காந்தி கணக்கு என்றால் என்ன - நாமம் போடுவதல்ல('பலே' விளக்கம்)

by kitcha Sat Aug 06, 2011 3:02 pm

காந்தி கணக்கு என்றாலே கிட்டதட்ட 'நாமம்' என்கிற அர்த்தத்தைதான் உருவாக்கி வைத்திருக்கிறோம் நாமெல்லாம். ஆனால் காந்தி கணக்கு என்றால் என்ன என்பதற்கான உண்மையான அர்த்தம் தேடி அலைந்தேன். கிடைத்த தகவல் அவ்வளவு சுவாரஸ்யமானது என்றார் காந்தி கணக்கு படத்தின் இயக்குனர் சம்பத் ஆறுமுகம்.

மகாத்மா காந்தி உப்பு சத்தியாகிரஹம் மேற்கொண்டிருந்த போது அவருக்கு வியாபாரிகள் அத்தனை பேரும் மானசீகமாக ஆதரவு அளித்தார்களாம். நேரடியாக எங்களால் இந்த போராட்டத்தில் கலந்த கொள்ள முடியாது. ஆனால் எப்படியாவது உங்கள் போராட்டத்திற்கு நாங்கள் ஆதரவு அளிப்போம். இதில் கலந்து கொள்ள வரும் தொண்டர்களை எங்கள் கடைகளில் எது வேண்டுமானாலும் வாங்கிக் கொள்ள சொல்லுங்கள். பணம் தர வேண்டாம். அடையாளம் தெரியாமல் பணம் கேட்க நேரும்போது காந்தி கணக்கு என்று எங்களுக்கு புரியும்படி சொன்னால் போதும். நாங்கள் அவர்களிடம் பணம் கேட்க மாட்டோம் என்றார்களாம் அந்த வியாபாரிகள். அப்படி வந்ததுதான் காந்தி கணக்கு என்றார் சம்பத். (சில காங்கிரஸ் காரர்களுக்கே தெரியாத செய்தி. வெல்டன் வாத்யாரே...)
ரமணா, ரிச்சா சின்ஹா இணைந்து நடிக்கும் இந்த படத்தின் கதை தமிழ்நாட்டில் மட்டுமல்ல, இந்தியா மொத்தமும் மக்கள் அனுபவித்து வரும் அவஸ்தையை பற்றியது. புரிஞ்சுருக்குமே... கிரடிட் கார்டுகளை அளிக்கும் வங்கிகள் மக்களுக்கு தரும் அவஸ்தை பற்றியதுதான் காந்தி கணக்கு திரைப்படம்.

இப்படத்தின் அழைப்பிதழிலேயே வித்தியாசம் காட்டியிருந்தார் இயக்குனர் சம்பத். காந்தி கணக்கு என்ற வங்கி பெயர் முத்திரையிடப்பட்ட செக் புக், அவரவர் பெயருக்கு ஒரு கிரடிட் கார்டு என்று நிறையவே மெனக்கட்டு செய்திருந்தார். ஒரு அழைப்பிதழுக்கே இப்படி என்றால் படம் எப்படியிருக்கும்?

tamilcinema