எம்.ஜி.ஆர் ‌கோவில்: 14ம் ‌தேதி கும்பாபிஷேகம்

எம்.ஜி.ஆரின் தீவிர பக்தர் ஒருவர், சென்னையில் அவருக்கு கோவில் கட்டியுள்ளார். அக்கோவிலின் கும்பாபிஷேகம், வரும் 14 மற்றும் 15ம் தேதிகளில் நடக்க உள்ளது.சென்னை, புதுப்பேட்டையை சேர்ந்தவர் கலைவாணன், 50; வாரப் பத்திரிகையின் முகவராகவும், விற்பனையாளராகவும் பணிபுரிகிறார். சிறுவயது முதலே, எம்.ஜி.ஆர்., மீது அளவு கடந்த பாசம் வைத்திருந்தார். அது நாளடைவில் பக்தியானது.பக்தியை வெளிப்படுத்தும் வகையில், சொந்த செலவில், எம்.ஜி.ஆர்., படம் போட்ட சாவிக்கொத்து, பிளாஸ்டிக் ஸ்டிக்கர் போன்றவற்றை, பார்ப்பவர்களிடம் கொடுத்து வருகிறார்.
எம்.ஜி.ஆருக்கு கோவில் கட்ட முடிவு செய்தார்.மனைவியின் நகையை விற்ற பணம், சேமிப்பு என தேறிய மூன்று லட்சம் ரூபாயை கொண்டு, திருநின்றவூர், நத்தம்மேட்டில், முக்கால் கிரவுண்டு இடம் வாங்கி, அதில் எம்.ஜி.ஆருக்கு கோவில் கட்டினார். அக்கோவிலினுள் முன் மண்டபத்தில், ஆறடி உயரத்தில் எம்.ஜி.ஆரின் பளிங்கு சிலை வைத்துள்ளார். அதற்கு முன்பாக, அபிஷேகத்திற்காக, இரண்டு அடி உயரத்தில் கிரானைட் கல்லால் ஆன உற்சவர் சிலையையும் அமைத்துள்ளார்.இக்கோவிலின் கும்பாபிஷேகம், வரும் 14 மற்றும் 15ம் தேதிகளில் நடக்கிறது. "அருள்மிகு எம்.ஜி.ஆர்., ஆலயம், நத்தமேடு, செல்லியம்மன் சாலை, திருநின்றவூர் என, முகவரி வெளியிடப்பட்டுள்ளது. கும்பாபிஷேகத்தில் பங்கேற்க அனைவருக்கும் அழைப்பு உண்டு என்றும் அறிவிக்கப்பட்டுள்ளது.

நன்றி :- தினமலர்

மக்கள் திலகம் எம்.ஜி.ஆருக்கு தமிழகத்தில் மதுரை மற்றும் பெரம்பூரில் கோயில் அமைத்துள்ளார்கள். தற்போது சென்னையில் மேலும் ஒரு கோயில் அமைக்கப்பட்டுள்ளது.

‘’அருள்மிகு எம்.ஜி.ஆர்.’’ ஆலயம் என்று சென்னையில் இருந்து 40 கிலோ மீட்டர் தொலைவில் உள்ள
திருநின்றவூர் நத்தமேடு செல்லியம்மன் சாலையில் இக்கோவில் அமைந்துள்ளது.

கோவிலுக்குள் எம்.ஜி. ஆரின் மூன்று சிலைகள் வைக்கப்பட்டுள்ளன. ஆறு அடி உயரத்திலான ஒரு சிலை மூலவர் சிலையாக வைக்கப்பட்டுள்ளது. அச்சிலையின் வலப்புறமும், இடப்புறமும் இரண்டு அடி உயரத்தில் இரு சிலைகள் வைக்கப்பட்டுள்ளன.

கோவில் கோபுரத்தில் ஒருசிலை நிர்மானிக்கப்பட்டுள்ளது. கோவிலின் இரு புறமும் சிங்கத்தின் சிலைகள் அமைக்கப்பட்டுள்ளது.
சென்னை புதுப்பேட்டையைச்சேர்ந்த எம்.ஜி. ஆரின் தீவிர ரசிகரான எல்.கலைவாணன் இந்த கோவிலை கட்டியுள்ளார். கோவிலின் நிர்வாக பொறுப்பை ஏற்றுள்ள அவர் கூறும்போது, 1600 சதுரஅடி பரப்பளவில் எம்.ஜி.ஆர். கோவில் கட்டப்பட்டுள்ளது. இதை கட்ட ரூ.21 1/2 லட்சம் செலவிடப்பட்டு உள்ளது என்கிறார்.

இன்று ( 15.8.2011) எம்.ஜி.ஆர். கோவில் கும்பாபிஷேக விழா இன்று நடந்தது.

அதிகாலையில் யாகசாலை பூஜைகள் நடந்தன. புரோகிதர்கள் வேதமந்திரம் ஓதினர்.பின்னர் கலசங்களில் புனித நீர் எடுத்துச் செல்லப்பட்டது. காலை 10 மணிக்கு எம்.ஜி.ஆர். சிலைக்கு கும்பாபிஷேகம் நடந்தது.

விழாவில் ஏராளமான எம்.ஜி.ஆர். ரசிகர்களும், பொதுமக்களும் பங்கேற்றனர்.

தினந்தோறும் இந்த கோவிலில் பூஜை செய்வதற்கு அர்ச்சகர் நியமிக்கப்பட்டுள்ளார். கோயிலின் உள்ளே நின்று வணங்குவதற்கு ஏற்ப, கம்பி வளையம் அமைக்கப்பட்டுள்ளது. கோவிலின் உள்ளே வைக்கப்பட்டுள்ள உண்டியலில் எம்.ஜி.ஆர். பக்தர்கள் பணம் போட்டுச்செல்கின்றனர்.

எம்.ஜி.ஆர். பிறந்த நாள் தோறும் இக்கோவிலில் திருவிழா கொண்டாடவும் கலைவாணன் ஏற்பாடு செய்துள்ளார்.

சென்னை செண்ட்ரலில் இருந்து திருத்தனி, திருப்பதி, திருவள்ளூர், அரக்கோணம் செல்லும் ரயில்களில் பயணித்தால் 40 நிமிடங்களில் திருநின்றவூர் வந்தடையலாம். பாரிமுனையில் இருந்து திருநின்றவூர் மார்க்கமாக திருவள்ளூர் செல்லும் பேருந்திலும் பயணிக்கலாம்.

ஆவடியில் இருந்து திருநின்றவூருக்கு அரை மணி நேரத்திற்கு ஒரு முறை பேருந்து வசது உண்டு. ஷேர் ஆட்டோ வசதியும் இருக்கிறது.

திருநின்றவூரில் இருந்து பெரியபாளையம் செல்லும் வழியில் 4 கி.மீ. தொலைவில் நத்தமேட்டில் இருக்கும் அருள்மிகு எம்.ஜி.ஆர். ஆலயம் அமைந்துள்ளது. இங்கு குறித்த நேரத்திற்கு பேருந்து செல்கிறது.


சினிமா.நக்கீரன்

இந்த செய்தி ஏற்கனவே இருக்கிறதே

இணைத்து விடுகிறேன்

தே.மு.தி.க wrote:இந்த செய்தி ஏற்கனவே இருக்கிறதே

இணைத்துவிட்டேன்