நகைக்கடைகளுக்கு சாபம் விடும் நடுத்தர மக்கள்!

சென்னை: தங்கத்தின் விலையேற்றம் குறித்த செய்திகளைப் படித்து கிட்டத்தட்ட மனம் சோர்ந்துபோயுள்ளனர் நடுத்தர வர்க்கத்தினர். நகைக்கடைகளைப் பார்த்தாலே கோபத்துடன் முகத்தைத் திருப்பிக் கொள்ளும் நிலை வந்துவிட்டது.

எப்போதும் கட்டுக்கடங்காத கூட்டம் மொய்க்கும் தி நகர் நகைக் கடைகள், திருவிழா முடிந்த வெறுமையோடு காட்சி தர ஆரம்பித்துள்ளன. அந்தப் பக்கமாக வரும் மக்களும், “என்னமா விலை ஏறிப்போச்சு… இனி ஒருத்தரும் தங்கத்தை வாங்காம இருந்தாத்தான் திருந்துவாங்க” என்று சாபம் விட்டுச் செல்வதை நேற்று பார்க்க முடிந்தது.

நகைக்கடைகளைத் திட்டி என்ன பயன், இந்த அறிவு முன்பே வந்திருக்க வேண்டும் என்று சமாதானப்படுத்திக் கூட்டிச் செல்லும் நண்பர்களையும் பார்க்க முடிந்தது.

அந்த அளவுக்கு தாறுமாறாக உயர்ந்துவிட்டது தங்கத்தின் விலை.

கடந்த 1920-ம் ஆண்டு ஒரு சவரன் தங்கத்தின் விலை வெறும் ரூ 21! இந்த 90 ஆண்டுகளில் 1000 மடங்கு உயர்ந்து, ரூ 20000-க்கு வந்திருக்கிறது.

அமெரிக்க பொருளாதாரம் நம்பகத்தன்மையை இழந்தது, ஐரோப்பிய நாடுகள் வரிசையாக திவாலாகி வருவது, ஆசிய பங்குச் சந்தைகள் ஆட்டம் கண்டது போன்றவற்றால் தங்கத்தின் விலை கட்டுக்கடங்காமல் போய்விட்டது.

தங்கத்தின் விலை சவரன் ரூ 20ஐத் தொடும் நிலை உருவாகியுள்ளது. இன்று பிற்பகலுக்குள் சவரனுக்கு ரூ 360 உயர்ந்து, 19832க்கு விற்பனையாகிறது.

தங்கத்தின் விலையைப் பொறுத்தவரை ‘இனி முதல்முறையாக’, ‘வரலாறு காணாத போன்ற வார்த்தைகளை பிரயோகப்படுத்துவதே அபத்தம்’. காரணம், இனி ஒரு ரூபாய் உயர்ந்தாலும் அது வரலாறு காணாத முதல் முறை உயர்வுதான். அந்த அளவு உச்சத்தில் நிற்கிறது தங்கம். நேற்று முன்தினம் ரூ.19 ஆயிரத்தை தாண்டியது ஒரு சவரன். ஒரே நாளில் பவுனுக்கு ரூ.744 அதிகரித்திருந்தது.

நேற்று காலையில் ஒரு பவுனுக்கு ரூ.216 குறைந்தது. ஆனால் மாலையில் அதிலும் மாற்றம். வெறும் ரூ.88தான் குறைந்தது. ஒரு கிராம் ரூ.2,432 ஆகவும், ஒரு பவுன் ரூ.19,472 ஆகவும் விற்பனையானது.

இந்த நிலையில் இன்று தங்கம் விலை ரூ.20 ஆயிரத்தை நெருங்கியுள்ளது. இன்று காலை ஒரு கிராம் தங்கம் ரூ.2,479 ஆக உயர்ந்தது. அதாவது ஒரு கிராமுக்கு ரூ.45 அதிகரித்து உள்ளது. ஒரு பவுன் தங்கம் ரூ.19,832-க்கு விற்கப்பட்டது. இது நேற்றையை விலையை விட ரூ.360 கூடுதலாகும். இன்று அல்லது நாளை ஒரு சவரன் ரூ 20000 க்கு விற்பனையாகலாம்.

தங்கத்தின் இந்த அபரிமிதமான விலை உயர்வு நிலத்தின் மதிப்பைக் கூட வீழ்ச்சியடைய வைத்துள்ளது குறிப்பிடத்தக்கது.

என்வழி

உண்மைதான் நேத்து வர்ஷாக்கு சின்ன ரிங் வாங்கினேன்.....
2000 ரூபாய்....

உமா wrote:உண்மைதான் நேத்து வர்ஷாக்கு சின்ன ரிங் வாங்கினேன்.....
2000 ரூபாய்....

இதற்கு போய் அழனுமா, அழகுக்கு அழகு சேர்க்கும் போது பெருமை, சந்தோசம் தான் படனும்

நீங்கள் சொல்வது வெறும் தாங்கத்தின் விலை கிச்சா, இவர்கள் கூலி அது இது என்று போட்டு கடைசி இல் பார்த்தால் ஒரு 400 -500 ருபை அதிகமாகும் கிராமுக்கு கொள்ளை அடிக்கராங்க கடைக்காரர்கள்.

ஏதோ இப்பவாவது மக்கள் தங்கள் முகங்களை திருப்பிக்கொள்கிறார்களே, அந்த மட்டுக்கும் சந்தோஷம்

உமா wrote:உண்மைதான் நேத்து வர்ஷாக்கு சின்ன ரிங் வாங்கினேன்.....
2000 ரூபாய்....

குழந்தைக்கு ரிங் போடாதே உமா , எதுவும் விஸேஷம் அன்று போட்டாலும் மிகவும் கவணுத்துடன் இருக்க வேண்டும்.

உமா wrote:உண்மைதான் நேத்து வர்ஷாக்கு சின்ன ரிங் வாங்கினேன்.....
2000 ரூபாய்....

அடாடா, உமா, குழந்தைக்கு முத முதலில் வாங்கும் போது வருத்தப்படலாமா ? அவளுக்கு வாங்கும் நேரம் விலை குறையட்டுமே ?

அருண் wrote:லட்டெஸ்ட் வந்த தகவலின் படி ஷேர் மார்க்கெட் எல்லாம் சரிவை நோக்கி சென்று கொண்டிரிக்கிறது அதனால் எல்லாரும் தங்கத்தில் இன்வஸ் பண்ணாரங்கலாம் அதனால் தான் ஒரே நாளில் இந்த உயர்வு பாமர மக்கள் தான் பாவம் எங்கே செல்லும் இந்த பாதை..!

ரொப அச்சமாக இருக்கு அருண், ரியல் எஸ்டேடும் சரியுமே?