விஜய்- கெளதம் மேனன் இணைந்தது எப்படி?

Guest · Guest Sat Aug 06, 2011 3:08 pm

சில தினங்களுக்கு முன்பு வெளியாகியிருந்த’ யோஹன் -அத்தியாயம் ஒன்று’ திரைப்படத்தின் விளம்பரம் தமிழ் திரையுலகத்தை சற்று ஆச்சர்யத்தோடு திரும்பி பார்க்க வைத்திருக்கிறது. விஜய் என்றால் மாஸ். கவுதம் என்றால் கிளாஸ். இப்படிதான் ஒரு அளவு கோல் வைத்திருக்கிறது கோடம்பாக்கம்.ஆனால் இவ்விருவரும் இணைந்து ஒரு படத்தை தரவிருக்கிறார்கள் என்பது எவ்வளவு பெரிய ஆச்சர்யத்தை ஏற்படுத்தும்?

கெளதம் மேனன் விஜயிடம் கதை சொல்லி முயற்சியிலிருப்பது பல காலமாக நடந்து வருகிற விஷயம்தான். அப்போதெல்லாம் வேண்டாம் என்று மறுத்து வந்த விஜய், திடீரென்று ஒப்புக் கொள்ள என்ன காரணமாக இருக்க முடியும்? எல்லாம் ஷங்கரின் அறிவுரைதான் என்கிறார்கள். விஜயை ஷங்கர் முறைபடுத்த வேண்டிய அவசியமும் இப்போது வந்திருக்கிறது. எப்படி தெரியுமா?

’நண்பன்’ படத்தில் நடிக்க முதலில் சூர்யாவைதான் அணுகினார் ஷங்கர். அவருக்கு கால்ஷீட் பிரச்னை என்பதால் விஜயிடம் போனார். அவரும் முதலில் ஒப்புக் கொண்டு அரசியல் பிரஷரினால் விலகிக் கொள்ள நேர்ந்தது. மறுபடியும் ஷங்கர் போய் நின்றது சூர்யாவிடம்தான். இந்த கால கட்டத்துக்குள் சூர்யா ஓரளவுக்கு பரபரப்புகள் இல்லாமல் இருந்தார். நினைத்திருந்தால் ஷங்கருக்கு கால்ஷீட் கொடுத்தும் இருக்கலாம்.

ஆனால் அவர் கேட்ட சம்பளம், அதற்கு பிறகு போட்ட சில நிபந்தனைகள் எல்லாமே ஷங்கரை அதிர வைத்தன. இப்படத்தை எனது உறவினர் ஞானவேலின் கிரீன் ஸ்டுடியோஸ் சார்பில் தயாரிக்கலாமே என்றும் கேட்டாராம் சூர்யா. அதன்பிறகுதான் மீண்டும் நடிக்க வந்தார் விஜய்.
இந்த சந்தர்ப்பத்தை பயன்படுத்திக் கொண்ட ஷங்கர், சூர்யாவுக்கு எப்படி முக்கிய இயக்குனர்கள் குழு ஒன்று நண்பர்களாக இருக்கிறார்களோ, அப்படி உனக்கென்றும் நல்ல இயக்குனர் குழுவை உருவாக்கு. முடிந்தால் சூர்யாவின் நண்பர்களையே உனக்கு சாதமாக மாற்று என்றெல்லாம் அட்வைஸ் செய்தாராம்.
இதை தொடர்ந்து சூர்யாவுக்கு ஹிட் கொடுத்து அவரை உயரத்தில் ஏற்றிய கெளதம்மேனன், ஏ.ஆர்.முருகதாஸ், ஹரி என்று முக்கிய இயக்குனர்களை வளைக்க ஆரம்பித்திருக்கிறார் விஜய். அவரது முதல் பிள்ளையார் சுழிதான் கெளதம். போக போக பாருங்கள் இன்னும் என்னவெல்லாம் நடக்க போகிறதென்று?