பிஜிராமனின் திருவள்ளுவம் கவிதையில் - தொடர்

by **பிஜிராமன்** Sat Aug 13, 2011 11:23 am

First topic message reminder :

நண்பர்கள் அனைவருக்கும் வணக்கம்
நான் திருவள்ளுவத்தை கவிதையில் எழுத முயற்சி மேற்கொண்டுள்ளேன்...இதோ அந்த கவிதைதொடரை இந்த முதல் பதிவுடன் தொடங்க உள்ளேன்...உங்கள் அனைவரின் சம்மததுடனும் ஆதரவுடனும் பதிகிறேன்...நன்றி
ஒப்பாரி யாங்கண்டது இல் !!!

நிறத்தோடு நிறம் கலக்கும் பச்சோந்தி
அது பார்வைக்கு மறைந்திருக்கும்

செடி கொடிகள் நிறமொத்திருகும்
விசச்செடியும் அதில் மறைந்திருக்கும்

இவற்றை உற்று நோக்கிட
பிரித்தறிதல் சுலபமே

மனிதனுடன் கலந்திருப்பான் கயவன்
அவன் கயவன் இவன் மனிதன் என்று
இவற்றுள் பிரித்து காண்பது எளிதல்ல
இவர்களை விட ஒப்புமை உலகிலில்லை

மக்களே போல்வர் கயவர் அவரன்ன
ஒப்பாரி யாங்கண்டது இல். (1071)

by **பிஜிராமன்** Mon Jan 30, 2012 11:52 pm

அசுரன் wrote:பூனை நாய் கதை அருமை... உட்டான்ஸ் பார்டிகள் ஜாக்கிரதை..வெயிட்டான ஆளு வந்துட்டா நீங்க அம்பேலு. (சென்னை பாஷை)

ஷோக்கா சொன்ன அண்ணாத்த...........ரொம்ப தாங்க்ஸ் மா புன்னகை

by **பிஜிராமன்** Tue Jan 31, 2012 11:00 pm

உளரென்னும் மாத்திரையர் அல்லாற் பயவாக்
களரனையர் கல்லா தவர். (406)

காக்கி நிறத்தினிலே காவலர் உடையணிவர்
அவ்வுடையில் இருந்தாலே மக்களும் மதிப்பளிப்பர்
இத்தகைய நன்மதிப்பு வெறுமுடையால் வருவதில்லை
காவலர் தம்பணியைச் செம்மையாய் செய்திடவந்திடுமே
தம்பணியை செய்யாக்கால் உடையால் பயன்களேதுமிலை
இத்தகையோற்கு மக்களிடம் பயமிருக்கும் மதிப்பிருக்கா

உடலில் உயிரிருப்போர் வெறுமுயிரால் மதிக்கப்பெறார்
தாமுயிருடன் இருந்தவரை கற்பவையே அதையளிக்கும்
கற்பதுஎன்றவொரு நற்செயல் செய்யாத உடல்களிங்கு,
தனக்கும் பிறர்க்கும் பயன்களற்று தரிசாய்க்கிடந்திடும்
வளங்கள் எதுவுமற்ற நிலத்தையே ஒத்திருக்கும்

by hega Tue Jan 31, 2012 11:15 pm

என்றோ எழுதிய குறளுக்கு இன்றைய சூழலுக்கேற்ப விளக்கக்கவிதைகள் இயற்றிடும் தங்களுக்கு என் பாராட்டுகள்.

உளரென்னும் மாத்திரையர் அல்லாற் பயவாக்
களரனையர் கல்லா தவர் என கல்லாமை குறித்து இருவரியிற் சொன்னதை எல்லோருக்கும் புரியும் விதமாய் காவலர் உடைக்கு கிடைக்கும் மதிபபை உதாரணமாக்கி அவர் தம் பணியையும் சுட்டி இயற்றிய வித்தியாசமான சிந்தனைக்காய் என் வாழ்த்துகள்.

தொடரட்டும் தம் பணி. மகிழ்ச்சி

by **பிஜிராமன்** Tue Jan 31, 2012 11:35 pm

hega wrote:என்றோ எழுதிய குறளுக்கு இன்றைய சூழலுக்கேற்ப விளக்கக்கவிதைகள் இயற்றிடும் தங்களுக்கு என் பாராட்டுகள்.

உளரென்னும் மாத்திரையர் அல்லாற் பயவாக்
களரனையர் கல்லா தவர் என கல்லாமை குறித்து இருவரியிற் சொன்னதை எல்லோருக்கும் புரியும் விதமாய் காவலர் உடைக்கு கிடைக்கும் மதிபபை உதாரணமாக்கி அவர் தம் பணியையும் சுட்டி இயற்றிய வித்தியாசமான சிந்தனைக்காய் என் வாழ்த்துகள்.
தொடரட்டும் தம் பணி.

