நாள் 11-மாதம் 11-வருடம் 2011: 6 நட்சத்திரக்காரர்களுக்கு நவம்பர் 11-ல் யோகம்; வழிபட வேண்டிய தெய்வங்கள்

11-11-11 இந்த நாள் சரித்திரம் முக்கியத்துவம் நிறைந்த நாள் ஆகும். இது 100 ஆண்டுக்கு ஒரு முறை தான் வரும். இந்த அபூர்வ நாள் அடுத்த மாதம் வருவது விசேஷமான ஒன்று. 800 ஆண்டுகளுக்கு முன்பு வந்த 11-11-1111-ம் நாள் மிகவும் அதிர்ஷ்ட நாளாக கருதப்பட்டது. இதற்கு காரணம் தேதி, மாதம், ஆண்டு, என்று எல்லாமே 1-ஆக இருந்தது தான். தற்போது வரும் 11-11-2011-ம் மிகவும் அதிர்ஷ்டமான நாளாகும் என்கிறார் ஜோதிடர் சதீஷ்குமார். அவர் மேலும் கூறியதாவது:-

இந்நாள் வெள்ளிக்கிழமையில் வருவது கூடுதல் சிறப்பு. அதிலும் பரணி நட்சத்திரம், கிருத்திகை திதியில் வருவதால் மேலும் சிறப்பு பெறுகிறது. எண் கணித ராசிப்படி பார்த்தால் 11-11-2011-ம் நாளின் கூட்டு எண் 8 ஆகும். 8 என்பது சனிபகவானை குறிக்கிறது. சனியின் நட்பு கிரகங்கள் புதன், சுக்கிரன் இவைகள் தான் யோகம் தரும் கிரகங்களாகவும் திகழ்கின்றன.

சுக்கிரனின் அதி தேவதை மகாலட்சுமி தாயார். அதிர்ஷ்டம் நிறைந்த 11-11-11 நாளில் 108 திவ்ய பிரதேசங்களில் உள்ள மகாலட்சுமி தாயாரை நாம் வழிபட்டால் அள்ள அள்ள குறையாத செல்வங்களை பெறலாம். மகாலட்சுமியை அன்று காலை 6 முதல் 7 மணி வரையிலும், இரவு 8 முதல் 9 மணி வரையிலும் வழிபட்டால் அதிக யோக பலன்களைப் பெறலாம்.

வாகனம், ஆடை, ஆபரணங்கள் கிடைக்கும். சங்கீதத்தில் சிறந்து விளங்க முடியும். பெண்களால் லாபம் பெருகும், வீட்டிற்கு லட்சுமி கடாட்சம் கிடைக்கும், நவரத்தினங்கள், வைரம் போன்றவற்றையும் பெற முடியும். 11-ந் தேதி அதிர்ஷ்ட நாளில் விஷ்ணு (பெருமாள்) வழிபாடும் பல்வேறு யோகங்களை நமக்கு பெற்றுத் தரும்.

அன்றைய தினம் பெருமாளை காலை 7 முதல் 8 மணி வரையிலும், இரவு 9 முதல் 10 மணி வரையிலும் வழிபட சிறந்த நேரம் ஆகும். இந்நாளில் பெருமாளை வழிபடுவோர் கல்வி, கலைத்துறையில் கூடுதல் பலன்கள் கிடைக்கப் பெறுவர். வியாபாரத்தில் அதிக லாபம் பெறலாம். உத்தியோகத்தில் இருப்போருக்கு பதவி உயர்வு போன்றவை கிடைக்கும்.

6 நட்சத்திரங்களுக்கு யோகம்.........

சுக்கிரன் கிரகத்திற்கு உட்பட்ட பரணி, பூரம், பூராடம் நட்சத்திரக்காரர்களும், புதன் கிரகத்திற்கு உட்பட்ட ரேவதி, ஆயில்யம், கேட்டை நட்சத்திரக்காரர்களும் 11-11-2011 நாளில் அதிர்ஷ்டத்தை பெறுபவர்களாக உள்ளனர். எனவே இந்த 6 நட்சத்திரக்காரர்களும் அவரவர் குல தெய்வங்களை வழிபட்டால் கூடுதல் யோக பலன்களைப் பெறலாம்.

ராசிக்கேற்ற வழிபாடு.....

மேஷம்.........

மேஷ ராசியின் ராசி அதிபதி செவ்வாயை குரு பார்ப்பதால் பொருளாதாரத்தில் நல்ல வளர்ச்சியை பெறமுடியும். குடும்ப பிரச்சினை நீங்கி மகிழ்ச்சியுடன் வாழ்வர். 11-ந் தேதி மகாலட்சுமியை வழிபட்டால் சகல யோகங்களைப் பெறலாம்.

