கர்சரை கண்டுபிடிக்க

by கோவைசிவா Fri Sep 18, 2009 6:30 pm

First topic message reminder :

சில வேளைகளில் மவுஸ் பாய்ண்டர் மானிட்டர் திரையில் எங்கே உள்ளது எனத் தெரியாது. குறிப்பாக திரையில் பல வண்ணங்கள், கட்டங்கள், பெரிய எழுத்துக்கள் இருந்தால் கர்சர் இருக்குமிடம் அல்லது நகரும் திசை தெரியாது. சிறிதுசிரமப்பட்டு மவுஸை அங்கும் இங்கும் நகர்த்தித்தான் கண்டுபிடிக்க வேண்டும்.சிறிது பார்வை பிரச்னை இருப்பவர்கள் பாடு மிகவும் திண்டாட்டமாகிவிடும்.

ஏதேனும் ஒரு கீயை அழுத்தினால் கர்சர் உடனே தெரியும்படி செட் செய்தால் எவ்வளவு நன்றாக இருக்கும். இதற்கும் ஒரு வழி உள்ளது. விண்டோஸ் எக்ஸ்பி இதற்கான வழி தருகிறது. கண்ட்ரோல் கீயை அழுத்தினால் மவுஸ் கர்சர் எங்கே உள்ளதோ அங்கு சிறிய வட்டம் தெரியும். இந்த வசதியை மேற்கொள்ள கீழ்க் கண்டவாறு செட் செய்திட வேண்டும். “Start” கிளிக் செய்து “Control Panel” ஐத் திறக்கவும். கண்ட்ரோல் பேனலை கேடகிரிவியூவில் வைத்திருந்தால் “Printers and other Hardware” என்பதைத் தேர்ந்தெடுத்து அதில் “Mouse” என்பதில் கிளிக் செய்திடவும். பின் கிடைக்கும் “Mouse Properties” விண்டோவில் “Pointer Options” டேபில் கிளிக் செய்திடவும். இங்கு “Show location of pointer when I press the CTRL key” என்ற செக்பாக்ஸ் உள்ளே டிக் அடையாளத்தை ஏற்படுத்தவும். பின் “OK” கிளிக் செய்து வெளியேறவும்.கண்ட்ரோல் பேனல் கிளாசிக் வியூவில் இருந்தால் “Mouse” ஐகான் கிளிக் செய்திடவும். கிடைக்கும் “Mouse Properties” விண்டோவில் “Pointer Options” டேபில் கிளிக் செய்திட வேண்டும்.

அதன்பின் “Show location of pointer when I press the CTRL key” என்ற செக்பாக்ஸ் உள்ளே டிக் அடையாளத்தை ஏற்படுத்தவும். பின் “OK” கிளிக் செய்து வெளியேறவும். இனி எப்போதெல்லாம் மவுஸ் பாய்ண்டர் எங்கு இருக்கிறது என்று தெரியவில்லையோ உடனே கண்ட்ரோல் கீயை அழுத்துங்கள். பாய்ண்டர் இருக்கும் இடத்தில் வட்டம் சுழலும். இந்த ஆப்ஷன் வேண்டாம் என எண்ணினால் மேலே சொன்ன வழிகளில் சென்று டிக் அடையாளத்தை எடுத்து விட வும்.