மிக்க நன்றிகள் அம்மா..........ஊக்கத்தையும் உற்சாகத்தையும் கூடுகிறது உங்களின் இந்த சொற்கள்.........

மிக்க நன்றிகள் புன்னகை

by அசுரன் Tue Jan 31, 2012 11:43 pm

மிகவும் அருமையான விளக்கம். உண்மையாக உழைக்கும் ஒருவனுக்கு மதிப்பிருக்கும், அது இல்லாதவன் மீது வெறும் பயமே மிஞ்சும். பாராட்டுகள்..

உடலில் உயிரிருப்போர் வெருமுயிரால் மதிக்கப்பெறார்

by **பிஜிராமன்** Tue Jan 31, 2012 11:46 pm

அசுரன் wrote:மிகவும் அருமையான விளக்கம். உண்மையாக உழைக்கும் ஒருவனுக்கு மதிப்பிருக்கும், அது இல்லாதவன் மீது வெறும் பயமே மிஞ்சும். பாராட்டுகள்..

உடலில் உயிரிருப்போர் வெருமுயிரால் மதிக்கப்பெறார்

மிக்க நன்றிகள் சார் பாராட்டுடன் கூடிய பகிர்தலுக்கு......... புன்னகை

by **பிஜிராமன்** Wed Feb 01, 2012 10:01 pm

நுண்மாண் நுழைபுலம் இல்லான் எழில்நலம்
மண்மாண் புனைபாவை யற்று. (407)

எத்தனையோ மணம்வீசும் மகிமையான மலர்கள்
நம்முடைய பூமியிலே வர்ணங்கள் கொண்டதுண்டு
நிறமட்டு மில்லாமல் இழுக்கும்மணமு மதற்குண்டு
மூக்கினைத் துளைக்கின்ற நறுமணங்கள் எதுவுமற்று
காண்பதற்கு அழகாக செயற்கை வர்ணங்கள்கொண்ட
காகிதப் பூக்களை காணப்பிடிக்கும் சூடிடப்பிடிக்காதே

ஆயிரம்பேர்கள் இருந்தாலும் அழகாய் ஒருவன்வர
அனைவர் கண்களும் அவன்பக்கம் திரும்பிடுமே
நூல்கள்ஏதும் கற்காமல் அறிவைநாளும் பெருக்காமல்
அழகைமட்டும் கொண்டிருந்தால், மண்ணால் செய்த
பொம்மைக்கு, கிடைக்கும் மதிப்பையே அவர்பெறுவார்
மண்பொம்மை கீழேவிழுந்தாலே மதிப்பற்று நின்றிடுமே
கற்றோர்முன் அழகானோர் அறிவிருந்தால் நிலைப்பரே
அறிவற்று நின்றாலோ மண்பொம்மையாக உடைந்திடுவர்

by அசுரன் Wed Feb 01, 2012 10:17 pm

அழகிய வரிகள் பிஜி. மண்குதிரை நடுஆற்றில் கரைந்துவிடும்னு சும்மாவா சொன்னாங்க.. பாராட்டுகள்.

by **பிஜிராமன்** Wed Feb 01, 2012 10:20 pm

அசுரன் wrote:அழகிய வரிகள் பிஜி. மண்குதிரை நடுஆற்றில் கரைந்துவிடும்னு சும்மாவா சொன்னாங்க.. பாராட்டுகள்.

ஆம், சார் அந்த காலத்து மண்குதிரை ஆத்துல போனா கரைஞ்சிரும், ஆனா இந்த காலத்து மண்குதிரை, கரையிறது ரொம்ப கஷ்டம், அந்த அளவு கெமிக்கல் சேத்துராங்க போல, பிள்ளையார் பொம்மையா திர்ஸ்டி பண்ணி, அந்த பொம்மையா கரைக்கும் போது அத கரைகிறேன் பேர்வழினு படுத்துர கொடுமை தாங்காது.........

மிக்க நன்றிகள் சார்......... புன்னகை

by அசுரன் Wed Feb 01, 2012 11:09 pm

பிஜிராமன் wrote:
அசுரன் wrote:அழகிய வரிகள் பிஜி. மண்குதிரை நடுஆற்றில் கரைந்துவிடும்னு சும்மாவா சொன்னாங்க.. பாராட்டுகள்.

ஆம், சார் அந்த காலத்து மண்குதிரை ஆத்துல போனா கரைஞ்சிரும், ஆனா இந்த காலத்து மண்குதிரை, கரையிறது ரொம்ப கஷ்டம், அந்த அளவு கெமிக்கல் சேத்துராங்க போல, பிள்ளையார் பொம்மையா திர்ஸ்டி பண்ணி, அந்த பொம்மையா கரைக்கும் போது அத கரைகிறேன் பேர்வழினு படுத்துர கொடுமை தாங்காது.........

மிக்க நன்றிகள் சார்.........

அட ஒரு பேச்சுக்கு சொன்னேன்பா! சரி கெமிக்கல் குதிரை போதுமா? புன்னகை