பிஜிராமனின் திருவள்ளுவம் கவிதையில் - தொடர்

by **பிஜிராமன்** Sat Aug 13, 2011 11:23 am

First topic message reminder :

நண்பர்கள் அனைவருக்கும் வணக்கம்
நான் திருவள்ளுவத்தை கவிதையில் எழுத முயற்சி மேற்கொண்டுள்ளேன்...இதோ அந்த கவிதைதொடரை இந்த முதல் பதிவுடன் தொடங்க உள்ளேன்...உங்கள் அனைவரின் சம்மததுடனும் ஆதரவுடனும் பதிகிறேன்...நன்றி
ஒப்பாரி யாங்கண்டது இல் !!!

நிறத்தோடு நிறம் கலக்கும் பச்சோந்தி
அது பார்வைக்கு மறைந்திருக்கும்

செடி கொடிகள் நிறமொத்திருகும்
விசச்செடியும் அதில் மறைந்திருக்கும்

இவற்றை உற்று நோக்கிட
பிரித்தறிதல் சுலபமே

மனிதனுடன் கலந்திருப்பான் கயவன்
அவன் கயவன் இவன் மனிதன் என்று
இவற்றுள் பிரித்து காண்பது எளிதல்ல
இவர்களை விட ஒப்புமை உலகிலில்லை

மக்களே போல்வர் கயவர் அவரன்ன
ஒப்பாரி யாங்கண்டது இல். (1071)

by சதாசிவம் Sun Dec 18, 2011 5:58 pm

தமக்கு தீங்கினைச்செய்த இழிகுடியைச் சார்ந்தாரும்
முன்வந்து நின்றிடவே முகத்தில் மலர்ச்சியையும்
அவர்மனம் இதமாக இனியசொல்லும், ஈகையையும்
நிலைகண்டு இகழ்ந்து பழிக்காமையும் செய்பவரை
வகைபடுத்தலாம் வாய்மைக் குடியிற் பிறந்தொரென

நல்ல வரிகள்.
இன்னா செய்தாருக்கும் இன்முகத்துடன்
இனியன செய்யும் இயல்புடையவரை
இயம்பியமைக்கு இருகை வாழ்த்தி
இருவாச்சி இருக்கை இடுவேன்.

நன்று, தொடருங்கள்

by **பிஜிராமன்** Mon Dec 19, 2011 1:45 pm

நல்ல வரிகள்.
இன்னா செய்தாருக்கும் இன்முகத்துடன்
இனியன செய்யும் இயல்புடையவரை
இயம்பியமைக்கு இருகை வாழ்த்தி
இருவாச்சி இருக்கை இடுவேன்.

நன்று, தொடருங்கள்

மிக்க நன்றிகள் ஐயா..... புன்னகை

பிஜிராமன் wrote:
இற்பிறந்தார் கண்ணல்ல தில்லை இயல்பாகச்
செப்பமும் நாணும் ஒழுங்கு. (951)

இனியக் கனியொன்று இருந்ததொரு மரத்தில்நன்று
பறவையும் உண்டது அணிற்பிள்ளையும் உண்டது
மனிதனும் உண்டான் மண்ணில்விழ அஃதுமுண்டது
அத்தனைப் பேருக்கும் அக்கனிநல்கிற்றுச் சுவையினை
அஃதியல்பாய் அக்கனிக்குள்ள நடுவுநிலைமைப் பண்பாம்

உயர்குடியிலே பிறந்து குடிபண்பு காத்துநிற்பார்க்கு
அக்கனியொத்த நடுவுநிலைமை பண்பும், மனிதற்கே
உரித்தான பிறர்க்குத் தீங்குசெய்ய நாணிடும்பண்பும்
அக்குடியில் பிறந்தாற் கியல்பாயுள்ள நற்பண்பாகும்
அஃது அவருக்கன்றி வேறெவர்க்கும் ஒருசேரகிட்டாது [/color][/b]

