இந்த வண்ணத்துப் பூச்சிக்குப் பறக்கத் தெரியவில்லை..

**rameshnaga** · **rameshnaga** Tue Jul 26, 2011 9:10 pm

1. நேற்று பெய்த மழையில்
காணாமல் போன எனது கண்களை
எடுத்து வரவேண்டும்
அவளது குடையிலிருந்து.

2. இந்த வண்ணத்துப் பூச்சிக்குப்
பறக்கத் தெரியவில்லை .
கீழே விழுந்து விட்டது.
பாவம்! பசை காய்ந்து விட்டது.

3. நேற்று தன்னுடன் சண்டையிட்டும், முத்தமிட்டும்
களித்த கோழியை ...
இன்று சந்தையில் பார்க்க நேர்கையில்
என்ன தோன்றும் எனது சேவலுக்கு?

4. ராகு காலம், எமகண்டம்..குளிகை..
காட்டிய நாள்காட்டித் தாளுக்குத்
தெரியுமா...
மறுநாள் வைகறையில் காத்திருந்த
அதற்கான எமகண்டம்!

5. அம்மாவும், அப்பாவும்...
வேலைக்குப் போகிறார்கள்.
ஞாயிற்றுக் கிழமை மட்டும்தான் கால்ஷீட் ...
நான் மகனாகவும் ..
அவர்கள் அம்மா..அப்பாவாகவும் நடிப்பதற்கு.

நன்றி:மாதவனுக்கு.
அவருடைய இன்னும் சில கேப்ஸூல் பதிவைப் பார்த்து
அது போல் செய்த முயற்சி இது. கன்னி முயற்சி.
குறையிருந்தால் பொறுத்துக் கொள்ளவும்.

அதி · அதி Tue Jul 26, 2011 9:21 pm

குறையில்லாத நிறைவான கவிதை அருமையிருக்கு

**rameshnaga** · **rameshnaga** Tue Jul 26, 2011 9:23 pm

ரொம்பவும் நன்றி! அதிபொண்ணு.

**இளமாறன்** · **இளமாறன்** Tue Jul 26, 2011 11:50 pm

**சிவா** · **சிவா** Wed Jul 27, 2011 12:00 am

முதல் முயற்சியே முத்தான கவிதைகளைத் தந்துள்ளது! இங்குள்ளவற்றில் ஒரு சிறந்த கவிதையைத் தேர்ந்தெடுத்துப் பாராட்டலாம் என்றிருந்தேன்! ஆனால் முடியவில்லை. அனைத்துமே அற்புதமாக அமைந்துள்ளது!