எனக்கு பிடித்த பாடல்கள்

வணக்கம் ஈகரை இதயங்களே... இந்த பதிவில் எனக்கு பிடித்த பாடல்களை உங்களோடு பகிர்ந்துகொள்ள விரும்புகிறேன்... எனக்கு அனைத்து பழைய பாடல்களும் பிடிக்கும், எனவே அவை தவிர்த்து பிற பிடித்த பாடல்களை இங்கு பதிகிறேன்...

நீ பார்த்த பார்வைக்கொரு நன்றி - ஹேராம் http://download2.tamilwire.com/songs/__F_J_By_Movies/Hey%20Raam/Nee%20Partha%20-%20TamilWire.com.mp3



இந்த பாடலை நான் ஒரு 1000 முறைக்கு மேல் என் கைபேசியில் கேட்டிருப்பேன்... இந்த பாடலை பொறுத்தவரை நான் ஒரு பைத்தியம்(நீ எப்பவுமே பைத்தியம் தானேடா )... ஒரு நாளைக்கு ஒரு முறையாவது இந்த பாடலை கேட்டு விடுவேன்... சோகமோ, மகிழ்ச்சியோ, கோபமோ, என் மனநிலையை நடுநிலையில் நிறுத்துவது இந்த பாடல்தான்... இதில் வரும் பியானோ இசை...அப்பா என்ன ஒரு மென்மை!!! எனக்கு வாழ்வில் ஒரு முறையாவது இந்த ட்யூன்னை பியானோவில் வாசிக்க வேண்டும் என்ற ஆசை... எனக்கு இந்த பாடலை அவ்வளவு பிடிக்கும்...

சரி இனி எனக்கு மிகவும் பிடித்த பாடல்கள் தவிர்த்து அதிகம் பிரபலமாகாத வித்யாசமான, நான் ரசித்த பாடல்களை கூறுகிறேன்...

1. மௌனமே பார்வையாய் பேசிக்கொண்டோம் - அன்பே சிவம் http://db.oruwebsite.com/Tamil/Songs/03%20-%20A%20to%20Z%20Movie%20Name/A/A%20-%2001/Anbe%20Sivam/www.Duettamil.com%20-%20%20%20%20%20%20%20%20%20%20%20%20%20%20%20%20%20%20%20Mounamea.mp3



இந்த பாடல் படத்தில் இடம் பெறவில்லை... அதிகமானோர் இந்த பாடலை கேட்டிருக்க வாய்பில்லை...மிகவும் அருமையான பாடல், எஸ்.பி.பி குரலில் அவ்வளவு நேர்த்தியாக இருக்கும் இந்த பாடல்... அருமையான பாடல் வரிகள் கொண்ட பாடல்...உதாரணத்திற்கு

"இலக்கணம் உடைத்ததும் கவிதை வரும்,
இரவினை துடைத்ததும் கனவு வரும்,
ஸ்வரங்களை திறந்ததும் இசை மலரும்,
உணர்விலே கரைந்ததும் கலை வளரும்..."

இந்த பாடல் படத்தில் இடம் பேராதது குறையே... இசை : வித்யாசாகர்.

2. இசையில் தொடங்குதம்மா - ஹேராம் http://download2.tamilwire.com/songs/__F_J_By_Movies/Hey%20Raam/Isaiyil%20-%20TamilWire.com.mp3



இளையராஜாவின் புதிய முயற்சியில் இதுவும் ஒன்று...இப்படி ஒரு தமிழ் பாடலை நான் கேட்டதே இல்லை... ஹிந்தி சாயலில் அமைந்த இந்த பாடலில் எத்தனை விதமான நெழிவு சுழிவு அமைத்து பாடி இருப்பார் தெரியுமா அஜய் சக்ரபோர்தி... இசையிலும், பாடியவர் குரலிலும் வித்யாசமும், ஆனந்தமும் அனுபவிக்கக்கூடிய பாடல்...