சுந்தரராஜ் தயாளன் wrote:
பிஜிராமன் wrote:இளிவரின் வாழாத மானம் உடையார்
ஒளிதொழு தேத்தும் உலகு. (970)

சுவாசிக்க காற்றின்றி உயிரதுவாழ்வது இயலாது
உண்டிட உணவின்றி உயிரதுவாழ்வது இயலாது
இவை இருந்தும் உயிரென்றும் நிலைபெற்றிடாது
மனிதன் உடலினை உயிருள்ள போதும் - உயிர்
நீத்த பின்னும் பெருமைசேர்ப்பது மானங்காப்பதே

எத்தகைய இடர்வரினும் அடிதாங்கி நின்றிடவே
கற்கட்டிடம் நம்மனதில் நீங்கா இடம்பிடிக்கும்
இஃது அக்கட்டிடத்தின் பெருந்தகைமை எனலாம்
சிறிதேனும் இழிவுவரினும் தம்முயிர் நீத்திடும்
மானமுடையார் உயிர்நீத்தும் புகழப் படுவர்
மிகவும் நன்று இராமன்...விரும்பினேன்

மிகவும் நன்று...iraaman மகிழ்ச்சி

by kitcha Mon Dec 19, 2011 1:56 pm

முகத்திற்கு முன்சிரிப்பதும் பின்சென்று இகழ்வதும்
காரியமதை சாதித்திடவே இன்சொல்லை கூறியே
ஆசையாய் பழகுவர் அடியேகுழியையும் பறிப்பர்
வஞ்சகம் நிறைந்திடும் வெட்கமற்ற மனிதர்கள்
ஈகை குணமுமற்ற இழிகுடியைச் சார்ந்தவர்கள்

தமக்கு தீங்கினைச்செய்த இழிகுடியைச் சார்ந்தாரும்
முன்வந்து நின்றிடவே முகத்தில் மலர்ச்சியையும்
அவர்மனம் இதமாக இனியசொல்லும், ஈகையையும்
நிலைகண்டு இகழ்ந்து பழிக்காமையும் செய்பவரை
வகைபடுத்தலாம் வாய்மைக் குடியிற் பிறந்தொரென

நல்ல வரிகள்.
ஒரு சிறு சந்தேகம். இங்கு - ஈகை குணமுமற்ற இழிகுடியைச் சார்ந்தவர்கள் - என்ற வரி உள்ளது. இந்த வரி எனக்கு நெருடலாக உள்ளது.

இழி குடியைச் சேர்ந்தவர்கள் ஈகை இல்லாதவர்கள் என்று அர்த்தமா அல்லது ஈகை இல்லாதவர்கள் இழிகுடியைச் சேர்ந்தவர்கள் என்று அர்த்தமா

by **பிஜிராமன்** Mon Dec 19, 2011 2:43 pm

மிகவும் நன்று...iraaman மகிழ்ச்சி மகிழ்ச்சி

மிக்க நன்றிகள் ஐயா...... புன்னகை

by **பிஜிராமன்** Mon Dec 19, 2011 2:47 pm

நல்ல வரிகள்.
ஒரு சிறு சந்தேகம். இங்கு - ஈகை குணமுமற்ற இழிகுடியைச் சார்ந்தவர்கள் - என்ற வரி உள்ளது. இந்த வரி எனக்கு நெருடலாக உள்ளது.

இழி குடியைச் சேர்ந்தவர்கள் ஈகை இல்லாதவர்கள் என்று அர்த்தமா அல்லது ஈகை இல்லாதவர்கள் இழிகுடியைச் சேர்ந்தவர்கள் என்று அர்த்தமா

அந்தக் வரியை மட்டும் தனியே படிக்கும் பொழுது, இழிக்குடியை சார்ந்தவர்கள் ஈகை குணமற்றவர்களாக தான் இருப்பார்கள்.

