பிஜிராமனின் திருவள்ளுவம் கவிதையில் - தொடர்

by **பிஜிராமன்** Sat Aug 13, 2011 11:23 am

First topic message reminder :

நண்பர்கள் அனைவருக்கும் வணக்கம்
நான் திருவள்ளுவத்தை கவிதையில் எழுத முயற்சி மேற்கொண்டுள்ளேன்...இதோ அந்த கவிதைதொடரை இந்த முதல் பதிவுடன் தொடங்க உள்ளேன்...உங்கள் அனைவரின் சம்மததுடனும் ஆதரவுடனும் பதிகிறேன்...நன்றி
ஒப்பாரி யாங்கண்டது இல் !!!

நிறத்தோடு நிறம் கலக்கும் பச்சோந்தி
அது பார்வைக்கு மறைந்திருக்கும்

செடி கொடிகள் நிறமொத்திருகும்
விசச்செடியும் அதில் மறைந்திருக்கும்

இவற்றை உற்று நோக்கிட
பிரித்தறிதல் சுலபமே

மனிதனுடன் கலந்திருப்பான் கயவன்
அவன் கயவன் இவன் மனிதன் என்று
இவற்றுள் பிரித்து காண்பது எளிதல்ல
இவர்களை விட ஒப்புமை உலகிலில்லை

மக்களே போல்வர் கயவர் அவரன்ன
ஒப்பாரி யாங்கண்டது இல். (1071)

by **பிஜிராமன்** Thu Dec 08, 2011 7:20 pm

சதாசிவம் wrote:நல்ல குறள் விளக்கம் ராமன்,

மிக்க நன்றிகள் ஐயா.....

by **பிஜிராமன்** Fri Dec 09, 2011 6:18 pm

குன்றின் அனையாரும் குன்றுவர் குன்றுவ
குன்றி அனைய செய்யின். (965)

உன்னத பானமதை நமக்களித்திடும் தென்னை
உயரிய இடத்தினில் காய்க்காயதிடும் தென்னை
மக்களின் உடலிற்கு குளிர்ச்சியை அளித்திடும்
இத்தகைய தென்னையில் சிறுபுழுவது விழுந்திட
அதன்புகழும் பயனும் குன்றி அழிந்திடுமே

சத்தான மனிதனும் சிறிதுவிஷமதை அருந்தவே
சத்தான உடல்குன்றி செத்துதான் போயிடுவான்,
நன்மைகள் பலசெய்து குன்றுபோல் உயர்ந்தவரும்
குன்றிமணி யளவுஇழிந்த செயல் செய்திடவே
விஷம்போல செயல்பட்டு தாழ்வினைக் தரும்

மிகவும் நன்று...இராமன் .வி. பொத்தானைப் பாவித்தேன் மகிழ்ச்சி

by **பிஜிராமன்** Fri Dec 09, 2011 7:15 pm

சுந்தரராஜ் தயாளன் wrote:மிகவும் நன்று...இராமன் .வி. பொத்தானைப் பாவித்தேன்

மிக்க நன்றிகள் ஐயா..... புன்னகை

by **பிஜிராமன்** Sat Dec 10, 2011 5:48 pm

புகழின்றால் புத்தேணாட் டுய்யாதால் என்மற்
றிகழ்வார்பின் சென்று நிலை. (966)

எத்தனையோ வேலைகள் மனிதனுக்கு வருவதுண்டு
அத்தனையும் அவனுக்கு வாய்ப்பினைத் தருவதுண்டு
இத்தனை இங்கிருக்க எதனையோ தேடிடும்அவன்தன்
வேலையை முடிக்கவே தன்மானத்தை விட்டுவிட்டு
இகழ்பவன்பின் செல்லஇழந்ததைத் திருப்புவது எளிதன்று

மனிதன்பெரிதாக நினைப்பது மேலுள்ள சொர்கந்தானே
பூலோகத்தில் சொர்க்கமது நற்புகழ்பெற்ற வாழ்வுதானே
அப்புகழினை நமக்களிப்பது தன்மானம் ஒன்றுதானே
இகழ்ந்துபழிப்போர் பின்செல்ல இழப்போமே மானத்தை
அஃதுநமக்கு அளிப்பது எதனையோ? சொர்கத்தையா ?

by சதாசிவம் Sat Dec 10, 2011 8:36 pm

வேலையை முடிக்கவே தன்மானத்தை விட்டுவிட்டு
இகழ்பவன்பின் செல்லஇழந்ததைத் திருப்புவது எளிதன்று

அழகான வரிகள். பாராட்டுகள் மகிழ்ச்சி

ஒரு சில குறல்களில் வள்ளுவர் சற்று கடுமையாகத் தான் பேசுகிறார். அப்படி உள்ள குறள் இது.

இப்படி மானம் இழந்து காரியம் சாதிப்பதால் என்ன செய்ய போகிறாய், இல்லாத சொர்க்கமா உனக்கு கிடைக்கும் என்று சாடுகிறார். இதில் சொர்க்கம் நரகம் என்ற சொல் மனிதனை பண்படுத்த/ பயமுறுத்த பயன்படுத்தும் சொல், அப்படி ஒன்று உள்ளதா என்ற நாத்திக வாதத்தையும் எடுத்து வைக்கிறார்.

by **பிஜிராமன்** Sat Dec 10, 2011 8:53 pm

சதாசிவம் wrote:வேலையை முடிக்கவே தன்மானத்தை விட்டுவிட்டு
இகழ்பவன்பின் செல்லஇழந்ததைத் திருப்புவது எளிதன்று

அழகான வரிகள். பாராட்டுகள்

ஒரு சில குறல்களில் வள்ளுவர் சற்று கடுமையாகத் தான் பேசுகிறார். அப்படி உள்ள குறள் இது.

இப்படி மானம் இழந்து காரியம் சாதிப்பதால் என்ன செய்ய போகிறாய், இல்லாத சொர்க்கமா உனக்கு கிடைக்கும் என்று சாடுகிறார். இதில் சொர்க்கம் நரகம் என்ற சொல் மனிதனை பண்படுத்த/ பயமுறுத்த பயன்படுத்தும் சொல், அப்படி ஒன்று உள்ளதா என்ற நாத்திக வாதத்தையும் எடுத்து வைக்கிறார்.

மிக்க நன்றிகள் ஐயா, தங்களின் கூடுதல் விளக்கம், வேறு கோணத்தில் சிந்திக்க, துருப்புச் சீட்டாய் உள்ளது, நன்றிகள் ஐயா...... புன்னகை

by **பிஜிராமன்** Sun Dec 11, 2011 6:47 pm

இறப்பே புரிந்த தொழிற்றாம் சிறப்புதான்
சீரல் லவர்கண் படின். (977)

உயர்ந்த தொழில்நுட்பம் உதவிடும் மக்கட்கு
நற்பண்புகள் எதுவும் அற்ற இழிந்தோர்கையில்
சிக்கிடவதன் பயன்மாறி மக்கட்கு தீங்குதரும்

உலகம் முழுவதும்இணையம் உண்டு - அஃது
நல்கிடும் பயனும் பலவுண்டு; சிலயீனர்வசம்
கிட்டுவதால் சிலதுன்பமும் வருவ துண்டு

சீரான பண்புகள் அனைத்தையும் பெற்றவர்
தான்கொள்ளும் பணியைச் சிறப்பொடு செய்வர்
சீரற்ற கீழோரிடம் சென்றடையும் சிறப்புக்கள்
செய்வ தறியாதவர் தலைக்கனம் கூட்டியே
அச்சிறப்பான வாய்ப்புகளைக் கெட்டொ ழிக்கும்