அரை நெல்லிக்காய் - அரை நெல்லிக்காய் தொக்கு !

**krishnaamma** · **krishnaamma** Mon Feb 03, 2014 7:45 pm

இப்போ அரை நெல்லிக்காய் சீசன், எனவே அதைக்கொண்டு என்ன என்ன செய்யலாம் என்று இந்த திரி இல் பார்க்கலாம் புன்னகை

அரை நெல்லிக்காய் - அரை நெல்லிக்காய் தொக்கு ! 79of5purTaqNvaoODY1B+arai-nellikaai

எனக்குத்தெரிந்து கீழ் உள்ளவைகள் செய்யலாம் உங்களுக்கு தெரிந்த குறிப்புகளையும் இங்கு பகிருங்கள் புன்னகை

அரை நெல்லிக்காய்

ஜூஸ் ! அரை நெல்லிக்காய் தொக்கு, அரை நெல்லிக்காய் சாதம், அரை நெல்லிக்காய் ரசம் என பலவகைகள் செய்யலாம்.

**krishnaamma** · **krishnaamma** Mon Feb 03, 2014 7:46 pm

தேவையானவை :

அரை நெல்லிக்காய் 1 கப்
சர்க்கரை 1 கப்
ரோஸ் எசென்ஸ் 4 - 6 சொட்டுகள்

செய்முறை:

அடிபடாத நெல்லிக்காயாக பொறுக்கி கொள்ளவும்.
நெல்லிக்காயை நன்கு அலம்பவும்.
குக்கரில் ஒருபாத்திரத்தில் காய்களை போட்டு அது முழ்கும் அளவு தண்ணீர் விட்டு 2 விசில் வரும்வரை வைக்கவும்.
அது கொஞ்சம் ஆறட்டும் அதற்குள் ஒரு கனமான உருளி இல் சர்க்கரை மற்றும் அது முழ்கும் அளவு தண்ணீர் விட்டு பாகு போல காய்ச்சவும்.
கொஞ்சம் பிசின் போல பாகு வந்ததும், வெந்த நெல்லிக்காய்களை அதில் போடவும்.
அது எல்லாமுமாக சேர்ந்து கொஞ்சம் கொதிக்கட்டும்.
ஒரு 5 நிமிஷம் கொதித்ததும் இறக்கவும்.
கொஞ்சம் ஆறினதும் எசென்ஸ் விடவும்.
நன்கு ஆறினதும், நெல்லிக்காய்களை தனியே எடுத்துவிடணும்.
பிறகு திக்கான ஜூஸ் கான்செண்ட்ரெட் ஐ தனியாக பாட்டிலில் விட்டு fridge இல் வைத்துக்கொள்ளுங்கள் .
தேவையான போது, இந்த ஜூஸ் கான்செண்ட்ரெட் கொஞ்சம் விட்டு தேவையான அளவு தண்ணீர் விட்டு ஜூஸ் குடியுங்கள்.
ஆனந்தமாய் இருக்கும்
அந்த வெந்த நெல்லிக்காய்களை அப்படியே சாப்பிடலாம் புளிப்பும் தித்திப்புமாய் ரொம்ப நல்லா இருக்கும்.
முதலில் கொஞ்சமாய் செய்து பார்த்துவிட்டு, பிடித்திருந்தால் நிறைய பண்ணுங்கோ !
அப்புறம் உங்கள் அனுபவத்தை இங்கு சொல்லுங்கோ புன்னகை

**krishnaamma** · **krishnaamma** Mon Feb 03, 2014 8:24 pm

தேவையானவை:

அரை நெல்லிக்காய் 1/2 கப்
சாதம் 1 கப்
APP 2 - 3 ஸ்பூன்
வறுத்துப்பொடித்த வெந்தய பொடி 1/2 ஸ்பூன்
கறிவேப்பிலை கொத்துமல்லி கொஞ்சம்
உப்பு
எண்ணை கொஞ்சம்

தாளிக்க :

கடுகு 1 ஸ்பூன்
உளுந்து 1 ஸ்பூன்
கடலை பருப்பு 1 ஸ்பூன்
பெருங்காயம் 1/2 ஸ்பூன்
மஞ்சள் பொடி 1/2 ஸ்பூன்

செய்முறை:

வாணலியை அடுப்பில் போட்டு தாளிக்க கொடுத்தவைகளை போட்டு தாளிக்கவும்.
பிறகு துருவி வைத்துள்ள அரை நெல்லிக்காய்யை போடவும்.
உப்பு போடவும், நன்கு கிளறி விடவும்.
பிறகு, APP ,வறுத்துப்பொடித்த வெந்தய பொடி எல்லாம் போட்டு மீண்டும் கிளறவும்.
எல்லாமாக சேர்ந்து வந்ததும் இறக்கவும்.
ஒரு பேசினில் சாதத்தை போட்டு கொஞ்சம் நெய் விட்டு கலக்கவும்.
பிறகு செய்து வைத்துள்ளதை போட்டு நன்கு கலக்கவும்.
அவ்வளவுதான் "அரை நெல்லிக்காய் சாதம்" தயார்.
மணமாக நல்லா இருக்கும்.
இதுவும் மத்யான லஞ்ச் பாக்ஸுக்கு நல்லா இருக்கும்.