3. காதல் என்னும் கோவில் - கழுகு http://www.central-musiq.com/download.php?f=Kathal%20Ennum%20Kovil.mp3&fc=0&lid=1



இந்த பாடலை 90% பேர் கேட்டிருக்க வாய்பில்லை... கழுகு படத்தில் ஒரு பூவனதுல, பொண்ணோவியம் இந்த இரண்டு பாடல்களும் எனக்கு மிகவும் பிடிக்கும், ஆனால் காதல் என்னும் கோவில் பாடலில் ஒரு சொக்கும் மயக்கம் இருக்கும், இரவு சுமார் 11 மணிக்கு மேல் இந்த பாடலை கேட்டு பாருங்கள் உங்களை ஒரு தனி உலகிற்கு இந்த பாடல் அழைத்து செல்லும், எந்த சலனமும் இல்லாமல் அமைதியாய் ஆரம்பம் முதல் இறுதி வரை இந்த பாடல் மென்மையாய் நகரும்... இசை: இளையராஜா

4. ஏறத்தாழ 7 மணி - பேராண்மை http://download2.tamilwire.com/songs/__P_T_By_Movies/Peraanmai%202009/Yera%20Thala%20-%20TamilWire.Com.mp3



இது ஒரு சின்ன பாடல், சாதனா சர்கம் பாடியது, இதில் வரும் கிட்டார் இசை எனக்கு மிகவும் பிடிக்கும், வித்யாசாகர் இசையில் ஒரு அமைதியான பாடல்...

5. எங்கிருந்து வந்தாயடா - 5 ஸ்டார் http://link.sensongs.com/Tamil/Five%20Star/Engirindhu%20Vandayada.wma



இதுவும் ஒரு மென்மையான பாடல்... நல்ல நெழிவு சுழிவு கலந்து பாடகி சாதனா பாடி இருப்பார்... பாடல் வரிகளும் அருமையாக இருக்கும். உதாரணத்திற்கு

"வாசல் வாழையோடு வார்த்தையாடலாச்சு
இனியும் பேசப் புதிய கதைகளேது
ஒருவர் வாழுமுலகில் மவுனந்தானே பேச்சு
மொழிகள் எதற்கு இருவரிணையும்போது"

அடிக்கடி கேட்காவிட்டாலும் வாரம் ஒரு முறையாவது இந்த பாடலை கேட்டு ரசிப்பேன்... இசை: பரசுராம் & அனுராதா ஸ்ரீராம்.

6. என்னுள்ளே என்னுள்ளே - வள்ளி http://www.123musiq.com/SOURCE/ALL%20TIME%20HITS/Valli/Ennulle%20Ennulle%20-%20Valli.mp3



இதற்கு மேல் கிட்டார் இசையை அழகாக இசைத்து நமக்கு யாரும் கொடுத்திருக்க முடியாது... இளையராஜா இளையராஜாதான்... அவ்வளவு அழகான கிட்டார் இசை... கண்ணை மூடி இரவில் இப்பாடலை கேட்கும் போது பாடல் முடிகையில் பாடலில் மூழ்கிய மனதை மீண்டும் மீட்டு இயல்பு நிலைக்கு கொண்டு வருவது கடினமே... ஸ்வர்ணதா என்னும் இனிமையான பாடகி இப்போது நம்முடன் இல்லை என்றாலும் இந்த பாடல் என்றும் அவர் பெயரை சொல்லும்

7. நான் பாடும் சந்தம் - டூயட் http://dhool.net/D/Duet/Tamilmp3world.Com%20-%20NaanPaadumSandham.mp3



இந்த பாடல்தான் டூயட் படத்திலேயே அதிக இசை கருவிகள் கொண்டு இசைக்கபட்ட பாடல்... ஆனால் அதிகம் பிரபலமாகவில்லை... இப்பாடல் கேட்கையில் சாக்சோஃபோன் இசையில் நீங்கள் முழுவதும் நனைவதற்கு ரஹ்மான்னுடன் சேர்ந்து நானும் உத்தரவாதம் அளிக்கிறேன்... எஸ்.பி.பி யின் குரல் மழையில் இந்த பாடலும் ஒன்று...

8. நதியிலாடும் பூவனம் - காதல் ஓவியம் http://mp3searchy.com/dla.php?id=YgHx_qRm&s=1&n=Ilayaraja%20-%20Kaadhal%20Oviyam%20-%20Nadhiyil%20Adum%20-



எஸ். பி. பி என்ன குரல் ஐயா உமக்கு!!! ஜானகி அம்மா நீங்கள் தமிழ் இசையுலகதிற்கு கிடைத்த வாரம்... எந்த பாடலாக இருந்தாலும் எந்த சுரமாக இருந்தாலும் மிகவும் சாதாரணமாய் பாடக்கூடிய திறமை உங்கள் இருவருக்கு மட்டுமே உள்ளது... மிகவும் அருமையான மதிய வேளையில் கேட்பதற்கு இனிமையான ஒரு பாடல்...