ஆனால், இந்த வரியை மேலுள்ள நான்கு வரிகளின் தொடர்ச்சியாக படிக்கும் பொழுது, இகழும் குணமும், குழி பறிக்கும் குணமும் என பல வஞ்சக குணம் கொண்டவர்கள், ஈகை குணம் கொண்டிருத்தல் என்பது இயலாது, ஆக இத்தகையோர் இழிக்குடியைச் சார்ந்தவர்களாக தான் இருப்பார்கள் என்று கூறியுள்ளேன் கிச்சா.........

மிக்க நன்றிகள் கிச்சா..... புன்னகை

by **பிஜிராமன்** Mon Dec 19, 2011 6:32 pm

அடுக்கிய கோடி பெறினும் குடிப்பிறந்தார்
குன்றுவ செய்தல் இலர். (954)

தங்கத் தொட்டியிலே நாம்விதை விதைத்தாலும்
உயர்ந்த மாளிகையில் நாம்பயிர்ச் செய்தாலும்
அமிர்தமே ஊற்றி மரத்தை நன்குவளர்த்தாலும்
மாமரமிடம் திராட்சைக் கனிதாவெனப் பணித்திட
மாமரமென்றும் திராட்சைக் கனியைத் தாராது, ஒத்து

கோடாகோடி பொன்னை அள்ளிக் கொடுத்தாலும்
குடித் தாழ்ந்திடும் செயல்தனை செய்திடமாட்டார்
உயர்வான செயல்களுக்கு உரித்தான உயர்ந்தோர்
உயரப்பறந்து தங்குடியையும் உயர்த்தி நிற்பாரே
அன்றி பொருளுக்காக குடியைக்குன்றிட விடார்

by சதாசிவம் Mon Dec 19, 2011 7:02 pm

"கோடி கொடுத்தும் தன் நா கோடாமை கோடியுறும்" என்பதை உணர்த்திய வரிகள்.

உதாரணம் சற்று மாறீருந்தால் மேலும் சிறப்படையும்.

தொடருங்கள்

by **பிஜிராமன்** Mon Dec 19, 2011 7:50 pm

சதாசிவம் wrote:"கோடி கொடுத்தும் தன் நா கோடாமை கோடியுறும்" என்பதை உணர்த்திய வரிகள்.

உதாரணம் சற்று மாறீருந்தால் மேலும் சிறப்படையும்.

தொடருங்கள்

மிக்க நன்றிகள் ஐயா......மூன்றாவது வரியில் ஒரு மாற்றம் செய்துள்ளேன் இப்பொழுது பாருங்கள் ஐயா...... புன்னகை

by சதாசிவம் Mon Dec 19, 2011 7:53 pm

இப்போது சரியாக இருக்கிறது ராமன்.
தொடருங்கள்

by Sponsored content

பிஜிராமனின் திருவள்ளுவம் கவிதையில் - தொடர்

பிஜிராமனின் திருவள்ளுவம் கவிதையில் - தொடர்

Re: பிஜிராமனின் திருவள்ளுவம் கவிதையில் - தொடர்

Re: பிஜிராமனின் திருவள்ளுவம் கவிதையில் - தொடர்

Re: பிஜிராமனின் திருவள்ளுவம் கவிதையில் - தொடர்

Re: பிஜிராமனின் திருவள்ளுவம் கவிதையில் - தொடர்

Re: பிஜிராமனின் திருவள்ளுவம் கவிதையில் - தொடர்

Re: பிஜிராமனின் திருவள்ளுவம் கவிதையில் - தொடர்

Re: பிஜிராமனின் திருவள்ளுவம் கவிதையில் - தொடர்

Re: பிஜிராமனின் திருவள்ளுவம் கவிதையில் - தொடர்

Re: பிஜிராமனின் திருவள்ளுவம் கவிதையில் - தொடர்

Re: பிஜிராமனின் திருவள்ளுவம் கவிதையில் - தொடர்

Re: பிஜிராமனின் திருவள்ளுவம் கவிதையில் - தொடர்