வயிற்று வலி

**Admin** · **Admin** Sun Dec 07, 2008 2:09 pm

பல்வேறு காரணங்களால் ஏற்படும் வயிற்று வலிகளைப் பற்றியும் அவற்றை குணப்படுத்தும் முறையைப் பற்றியும் தெரிந்துகொள்ளுங்கள்.

வயிற்றுவலியை மூன்றுவிதமாகப் பிரிக்கலாம். தீவிரமான வயிற்றுவலி, மந்தமான வயிற்று வலி, வகைப்படுத்த முடியாத வலி.

இந்த வலிகளை வைத்தே எந்த உறுப்பில் என்ன பிரச்சினை என்பதையும் அறிந்துகொள்ளலாம்.

வயிற்றின் மேல் பக்கம் தீவிரமாக வலித்தால் வயிறு, கணையம், முன் குடல், கல்லீரல் போன்றவற்றில் பிரச்சினை இருப்பதை உணரலாம். நெஞ்சுப் பக்கத்தில் திரும்பினால் அது கல்லீரல் வலி, முதுகுப்பக்கம் வலி பரவினால் அது கணைய வலி, வயிற்றின் மேல் பக்கமாகப் பரவினால் அது இதய நோய் சார்ந்த வலி எனக் கொள்ளலாம்.

உதரவிதானத்தில் கட்டி அல்லது புண் இருக்கும்போது பித்தப்பை, கணையம், முன் குடல், கல்லீரல் போன்ற உள்ளுறுப்புகளிலும் வலது தோள்பட்டை மற்றும் கழுத்துப் பகுதியிலும் வலியிருக்கும்.

கணையப் புற்று அல்லது இரைப்பைப் பாதையில் பாதிப்பு, மண்ணீரல், இரைப்பை, குடல் பகுதிகளில் பாதிப்புகள் ஏற்பட்டிருந்தால் தொப்புளைச் சுற்றி வலிக்கும். புற்றுநோயின் போது வலி கடுமையாக இருக்கும்.

காபி, மது, மசாலாப் பொருட்கள், எண்ணெய் வகை உணவுகள் ஆகியவை வலியை அதிகரிக்கும்.

**Admin** · **Admin** Sun Dec 07, 2008 2:10 pm

பாதிப்புக்கு ஏற்ப இந்த வலி மாறுபடும். சாப்பிட்ட அரை மணி நேரத்தில் வலி வந்தால் குடலில் பிரச்சினை என்றும், சாப்பிட்ட உடனே வலித்தால் இரைப்பை யில் பிரச்சினை என்றும், கணையம் மற்றும் பித்தப்பை பாதைகளில் பிரச்சினை என்றால் முக்கால் மணி நேரத்திற்குப் பிறகும் வலிக்கும். கணையத்தில் வலியிருந்தால் நடந்தாலோ, மாடிப்படியில் ஏறினாலோ, அல்லது கார் ஓட்டினாலோ வலிக்கும்.

வயிற்று வலியோடு குமட்டல், வாந்தி, பேதி, மலச்சிக்கல், மலத்தில் ரத்தம், வயிற்றுப் பொருமல், ஏப்பம், எடை குறைதல், காமாலை போன்றவை வரும். அவற்றுக்கான அறிகுறிகளைப் பற்றி தெரிந்துகொள்ளுங்கள்.

குமட்டலும், வாந்தியும் இருந்தால் மேற்புறக் குடல் பகுதிகளில் நோய் இருக்கும். வாந்தியிருந்தால் குடல் மற்றும் வயிற்றில் அடைப்பு இருக்கும். கடுமையான வலியினாலும் வாந்தி ஏற்படும். சிலருக்கு எதை சாப்பிட்டாலும் எதுக்களித்துக் கொண்டு வரும்.இது கிருமித்தொற்று அல்லது நரம்புத்தொடர்பான தலைவலிகளாலும், மருந்து மாத்திரைகளாலும், குடல் அடைப்பு, பித்தப்பையில் கோளாறு, தோற்று நோய்கள் போன்றவற்றாலும் வரும்.