9. உதயா உதயா - உதயா http://download1403.mediafire.com/6zfms8asd0bg/dytylznztni/Udhaya+Udhaya.mp3



இந்த பாடல் அதிகமாக புகழ்வதற்கு ஒன்றும் இல்லை... என்று முன்னால் நினைத்து கொண்டிருந்தேன்... ஒருமுறை சூப்பர் சிங்கர் நிகழ்ச்சியில் சுஜாதாவின் மகள் இந்த பாடலை பாடும்போது இந்த பாடலை எவ்வளவு சிரமம் கொண்டு பாடுகிறார் என்பதனை கவனித்தேன்.. பாடிய பிறகு இந்த பாட்டில் இருக்கும் கடினமான விஷயங்களை அவர் விளக்கி சொன்னார்... அதன் பிறகு இந்த பாடலை கேட்கும் போது ஹரிஹரன் மற்றும் சாதனாவின் குரல் இந்த பாடலை எனக்கு தனி ரசனையுடன் லயிக்க வைத்தது...

10. நான் என்பது நீயல்லவா - சூரசம்ஹாரம் http://www.central-musiq.com/download.php?f=Naan%20Enbathu%20Nee%20Allava.mp3&fc=0&lid=1



சித்ரா மற்றும் அருண்மொழி குரலில் காலை நேரத்தில் இந்த பாடலை கேட்க எனக்கு மிகவும் பிடிக்கும்... அதிலும் "பார்வை செய்த சோதனை நாளும் இன்ப வேதனை காதல் கொண்ட காமனை கண்டு கொண்டு நீ அணை" இந்த வரிகளுக்கான மெட்டு எனக்கு மிகவும் பிடிக்கும்...அதிலும் தலைவர் முறுக்கு மீசையுடன் டி- ஷர்ட்டீல் அம்சமாக இருப்பார்... கேட்கவா வேண்டும்...

நான் இதில் இட்ட லிங்க் அனைத்தும் சரியாக உள்ளதா என்று எனக்கு தெரியாது... உங்களுக்கு சரியான தரவிறக்கம் தேவை எனில் cooltoad.com தளத்தில் லாகின் செய்து இந்த பாடல்களை தேடி தரவிறக்கி கொள்ளுங்கள்...

இன்னும் நிறைய பாடல்கள் இருக்கிறது... மீண்டும் தொடர்கிறேன்... உங்களோடும் சேர்ந்து...

நல்ல ரசனை.
ஹே ராம் லிங்கை கிளிக் செய்தால் அந்த பாடல் வரவில்லை

ரேவதி wrote:

kitcha wrote:நல்ல ரசனை.
ஹே ராம் லிங்கை கிளிக் செய்தால் அந்த பாடல் வரவில்லை

http://mp3.tamilwire.com/hey-raam.html

உங்க ரசனையை எங்களோடு பகிர்ந்து கொண்டதற்க்கு நன்றி.

இந்த பதிவை பதிவதற்குள் என் நாக்கு நாலு முலத்திற்கு தள்ளி விட்டது...
so tired...

ranhasan wrote:இந்த பதிவை பதிவதற்குள் என் நாக்கு நாலு முலத்திற்கு தள்ளி விட்டது...
so tired...

முலம் இல்லை முழம்

ஜாஹீதாபானு wrote:

ranhasan wrote:இந்த பதிவை பதிவதற்குள் என் நாக்கு நாலு முலத்திற்கு தள்ளி விட்டது...
so tired...

முலம் இல்லை முழம்

அதுதான் சொன்னேனே பாட்டி நாக்கு தள்ளிருச்சுன்னு... அப்றம் எப்படி 'ழ' வரும் ?

ranhasan wrote:

ஜாஹீதாபானு wrote:

ranhasan wrote:இந்த பதிவை பதிவதற்குள் என் நாக்கு நாலு முலத்திற்கு தள்ளி விட்டது...
so tired...

முலம் இல்லை முழம்

அதுதான் சொன்னேனே பாட்டி நாக்கு தள்ளிருச்சுன்னு... அப்றம் எப்படி 'ழ' வரும் ?

உங்களுக்கு பிடித்த பாடல்களை நீங்களும் பகிர்ந்து கொள்ளுங்கள்...