ரிஷபம்......

ரிஷப ராசி அதிபதி சுக்கிரன் 7-ம் இடத்தில் உள்ளார். இதனால் குடும்பத்தில் மகிழ்ச்சி நிலவும். பொன், பொருள் சேர்க்கை அதிகரிக்கும், தொழிலில் முன்னேற்றம் காணலாம். துர்க்கை அம்மனை வழிபட்டால் கூடுதல் பலன்களை பெற முடியும்.

மிதுனம்.....

மிதுன ராசிக்கு அதிபதியான புதன் 6-ல் உள்ளார். இதனால் காரிய தடை நீங்கி செல்வ செழிப்பை பெறலாம். பொருளாதாரத்தில் அதிக முன்னேற்றம் ஏற்படும். பெருமாளை வழிபட்டால் கூடுதல் யோகத்தை பெறலாம்.

கடகம்........

கடக ராசியின் அதிபதி சந்திரன் 10-ல் உள்ளார். தொழில், உத்தியோகத்தில் இருப்பவர்கள் நல்ல முன்னேற்றம் காணலாம். 11-ந் தேதி அதிர்ஷ்ட நாளில் சூரியன் அல்லது சிவனை வழிபட்டால் வீடு வாங்கும் யோகம் பெறலாம்.

சிம்மம்.........

சிம்ம ராசியின் அதிபதி சூரியன் நீச்சம் பெற்று துலாமில் உள்ளார். எவ்வளவு தான் தடைகள் வந்தாலும் அதை முறியடித்து வாழ்வில் வெற்றி பெறலாம். தொழிலில் லாபம் பெருகும். குழந்தை பாக்கியம் கிடைக்கும். திருமண தடை நீங்கும் 11-ந் தேதி அதிர்ஷ்ட நாளில் சூரியனை வழிபட்டால் கூடுதல் யோக பலன்களை பெறலாம்.

கன்னி......

கன்னி ராசியின் அதிபதியான புதன் 3-ல் உள்ளார். இதனால் குடும்பத்தில் உள்ள குழப்பங்கள் நீங்கும். தொழிலில் இருந்து வந்த நஷ்டங்கள் குறையும். உத்தியோகத்தில் இருப்போருக்கு பதவி உயர்வு கிடைக்கும். 11-ந் தேதி அதிர்ஷ்ட நாளில் சனி பகவானுக்கு நெய் விளக்கு ஏற்றி வழிபட்டால் சகல யோகங்களை பெறலாம். காமாட்சி அம்மனை வழிபடுவதும் சிறப்பை தரும்.

துலாம்........

துலாம் ராசியின் அதிபதியான சுக்கிரன் 2-ல் உள்ளார். இதனால் பொருளாதாரத்தில் வளர்ச்சி ஏற்படும். குடும்ப பிரச்சினை தீர்ந்து ஒற்றுமை ஏற்படும். வீடு வாங்கும் யோகம் கிடைக்கும். 11-ந் தேதி அதிர்ஷ்ட நாளில் விநாயகர், ஆஞ்சநேயரை வழிபட்டால் கூடுதல் யோக பலன்களை பெறலாம்.

விருச்சிகம்........

விருச்சிகம் ராசியின் அதிபதி செவ்வாய் சிம்மத்தில் உள்ளார். இதனால் நினைத்த காரியம் பலிக்கும். வியாபாரத்தில் வளர்ச்சி ஏற்படும். குழந்தை பாக்கியம் கிடைக்கும். 11-ந் தேதி அதிர்ஷ்ட நாளில் முருகன் கோவிலுக்கு சென்று வழிபட்டால் வீடு கட்டும் யோகம் பெறலாம்.

தனுசு........

தனுசு ராசியின் அதிபதி குரு மேஷத்தில் வக்கிரம் பெற்றுள்ளார். இதனால் தொழிலில் இருந்து வந்த நஷ்டங்கள் அடியோடு நீங்கும். லாபம் பெருகும். திருமண தடை, காரிய தடைகள் நீங்கும். குடும்பத்தில் ஒற்றுமை ஓங்கும். 11-ந் தேதி அதிர்ஷ்ட நாளில் தட்சிணாமூர்த்தியை வழிபட்டால் சகல யோகங்களை பெறலாம்.

மகரம்........

