பிஜிராமனின் திருவள்ளுவம் கவிதையில் - தொடர்

by **பிஜிராமன்** Sat Aug 13, 2011 11:23 am

First topic message reminder :

நண்பர்கள் அனைவருக்கும் வணக்கம்
நான் திருவள்ளுவத்தை கவிதையில் எழுத முயற்சி மேற்கொண்டுள்ளேன்...இதோ அந்த கவிதைதொடரை இந்த முதல் பதிவுடன் தொடங்க உள்ளேன்...உங்கள் அனைவரின் சம்மததுடனும் ஆதரவுடனும் பதிகிறேன்...நன்றி
ஒப்பாரி யாங்கண்டது இல் !!!

நிறத்தோடு நிறம் கலக்கும் பச்சோந்தி
அது பார்வைக்கு மறைந்திருக்கும்

செடி கொடிகள் நிறமொத்திருகும்
விசச்செடியும் அதில் மறைந்திருக்கும்

இவற்றை உற்று நோக்கிட
பிரித்தறிதல் சுலபமே

மனிதனுடன் கலந்திருப்பான் கயவன்
அவன் கயவன் இவன் மனிதன் என்று
இவற்றுள் பிரித்து காண்பது எளிதல்ல
இவர்களை விட ஒப்புமை உலகிலில்லை

மக்களே போல்வர் கயவர் அவரன்ன
ஒப்பாரி யாங்கண்டது இல். (1071)

by **பிஜிராமன்** Thu Feb 02, 2012 11:03 pm

சார்லஸ் mc wrote:மிக அருமையாக படைத்துள்ளீா்கள்.

வாழ்த்துக்கள் [You must be registered and logged in to see this image.]

மிக்க நன்றிகள் சார்லஸ் சார்...... புன்னகை

by **பிஜிராமன்** Thu Feb 02, 2012 11:05 pm

அசுரன் wrote:வாழ்க்கைக்கு எது முக்கியமோ அதை சேமிப்பதில் தவறில்லை, ஆனால் அது நமக்கு பயன்தரா பட்சத்தில் அவையணைத்தும் வீண். அருமையான விளக்கம் பிஜிராமன்.

மிக உண்மை சார்.........தேவையான நேரத்தில் தேவையானவையை சேமிப்பவன் தான் புத்திசாலி........

மிக்க நன்றிகள் சார்....... புன்னகை

by சதாசிவம் Fri Feb 03, 2012 5:48 pm

காட்டிற்கு பயணமாய் சென்றானொரு அறிவற்றான்
அவன்சென்ற பாதையிலே பெரும்புதையல் கண்டானே
தன்னிடம் வைத்திருந்த நீர்க்குவளை உணவுபைகள்
எனவனைத்தையும் கீழ்க்கொட்டி புதையலை சேகரித்து
தன்னுடன் இழுத்துச்சென்றான் வழியிலே நீர்வற்றி
தாகமும் பசியும்வர துளிநீரும் பருக்கைசோறுமின்றி
கையினிற் புதையலுடன் துடிதுடித்து மடிந்தானே

அழகான உதாரணம், நச் என்று உள்ளது.
மகிழ்ச்சி

by **பிஜிராமன்** Fri Feb 03, 2012 5:51 pm

சதாசிவம் wrote:காட்டிற்கு பயணமாய் சென்றானொரு அறிவற்றான்
அவன்சென்ற பாதையிலே பெரும்புதையல் கண்டானே
தன்னிடம் வைத்திருந்த நீர்க்குவளை உணவுபைகள்
எனவனைத்தையும் கீழ்க்கொட்டி புதையலை சேகரித்து
தன்னுடன் இழுத்துச்சென்றான் வழியிலே நீர்வற்றி
தாகமும் பசியும்வர துளிநீரும் பருக்கைசோறுமின்றி
கையினிற் புதையலுடன் துடிதுடித்து மடிந்தானே

அழகான உதாரணம், நச் என்று உள்ளது.

மிக்க நன்றிகள் ஐயா......... புன்னகை

by **பிஜிராமன்** Fri Feb 03, 2012 9:38 pm

மேற்பிறந்தார் ஆயினும் கல்லார் கீழ்பிறந்தும்
கற்றார் அனைத்திலர் பாடு. (409)

பாதையில் வெகுதூரம் நடந்தொருவர் சென்றாரே
அவர்பார்க்காத நேரத்தில் அம்மனிதர் பாதத்தில்
பட்டதுவே தங்கத்தாலான மூக்குக் குத்தியொன்று
காலடியில் கிடந்ததானால் அதன்தரமது குறையாது

வேறொரு பாதையிலே இருசக்கர வாகனத்தில்
அனல்பறக்கும் வேகத்திலே ஒருவர் சென்றாரே
அவர்மேலே பறந்த காகமொன்று பொளிந்தகழிவு
நெற்றியில் விழுந்தாலும் அதன்தரமது உயராது

