எனக்குள் வளையும் வால்...

**rameshnaga** · **rameshnaga** Mon Aug 08, 2011 5:42 pm

பார்க்காமல்
கடக்கிறது
பார்வை.

கடக்காமல்
நிற்கிறது
மனம்.
*****************
தீண்டாமை
தேவை
திருமணத்திற்கு முன்.
***********************
கடவுள்
நகைகளோடு இருக்கிறார்.
கதவைப் பூட்டி விடலாம்.
**************************
காந்தியின் புன்னகை
நமக்குத் தெரியும்.
காந்தியும் அழுதிருக்கலாம்...!
அழுது கொண்டேயும் இருக்கலாம்தானே!
*******************************
காலில் நசுங்கும் எறும்பிற்கு
கடன் இருந்தால்
யார் அடைப்பார்?
******************************
அலை அழகுதான்
அந்த மனிதனின் உயிரைத்
திருடாத வரைக்கும்.
********************************
பலூனுக்குள் காற்று
சுவாசிக்கிறான்
பலூன் விற்பவன்.
********************************
சிறிய விழிகள்
அசைக்கும் இமைச் சிறகுகள்
எனக்குள் வளைகிறது அனுமனின் வால்.
நான் சாம்பலாவேனா ?... வளர்வேனா?....
**********************************