தன்மானத் தமிழர் கருணாநிதி அடித்தாரே ஒரு பல்டி! தூள் தலைவரே!!

கண்ணன்3536 · கண்ணன்3536 Wed Aug 17, 2011 9:46 am

Viruvirupu, Wednesday 17 August 2011, 03:30 GMT

சென்னை, இந்தியா: தி.மு.க. தலைவரும் முன்னாள் முதல்வருமான கலைஞர் கருணாநிதி, ராஜிவ்காந்தி படுகொலை வழக்கில் மரண தண்டனை விதிக்கப்பட்ட மூவரின் கருணை மனு நிராகரிக்கப்பட்டது குறித்து நழுவலான பதில் ஒன்றைக் கூறியுள்ளார்.

தனது வழமையான இரட்டை நிலைப்பாடுகளை மறைப்பதற்காக இதுபோன்ற கருத்துக்களை அவர் தெரிவிப்பது வழமையான ஒன்றுதான்.

ராஜிவ் காந்தி கொலை வழக்கில் மரண தண்டனை வழங்கப்பட்ட மூவரின் கருணை மனு நிராகரிக்கப்பட்டதற்கு தமிழகத்தின் பல்வேறு இடங்களிலும் எதிர்ப்புக் கிளம்பியுள்ள நிலையில், வெவ்வேறு கட்சிகளைச் சேர்ந்தவர்கள், வெவ்வேறு விதமான கருத்துக்களையும் தெரிவித்து வருகிறார்கள்.

கருணை மனு நிராகரிப்பு தொடர்பாக சிறிதாகக் கிளம்பியுள்ள ஆர்ப்பாட்டங்கள், தமிழகத்தின் மற்றைய பகுதிகளிலும் பரவத் தொடங்கியுள்ள நிலையில், தி.மு.க. தலைவர் இதுபற்றி கருத்து தெரிவித்தே ஆக வேண்டிய நிலையில் வாய் திறந்துள்ளார்.

ஏதாவது சொல்லாவிட்டால் அதுபற்றிய விமர்சனங்கள் எழும் என்பது பலநாள் அரசியல்வாதியான அவருக்கு நன்றாகவே தெரியும்.

இதுபற்றி அவர் என்ன சொல்லியிருக்கிறார்? “ராஜிவ்காந்தி படுகொலை வழக்கில் வழங்கப்பட்ட மரண தண்டனைகளைப் பற்றி நான், குறிப்பிட்டு எதையும் சொல்ல விரும்பவில்லை. யாரையும் குறித்துச் சொல்ல விரும்பவில்லை. மரண தண்டனை கூடாது என்ற கருத்தை நீண்ட காலமாக நான் வலியுறுத்துகிறேன். அந்த கருத்து இவர்களுக்கும் (பேரறிவாளன், முருகன், சாந்தன்) பொருந்தும்” என்பதுதான் அவர் கூறியுள்ள கருத்து.

அதாவது, இதுபற்றி நான் பேச விரும்பவில்லை என்கிறார் அவர். அப்படியே விட்டுவிட்டாலும், வேறு ஒரு சிக்கல் வரும். தமிழினத்தின் தலைவர் என்ற கூறிக்கொண்டு, இந்த மரண தண்டனையை எதிர்க்கவில்லை என்ற விமர்சனம் எழும். அதற்காக, பொத்தம்பொதுவாக மரண தண்டனை கூடாது என்று முன்னொரு காலத்தில் கூறிவிட்டேனே, என்பதையும் பதிவு செய்துள்ளார்.

இன்று காங்கிரஸ் தயவு தேவைப்படுகின்றது. காங்கிரஸ் கட்சிக்கு கோபம் வருமாறு பேசினால், கனிமொழி கேஸ் மேலும் இறுகலாம். எனவே, ராஜிவ் காந்தி படுகொலை வழக்கில் மரண தண்டனை விதிக்கப்பட்ட மூவரைப் பற்றியும் வாய் திறக்கக் கூடாது. ஆனால், நாளைக்கே காங்கிரஸ் உறவிலிருந்து விலக வேண்டிய நிலை ஏற்பட்டால், “மரண தண்டனையை நானும்தானே எதிர்த்திருக்கிறேன்” என்று இந்தப் பேச்சையே ஆதாரம் காட்டலாம்.

“கே.பி. என்பவர் யார் என்றே எனக்குத் தெரியாது” என்று தெரிவித்தவர் அல்லவா கலைஞர்! சபாஷ், அருமையான தன்மானத் தமிழர்!