மகர ராசியின் அதிபதி சனி கன்னியில் உள்ளார். இதனால் காரிய தடைகள் நீங்கும். சந்திரன் 4-ல் இருப்பதால் உறவினர்ககளுடன் நட்பு மேம்படும். குழந்தை பாக்கியம் கிடைக்கும். திருமண தடைகள் நீங்கும். 11-ந் தேதி அதிர்ஷ்ட நாளில் சனிபகவான், காமாட்சி அம்மனை வழிபட்டால் கூடுதல் யோக பலன்களை பெறலாம்.

கும்பம்........

கும்ப ராசியின் அதிபதி சனி 8-ல் உள்ளார். செவ்வாய் சிம்மத்தில் இருந்து கும்பத்தை பார்க்கிறார். இதனால் குடும்ப பிரச்சினைகள் நீங்கும். தொழிலில் லாபம் பெருகும். 11-ந் தேதி முருகபெருமானை வழிபட்டால் சகல யோகங்களும் பெறலாம்.

மீனம்.....

மீன ராசியின் அதிபதி குரு வக்கிரம் பெற்று மேஷத்தில் உள்ளார். இதனால் காரிய தடைகள் நீங்கும். வீடு கட்டும் யோகம் கிடைக்கும். குழந்தை பாக்கியம் கிடைக்கும். 11-ந் தேதி தட்சிணாமூர்த்தியை வழிபட்டால் கூடுதல் யோகங்களை பெறலாம் என்கிறார் ஜோதிடர் சதீஷ்குமார்.

மாலைமலர்

நல்ல தகவல் மாறன் ஸார்

மிக்க நன்றிகள்

பரவாயில்லையே , ஜோதிட தகவல்கள் எல்லாம் தருகிறீர்களே

பகிர்ந்தமைக்கு நன்றி... ...

11-11-2011 என்பதால் சிறப்பு என்று சொல்லமுடியாது, எப்படி சாதாரண மற்றநாட்களோ, அதேபோலதான் 11-11-2011 தேதியும் ,எப்படி கிருத்திகை ,பிரதோஷம் போன்ற விசேச தினங்கள் வருகிறதோ அதுபோல் 11-11-2011 அன்று ஏதாவது விசேச தினமாக இருக்கலாம் , ஆனால் 11-11-2011 என்பதால் தான் விசேச தினம் என்று கூறமுடியாது

நல்ல தகவல் பகிர்தமைக்கு நன்றி.

ஜோதிட அடிப்படையில் ஒரு கிரகம் ஒரு ராசியில் இருந்து ஒரு ராசியில் இடம் பெயரும் போது தான் பலன்கள் மாறுபடும். ஆங்கில புத்தாண்டு அன்றோ , 11.11.2011 அல்லது 10.10.2010, 9.9.2009, 08.08.2008 போன்ற நாட்களில் கிரகங்கள் ஒரு ராசியில் இருந்து ஒரு ராசியில் மாறுவதில்லை. இப்படி பட்ட நாட்கள் ஒவ்வொரு வருடமும் வந்து போகிறது.

பொதுவாக சந்திரன், சூரியன், புதன், சுக்ரன், செவ்வாய் போன்ற கோள்கள் குறைந்த காலத்தில் ஒரு ராசியில் இருந்து வேறு ஒரு ராசிக்கு மாறுகிறது, இவற்றை நாம் பெரிய விசேஷமாக கொண்டாடுவதில்லை. பெரிய கிரகங்கள் ஆனா குரு, ராகு கேது, சனி ஆகியவை முறையே 1 வருடம், 1.5 வருடம், 2.5 வருடத்திற்கு ஒரு முறை ஒரு ராசியில் இருந்து அடுத்த ராசி மாறுகிறது. இதை நாம் கொண்டாடுகிறோம். இதனால் கோட்சரா பலன்கள் மாறும்.

நவீன காலத்தில் மக்கள் அளவுக்கு அதிகமாக ஜோதிடத்தை நம்ப தொடங்கிவிட்டனர், இதனால் கிரங்கள் வக்கிர கதியில் ராசி மாறுவதைக் கூட பலன், பரிகாரம் என்று சொல்லி காசு பார்க்கத் தொடங்கி விட்டனர். எல்லா கோவில்களும் பரிகார தலங்களாக சொல்லப்படுகிறது.

இது பண்டைய ஜோதிட அடைப்படையில் எழுந்த விஷயம் அல்ல. இது மட்டுமல்ல ஆங்கில புத்தாண்டு பலன்கள் என்று கூறுவதும் உண்மையல்ல. இது வெறும் மக்களை ஏமாற்றும் வழி.