உயரிய தொழிலையும் வசதிகள் பலபடைத்தும்
சமூகக் கூடத்திலே மேல்வகுப்பில் பிறந்தோர்கள்
கல்வி அறிவற்று காலத்தைக் கடத்திச்சென்றால்
உயர்குடியில் பிறந்தாலும் மேலானோர் ஆகாரே

கீழ்த்தட்டுத் தொழில்செய்து வசதிகள் எதுவுமற்று
சமூகக் கூடத்திலே கீழோரெனக் கருதப்படுவோர்
கல்வி அறிவிற்சிறந்து காலத்தை வென்றிருப்பின்
கீழ்க்குடியில் பிறந்திருந்தும் மேலோர் எனவாவர்
ஆக,
கல்வியறிவில் மட்டும் பிரிவினை ஏதுமில்லை
யாரதைக் கொண்டாலும் மதிப்பை பெற்றிடுவார்

by அசுரன் Fri Feb 03, 2012 9:42 pm

கல்வி ஒருவனை உயர்த்தினாலும் அவனது மற்ற குணங்களாலேயே அவன் மற்றவர்களால் போற்றப்படுகிறான் என்பது என் கருத்து.. மெத்த படித்த மேதாவிகள் சிலவேளைகளில் ஈயாத லோபிகளாக இருக்கிறார்கள். படிக்காத மேதைகளும் உண்டு பிஜிராமா. குறளுக்கு தங்களின் விளக்கம் அருமை. ஆனால் எனக்கு இதில் உடன்பாடு இல்லை. - பாராட்டுகள்

by **பிஜிராமன்** Fri Feb 03, 2012 10:01 pm

அசுரன் wrote:கல்வி ஒருவனை உயர்த்தினாலும் அவனது மற்ற குணங்களாலேயே அவன் மற்றவர்களால் போற்றப்படுகிறான் என்பது என் கருத்து.. மெத்த படித்த மேதாவிகள் சிலவேளைகளில் ஈயாத லோபிகளாக இருக்கிறார்கள். படிக்காத மேதைகளும் உண்டு பிஜிராமா. குறளுக்கு தங்களின் விளக்கம் அருமை. ஆனால் எனக்கு இதில் உடன்பாடு இல்லை. - பாராட்டுகள்

ஆம், சார், தாங்கள் கூறுவது முற்றிலும், உண்மை, கல்வியறிவு கொண்ட அனைவரும் புகழ் பெற மாட்டார்கள், அதனை சிறப்பான முறையில் உபயோகித்து, வெற்றி பெற்றவர்கள் தான் செல்லுமிடம் அனைத்திலும், குறைந்த பட்சம், தன்னை சுற்றியுள்ளவர்கள் மத்தியிலாவது, நல்ல புகழுடன் இருப்பார்கள்.

மிக்க நன்றிகள் சார்..... புன்னகை

by அசுரன் Fri Feb 03, 2012 10:09 pm

பிஜிராமன் wrote:
ஆம், சார், தாங்கள் கூறுவது முற்றிலும், உண்மை, கல்வியறிவு கொண்ட அனைவரும் புகழ் பெற மாட்டார்கள், அதனை சிறப்பான முறையில் உபயோகித்து, வெற்றி பெற்றவர்கள் தான் செல்லுமிடம் அனைத்திலும், குறைந்த பட்சம், தன்னை சுற்றியுள்ளவர்கள் மத்தியிலாவது, நல்ல புகழுடன் இருப்பார்கள்.

மிக்க நன்றிகள் சார்.....

எனது எதிர் கருத்தையும் ஏற்று பாராட்டியமைக்கு நன்றிகள் பி.ஜே.ரோமன்

by **பிஜிராமன்** Fri Feb 03, 2012 10:22 pm

எனது எதிர் கருத்தையும் ஏற்று பாராட்டியமைக்கு நன்றிகள் பி.ஜே.ரோமன்

அது தானே மரபு...........மிக்க நன்றிகள் சார்.........ஆமா அதுக்கும் என் பெயரை மாற்றி அமைததற்கும் ஏதாவது சம்பந்தம் உண்டா சார்..... சிரி

by அசுரன் Fri Feb 03, 2012 10:25 pm

பிஜிராமன் wrote:
எனது எதிர் கருத்தையும் ஏற்று பாராட்டியமைக்கு நன்றிகள் பி.ஜே.ரோமன்

அது தானே மரபு...........மிக்க நன்றிகள் சார்.........ஆமா அதுக்கும் என் பெயரை மாற்றி அமைததற்கும் ஏதாவது சம்பந்தம் உண்டா சார்.....

ஓஹோ! உங்க பெயரை மாற்றிவிட்டேனா? சாரி சாரி... பயம்