சுதந்திர தின கவிதைகளை பதிவோம் இங்கே

by மகா பிரபு Sun Aug 14, 2011 4:53 pm

வணக்கம் உறவுகளே! சுதந்திர தின கவிதைகளை இங்கே ஓரிடத்தில் பதிவோம் நாம்.

by **பிஜிராமன்** Sun Aug 14, 2011 4:57 pm

நான் ஏற்கனவே கவிதை பகுதியில் பதிந்து விட்டேன் அதை இங்கே பதியலாமா பிரபு

by மகா பிரபு Sun Aug 14, 2011 5:00 pm

துயரின்றி நாம் வாழ
துன்பம் பல கண்டவர்களுக்கும்
ஒய்யாரமாக நாம் வாழ
உயிர் விட்ட சிங்கங்களுக்கும்
மானத்தோடு நாம் வாழ
செக்கிழுத்த செம்மல்களுக்கும்
சுதந்திரமாக நாம் வாழ
சண்டையிட்ட மறவர்களுக்கும்
சுதந்திர நாளில்
இதய அஞ்சலியை செலுத்துவோம்.

by மகா பிரபு Sun Aug 14, 2011 5:07 pm

தாராளமாக பதியுங்கள் ராமன்.

by **பிஜிராமன்** Sun Aug 14, 2011 5:14 pm

நல்லதை நாளும் பயின்றிடுவோம்
நாட்டிற்கு துணையாய் நின்றிடுவோம்
நாடு நலம் பெரும் தன்னாலே
நாம் தினமும் அதன் பின் நின்னாலே

உயர்வாய் பட்டம் பறந்திடுமே
அது பறந்திட காற்று உதவிடுமே
நாம் காற்றை போலே இருந்திடனும்
நம் நாட்டை உயரே செலுத்திடனும்

இதயம் லப் டப் துடித்திடுமே
அதன் சத்தம் உயிரை குறித்திடுமே
நம் நாட்டின் இதயம் துடித்திடனும்
அது துடித்திட வலிமை கூட்டிடனும்

நாடு நமது நாடு என்று பெருமை கொள்ளுவோம்
சுதந்திரத்தை பெற்று தந்தோர் பெயரை சொல்லுவோம்

எங்கள் நாடு என்று சொல்லி இறுமாப்பு கொள்ளுவோம்
ஒற்றுமையே சிறந்ததென்று பலர் இதயத்தை வெல்லுவோம்

எங்கள் நாடு இளைஞர் நாடு என்று சொல்லுவோம்
இளைஞர் சக்தி பெரியதென்று எடுத்துச் சொல்லுவோம்
அதை ஒற்றுமையாய் ஒன்றுகூடி உரக்க சொல்லுவோம்

உதிரம் கொடுத்து உயர்ந்த தியாகிகளுக்காக
நம் இதயம் கொடுத்து வணங்கிடுவோம்

by balakarthik Sun Aug 14, 2011 5:27 pm

அனைத்துமே மிக அருமை பிரபு மற்றும் ராமன் சூப்பருங்க

by **இளமாறன்** Sun Aug 14, 2011 6:38 pm

by **அருண்** Sun Aug 14, 2011 6:43 pm

சூப்பர் பிரபு மற்றும் ராமன் அவர்களுக்கும்..! மகிழ்ச்சி

by **T.N.Balasubramanian** Sun Aug 14, 2011 7:06 pm

சுதந்திரம் பெற உழைத்தது ஒரு சிலர்,
தந்திரமாய் பிழைப்பது அதால் சிலர்.
அமிழ்த்த கல் போல் வெளி வரா
தமிழக செம்மல்கள் பலர் , இருந்தும்
மறைக்கப்பட்ட சரித்திரம் என்ன?
தெரியாத குறையா?
சரியாக வெளிபடுத்தாத முறையா?
கொடுக்கப்படவேண்டிய மரியாதை,
தென்னவருக்கு இல்லை என்பதே
என்னவர் போன்ற கருத்து.

உழைத்த யாவருக்கும்,
தாழ்த்திய தலையுடன் வணக்கம்.

ரமணீயன்

by balakarthik Sun Aug 14, 2011 7:10 pm

என்ன செய்வது ஐயா அவர்கள் உண்மையான தொண்டர்கள் பேருக்கும் புகழுக்கும் அஞ்சாதவர்கள் இன்றய தெற்கின் தலைவர்களை போல் அவர்களுக்கு என்ன சொந்தமாக டி‌வி சேனல்களா இருந்தது விளம்பரம் படுத்த அருமயான கவிதை மிக்க நன்றி ஐயா சூப்பருங்க