சாப்பிட்ட சில மணி நேரங்களுக்குப் பிறகு வாந்தி வந்தால் குடல்புண் என்றும், பழுப்பு நிறத்துடன் மல நாற்றத்துடன் வந்தால் நீண்ட காலமாக குடலில் அடைப்பு இருக்கிறது என் பதையும் தெரிந்துகொள்ளலாம்.

நீண்ட காலம் வாந்தி, குமட்டல் இருந்தால் அல்சரால் இரைப்பை குடல் சுருக்கம், குடல் முருக்கம், வீக்கம், வயிற்றில் கட்டி, முன்குடல் திசுச்சிதைவு, இரைப்பை அல்லது கணையப் புற்று ஆகியவை இருக்கக்கூடும்.

**Admin** · **Admin** Sun Dec 07, 2008 2:10 pm

வயிற்றுவலியுடன் வயிற்றுப் போக்கும் இருந்தால் கணையம், சிறுகுடல், பெருங்குடல் பகுதிகளில் கோளாறுகள் இருக்கும்.

வயிறு வலிப்பதோடு மலச்சிக்கல் இருந்தால் குடல் தொடர்பான பல்வேறு பிரச்சினைகள் இருக்கும் என்பதை கண்டுகொள்ளலாம். மலம் கறுப்பாக வந்தால் உணவுக்குழாய் அல்லது சீரண உறுப்பின் மேல் பக்கத்தில் பிரச்சினை என்பதையும், புதிய ரத்தம் போனால் மென்படலச் சவ்வு, கட்டிகள், புண்கள் அல்லது புற்றுநோய் போன்ற பிரச்சினைகள் இருக்கும்.

வயிற்றுவலியோடு பசியின்மையும் எடை குறைவும் இருந்தால் டி.பி., அல்லது வயிற்றுப்பகுதியில் கட்டியிருக்க வாய்ப்புண்டு. நாற்பது வயதுக்கு மேற்பட்டவர்களிடம் அஜீரணக்கோளாறு அதிகமிருந்தால் அது புற்றுநோயாகக் கூட இருக்கலாம்.

கல்லீரல், பித்தநாளம் மற்றும் முன் குடலில் பிரச்சினைகள் அல்லது புற்று போன்றவை இருந்தாலும் காமாலை தோன்றும். வயிறு உப்புவது, வாயு பிரிவது, அஜீரணம் போன்ற பல்வேறு பிரச்சினைகள் வயிற்றுப் பகுதியில் பிரச்சினை இருந்தால் தோன்றும்.

இவற்றைக் கண்டறிய பல்வேறு பரிசோதனை முறைகள் உள்ளன. அவற்றுள் எண்டாஸ்கோப்பி மற்றும் பயாப்சி பரிசோதனை, பேரியம் மற்றும் புளூ ரோஸ்கோப்பி பரிசோதனை, லேப்ராஸ் கோப்பிப் பரிசோதனை, சி.டி. ஸ்கேன் பரிசோதனை ஆகியவற்றை முக்கியமாகக் குறிப்பிடலாம்.

**Admin** · **Admin** Sun Dec 07, 2008 2:10 pm

வயிற்று வலிக்கு பெரும்பாலும் புற்றுநோய் முக்கியக் காரணமாக இருப்பதை பலர் அறிந்திருப்பதில்லை. இதனால் வயிறு வலித்தால் சாதாரணமாக வலிநீக்கி மாத்திரைகள் அல்லது அமில எதிர்ப்பிகளான அன்டாசிட் மாத்திரை வாங்கி சாப்பிடுகிறார்கள். இது பலன் தராதது என்பதோடு ஆபத்தானதும் கூட என்பதை அறிந்து இரைப்பைக் குடல் சார்ந்த மருத்துவ நிபுணரை அணுகி சிகிச்சைப் பெற்றுக் கொள்ளவேண்டியது அவசியமாகும்.

சபீர் · சபீர் Sat Sep 25, 2010 9:25 pm

இப்பதிவின் மூலம் வயிற்று வலி சம்பந்தமான நிறைய விளகத்தை அறிய முடிந்தது வயிற்று வலி 677196

**T.N.Balasubramanian** · **T.N.Balasubramanian** Sun Sep 26, 2010 7:29 am

காலையில் எழுந்தவுடன் அடிவயிற்றில் வலி. இருபது நிமிடங்களில், சரியாகிறது. காரணம் என்னவாக இருக்கும்?