குறிப்பு: அரை நெல்லிக்காய்யை 'concentrate' செய்து வைத்துக்கொள்ளலாம். Handy யாக இருக்கும் புன்னகை

myimamdeen · myimamdeen Tue Feb 04, 2014 8:01 am

அரை நெல்லிக்காய் - அரை நெல்லிக்காய் தொக்கு ! 103459460

**krishnaamma** · **krishnaamma** Tue Feb 04, 2014 3:36 pm

myimamdeen wrote:

நன்றி நண்பரே! அன்பு மலர்

**ஜாஹீதாபானு** · **ஜாஹீதாபானு** Tue Feb 04, 2014 4:18 pm

பகிர்வுக்கு நன்றீமா...

படிக்கும்போதே பல் கூசுது

**krishnaamma** · **krishnaamma** Tue Feb 04, 2014 4:36 pm

ஜாஹீதாபானு wrote:பகிர்வுக்கு நன்றீமா...

படிக்கும்போதே பல் கூசுது

இல்ல பானு சூப்பராக இருக்கும் புன்னகை

**ஜாஹீதாபானு** · **ஜாஹீதாபானு** Tue Feb 04, 2014 4:46 pm

krishnaamma wrote:
ஜாஹீதாபானு wrote:பகிர்வுக்கு நன்றீமா...

படிக்கும்போதே பல் கூசுது

இல்ல பானு சூப்பராக இருக்கும்

நீங்க சொல்லிட்டிங்க செய்து பார்க்கிறேன்மா ஜாலி

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

**krishnaamma** · **krishnaamma** Mon Feb 24, 2014 9:19 pm

ஜாஹீதாபானு wrote:
krishnaamma wrote:
ஜாஹீதாபானு wrote:பகிர்வுக்கு நன்றீமா...

படிக்கும்போதே பல் கூசுது

இல்ல பானு சூப்பராக இருக்கும்
நீங்க சொல்லிட்டிங்க செய்து பார்க்கிறேன்மா

செஞ்சு பார்த்திங்களா பானு ? புன்னகை

**krishnaamma** · **krishnaamma** Thu Apr 26, 2018 6:03 pm

அரு /அரை நெல்லிக்காய் தொக்கு !

தேவையானவை:

அரு /அரை நெல்லிக்காய் 1 கிலோ கொட்டை எடுத்து துருவி வைக்கவும்.
மிளகாய் பொடி 200 கிராம்
உப்பு அநேகமாய் 100 - 150 போதுமானது
வறுத்து அரைத்த வெந்தயப்பொடி 2 டேபிள் ஸ்பூன்
பெருங்காயப்பொடி 1 டீ ஸ்பூன்
மஞ்சள் பொடி 2 டீ ஸ்பூன்
எண்ணெய் தொக்கு செய்வதற்கு 1/4 கிலோ
கடுகு 1 டேபிள் ஸ்பூன்

செய்முறை:

நெல்லிக்காய்களை அலம்பி துடைத்து, துருவவும்.
ஆழமான வாணலி அல்லது உருளி இல் எண்ணெய் விட்டு கடுகு தாளிக்கவும்.
அதில் துருவின நெல்லிக்காயை போட்டு அடுப்பை நிதானமாய் எரிய விடவும்.
நன்கு கிளறிவிடவும்.
மஞ்சள் பொடி, பெருங்காயபொடி மற்றும் வெந்தயப்பொடி போடவும்.
நன்கு கிளறி விடவும்.
கொஞ்சம் வெந்தார்போல ஆகும் போது உப்பு போடவும்.
மீண்டும் நன்கு கிளறி விடவும்.
எண்ணெய் கசிய ஆரம்பிக்கும் போது மிளகாய் பொடியை போட்டு அடுப்பை பெரிதாக்கி, கைவிடாமல் கிளறி , மிளகாய் பொடி வாசனை போனதும் இறக்கிவிடவும்.
நன்கு ஆறினதும் பாட்டிலில் போட்டு வைக்கவும்.
வருஷத்துக்கும் கெடாது புன்னகை

குறிப்பு : நெல்லிக்காய்கள் மிகவும் சிறியதாக, துருவ கஷ்டமாக இருந்தால், கொட்டையை மட்டும் எடுத்துவிட்டு மிக்சி இல் ஒரு சுற்று சுற்றி எடுத்துக் கொள்ளவும் புன்னகை

Sponsored content · Sponsored content

அரை நெல்லிக்காய் - அரை நெல்லிக்காய் தொக்கு !

அரை நெல்லிக்காய் - அரை நெல்லிக்காய் தொக்கு !

அரை நெல்லிக்காய் ஜூஸ் !

அரை நெல்லிக்காய் சாதம்

Re: அரை நெல்லிக்காய் - அரை நெல்லிக்காய் தொக்கு !

Re: அரை நெல்லிக்காய் - அரை நெல்லிக்காய் தொக்கு !

Re: அரை நெல்லிக்காய் - அரை நெல்லிக்காய் தொக்கு !

Re: அரை நெல்லிக்காய் - அரை நெல்லிக்காய் தொக்கு !

Re: அரை நெல்லிக்காய் - அரை நெல்லிக்காய் தொக்கு !

Re: அரை நெல்லிக்காய் - அரை நெல்லிக்காய் தொக்கு !

அரு /அரை நெல்லிக்காய் தொக்கு !

Re: அரை நெல்லிக்காய் - அரை நெல்லிக்காய் தொக்கு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக