை மறக்கவில்லை
விபரங்களற்று வெற்றுக் காகிதமாயிருந்த
பகுதிகளுக்குள் என்கண்களுர்ந்தும்
ஏமாற்றம் எனைக்கொல்ல
ஏக்கம் எனையாண்ட
அந்த நிமிடங்களை மறக்கவில்லை
மொட்டைக் காகிதமா - அல்லது
வீணனின் காகிதமாவென
தூக்கமும் வரமறுத்து
என்னுளேனிந்த மாற்றமோ
எனவியந்து நாட்களோடு நானும்
காத்திருந்ததை மறக்கவில்லை
என்நிலை கண்ட தோழி
உனக்குள் காதலோ
அதற்குரியவன் யாரெடி
கனவென்ன கண்டாயடி - என்று
கிண்டசெய்தபோதே அழைக்கப்பட்டு
நானோடிய வேகம் மறக்கவில்லை

எதற்காக ஓடினேன் காத்திருங்கள் ...............???

செய்தாலி · செய்தாலி Mon Aug 15, 2011 4:29 am

ம்ம்ம் அற்புதம் அருமை உறவே
அவளின் ஏக்கம் உணர்த்த்துகிறது வாசிக்கையில் மனதை வருடும் வரிகள்

பாராட்டுக்கள் வாழ்த்துக்கள் தொடரட்டும் அவளாகிய அவள்

இந்த பதிவைத் துவங்கியவர் நன்றி கூறியுள்ளார் செய்தாலி

ஹாசிம் · ஹாசிம் Tue Aug 16, 2011 2:17 am

செய்தாலி wrote:ம்ம்ம் அற்புதம் அருமை உறவே
அவளின் ஏக்கம் உணர்த்த்துகிறது வாசிக்கையில் மனதை வருடும் வரிகள்

பாராட்டுக்கள் வாழ்த்துக்கள் தொடரட்டும் அவளாகிய அவள்

மிக்க நன்றி தோழா தொடர்ந்திடலாம்

**உமா** · **உமா** Sat Aug 20, 2011 6:44 am

எதிர்பார்ப்புகளே அற்று
கடத்தியிருந்த தினங்களுக்குள்
என்பெயரிட்டொரு மடல்
எங்கிருந்தோ வந்ததென
என்கரம் கிட்டியதை மறக்கவில்லை

சிறு விஷயத்தை கூட மறக்காமல் இருப்பது தானே காதல்....

யாருமற்ற எனக்கு யாரெழுதிய மடலோ - என்ற
ஆவலும் ஆச்சரியமும் எனையாள
அமைதியாகப்பிரித்த மடலில்
அன்பே...
உனைக்கண்டு எனைமறந்தேன்-என்
உணர்வுகளுக்குள் நீ ஊர்ந்தாய்
உனையடய வேண்டுமென
என்னுள்ளம் துடிக்குதடி - என்று மட்டும்
இருந்த வரிகளை நம்பாத என்கண்கள்
யாரென்று தேடியதை மறக்கவில்லை

உண்மை காதலின் உன்னத வரிகள் ஹாசிம் ...

விபரங்களற்று வெற்றுக் காகிதமாயிருந்த
பகுதிகளுக்குள் என்கண்களுர்ந்தும்
ஏமாற்றம் எனைக்கொல்ல
ஏக்கம் எனையாண்ட
அந்த நிமிடங்களை மறக்கவில்லை

மொட்டைக் காகிதமா - அல்லது
வீணனின் காகிதமாவென
தூக்கமும் வரமறுத்து
என்னுளேனிந்த மாற்றமோ
எனவியந்து நாட்களோடு நானும்
காத்திருந்ததை மறக்கவில்லை

என்நிலை கண்ட தோழி
உனக்குள் காதலோ
அதற்குரியவன் யாரெடி
கனவென்ன கண்டாயடி - என்று
கிண்டசெய்தபோதே அழைக்கப்பட்டு
நானோடிய வேகம் மறக்கவில்லை

எதற்காக ஓடினேன் காத்திருங்கள் ...............???