ரமணீயன்.

**சிவா** · **சிவா** Sun Sep 26, 2010 8:03 am

T.N.Balasubramanian wrote:காலையில் எழுந்தவுடன் அடிவயிற்றில் வலி. இருபது நிமிடங்களில், சரியாகிறது. காரணம் என்னவாக இருக்கும்?

ரமணீயன்.

இது பொதுவாக அனைவருக்கும் ஏற்படும் வலிகளில் ஒன்றுதான்! நீண்ட நேரம் சிறுநீரை அடக்கி வைத்திருப்பதாலும் Urinary tract infection (UTI) - எனும் நோய்த்தொற்றாலும் இவ்வாறு ஏற்படலாம்! பார்லி தண்ணீர் அருந்தி வாருங்கள்! சரியாகும்!

Urinary bladder -ல் இருந்துதான் உங்களுக்கு இந்த வலி வருகிறது!

வயிற்று வலி Illu_bladder

இரவில் அதிகம் தண்ணீர் அருந்த வேண்டாம்! சிறுநீரை நீண்ட நேரம் அடக்கி வைக்க வேண்டாம்! பொதுக்கழிப்பறைகளைப் பயன்படுத்த வேண்டாம்!

**சிவா** · **சிவா** Sun Sep 26, 2010 8:04 am

வயிற்று வலி Abdomen%20anterior%20anatomy

**T.N.Balasubramanian** · **T.N.Balasubramanian** Sun Sep 26, 2010 11:11 pm

சிவா wrote:
T.N.Balasubramanian wrote:காலையில் எழுந்தவுடன் அடிவயிற்றில் வலி. இருபது நிமிடங்களில், சரியாகிறது. காரணம் என்னவாக இருக்கும்?

ரமணீயன்.

இது பொதுவாக அனைவருக்கும் ஏற்படும் வலிகளில் ஒன்றுதான்! நீண்ட நேரம் சிறுநீரை அடக்கி வைத்திருப்பதாலும் Urinary tract infection (UTI) - எனும் நோய்த்தொற்றாலும் இவ்வாறு ஏற்படலாம்! பார்லி தண்ணீர் அருந்தி வாருங்கள்! சரியாகும்!

Urinary bladder -ல் இருந்துதான் உங்களுக்கு இந்த வலி வருகிறது!

இரவில் அதிகம் தண்ணீர் அருந்த வேண்டாம்! சிறுநீரை நீண்ட நேரம் அடக்கி வைக்க வேண்டாம்! பொதுக்கழிப்பறைகளைப் பயன்படுத்த வேண்டாம்!

மிகவும் நன்றி, சிவா அவர்களே.
சிறிதே யோசித்து பார்த்தால், எனக்கு வயிற்று வலி ஏற்பட்ட தினங்களுக்கு முன்னிரவு cough syrup அருந்திவிட்டு தூங்கியதால், நடு இரவில் விழிப்பு ஏற்படவில்லை. நீங்கள் கூறியபடி அதுவே சரியான காரணமாக இருக்கும். வயிற்று வலி வராதிருக்க கூறிய யோசனைகளுக்கும் நன்றிகள் பல.
ரமணீயன்.

**சிவா** · **சிவா** Sun Sep 26, 2010 11:14 pm

இனிமேல் இருமல் வந்தால் மிளகு நான்கு அல்லது ஐந்து எடுத்து வாயில் வைத்துக்கொண்டு சிறிது சிறிதாக கடித்து விழுங்கவும்! மிகவும் காரமாக இருக்கும்! ஆனால் இருமல் மற்றும் நெஞ்சு சளி நீங்கிவிடும்!

Sponsored content · Sponsored content

வயிற்று வலி

வயிற்று வலி

Re: வயிற்று வலி

Re: வயிற்று வலி

Re: வயிற்று வலி

Re: வயிற்று வலி

Re: வயிற்று வலி

Re: வயிற்று வலி

Re: வயிற்று வலி

Re: வயிற்று வலி

Re: வயிற்று வலி

Re: வயிற்று வலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக