அசடு வழிந்த தமிழன்

**சிவா** · **சிவா** Fri Sep 18, 2009 3:25 am

எல்லோருடனும் எப்போதும் பகிடி விடும் சிவா ஒருநாள் ஹோட்டலுக்குப் போய் கேட்டார், தமிழா என்ன வாச்சும் சூடா கொண்டுவா பாப்பம் என்றார்.

இவரது கேலிப்பகிடியால் ஏற்கனவே நொந்துபோயிருந்த தமிழன் இன்றைக்கு இவருக்கு ஒரு பாடம் படிப்பிக்கத்தான் வேண்டும் என நினைத்துக்கொண்டார். சில நிமிடம் கழிந்ததும், ஒரு இரும்புத் தட்டில் கனகனக்கும் நெருப்பினைக் கொண்டு வந்து மேசையில் வைத்து "சூடா இருக்கு" என்றார். முகத்தில் ஏகத்தாளம் தெரிந்தது.

சிவாவுக்கோ மூக்கில் வியர்த்து விட்டது என்றாலும் காட்டிக் கொள்ளவில்லை. திடீரென எழுந்து பாக்கட்டில் கைவிட்டு சிகரெட்டு ஒன்றை எடுத்து அந்த நெருப்பில் பற்றவைத்துக்கொண்டு,

நீதான் நான் சொன்னதை சரியாய் புரிந்து கொண்டவன்.

ரொம்ப நன்றி! வரட்டா என்று சொல்லிவிட்டு நடையைக்கட்டினார்.

தமிழனின் முகத்தில் அசடு வழிந்தது!