KESAVAN wrote:11-11-2011 என்பதால் சிறப்பு என்று சொல்லமுடியாது, எப்படி சாதாரண மற்றநாட்களோ, அதேபோலதான் 11-11-2011 தேதியும் ,எப்படி கிருத்திகை ,பிரதோஷம் போன்ற விசேச தினங்கள் வருகிறதோ அதுபோல் 11-11-2011 அன்று ஏதாவது விசேச தினமாக இருக்கலாம் , ஆனால் 11-11-2011 என்பதால் தான் விசேச தினம் என்று கூறமுடியாது

நீங்கள் சொல்வதும் சரி தான், ஆனால் அந்த விசேசங்கள் மாதம் இரண்டு தடவை வரும் ஆனால் 11.11.11 100 வருடதிற்கு ஒரு முறை தான் வரும்; அப்படி வரும் போது விசேச நாட்களும் வருவது ஒரு தனி சிறப்பு...

நம் பஞ்சாங்கம் அமாவாசை அடிப்படையிலானது.. ஆஙகில நாட்கள் எவ்வித பாதிப்பையும் ஏற்படுத்தாது..

கும்ப ராசிக்கு முருகனை வழிபடணுமா..? நமக்கும் அந்தாளுக்கும் கேப் ஜாஸ்தியாயிற்றே..!

ARR wrote:நாம் பஞ்சாங்கம் அமாவாசை அடிப்படையிலானது.. ஆஙகில நாட்கள் எவ்வித பாதிப்பையும் ஏற்படுத்தாது..

கும்ப ராசிக்கு முருகனை வழிபடணுமா..? நமக்கும் அந்தாளுக்கும் கேப் ஜாஸ்தியாயிற்றே..!

நண்பரே கொஞ்சம் புரியும்படி சொல்லவும்..... நானும் கும்ப ராசி / சதய நட்சத்திரம் என்பதால் இந்த ஆர்வம்...

(11-11-11-11-11-11)

2011 ஆம் வருடம்,
11 ஆம் மாதம்,
11தேதி,
11 காலை மணி,
11நிமிடம்,
11வினாடியில் பிறக்கும் குழந்தை
சீரும் சிறப்பும் அடைந்து
பேறும் புகழும் அடைய பிரார்த்திக்கிறேன்.
ரமணியன்.

சதாசிவம் wrote:ஜோதிட அடிப்படையில் ஒரு கிரகம் ஒரு ராசியில் இருந்து ஒரு ராசியில் இடம் பெயரும் போது தான் பலன்கள் மாறுபடும். ஆங்கில புத்தாண்டு அன்றோ , 11.11.2011 அல்லது 10.10.2010, 9.9.2009, 08.08.2008 போன்ற நாட்களில் கிரகங்கள் ஒரு ராசியில் இருந்து ஒரு ராசியில் மாறுவதில்லை. இப்படி பட்ட நாட்கள் ஒவ்வொரு வருடமும் வந்து போகிறது.

பொதுவாக சந்திரன், சூரியன், புதன், சுக்ரன், செவ்வாய் போன்ற கோள்கள் குறைந்த காலத்தில் ஒரு ராசியில் இருந்து வேறு ஒரு ராசிக்கு மாறுகிறது, இவற்றை நாம் பெரிய விசேஷமாக கொண்டாடுவதில்லை. பெரிய கிரகங்கள் ஆனா குரு, ராகு கேது, சனி ஆகியவை முறையே 1 வருடம், 1.5 வருடம், 2.5 வருடத்திற்கு ஒரு முறை ஒரு ராசியில் இருந்து அடுத்த ராசி மாறுகிறது. இதை நாம் கொண்டாடுகிறோம். இதனால் கோட்சரா பலன்கள் மாறும்.

நவீன காலத்தில் மக்கள் அளவுக்கு அதிகமாக ஜோதிடத்தை நம்ப தொடங்கிவிட்டனர், இதனால் கிரங்கள் வக்கிர கதியில் ராசி மாறுவதைக் கூட பலன், பரிகாரம் என்று சொல்லி காசு பார்க்கத் தொடங்கி விட்டனர். எல்லா கோவில்களும் பரிகார தலங்களாக சொல்லப்படுகிறது.

இது பண்டைய ஜோதிட அடைப்படையில் எழுந்த விஷயம் அல்ல. இது மட்டுமல்ல ஆங்கில புத்தாண்டு பலன்கள் என்று கூறுவதும் உண்மையல்ல. இது வெறும் மக்களை ஏமாற்றும் வழி.

மிகச்சரியான பதில் , இவை எல்லாம் அரைகுறை ஜோதிடர்களின் விளம்பரயுக்திகள்.