தங்கபஸ்பம் தருவதாக மோசடி

**சிவா** · **சிவா** Fri Sep 18, 2009 3:24 am

தங்கபஸ்பம் தருவதாக மோசடி கோவை போலி டாக்டர் சொத்துகள் முடக்கம்

கோவை: கோவை சிங்காநல்லூர் வசந்தம் நகரை சேர்ந்தவர் ஜெயக்குமார். கோவை அருகே கோவைப்புதூரில் ரோஸ் ஆயுர்வேதிக் டிரஸ்ட் என்ற மருத்துவமனையை நடத்தி வந்தார். இவர் மீது, திருவண்ணாமலை¬யை சேர்ந்த ஆர்த்தி என்பவர் மனநிலை பாதித்த தனது மகனுக்கு தங்கபஸ்ப சிகிச்சை கொடுத்து குணப்படுத்துவதாக கூறி ரூ.82ஆயிரம் மோசடி செய்ததாக போலீசில் புகார் கூறினார். இதையடுத்து, அப்பணத்தை ஜெயக்குமார், ஆர்த்திக்கு கொடுத்தார். இந்நிலையில், இவர் மீது ஏராளமான புகார்கள் வரவே கோவை தெற்கு போலீசார் ஜெயக்குமாரை கைது செய்தனர். விசாரணையில் ஜெயக்குமார் சித்த மருத்துவத்தில் டிப்ளமோ வாங்கியிருப்பது தெரியவந்தது.

ஆனால், ஆயுர்வேத சிகிச்சையளித்தது தெரியவந்தது. இதையடுத்து, அவர் நடத்தி வந்த மருத்துவமனையில் சோதனை நடத்தியதில் தங்கபஸ்பம் என்ற பெயரில் இருந்த ஒரு வகை பவுடரையும், 4 வாகனங்களையும் பறிமுதல் செய்தனர். அவர் நடத்தி வந்த மருத்துவமனை சீல் வைக்கப்பட்டுள்ளது. அவர் பயன்படுத்தி வந்த கார், வாகனங்கள், சொத்துகள் அனைத்தும் முடக்கி வைக்கப்பட்டுள்ளது. மோசடி விவகாரத்தில் சிக்கியுள்ள போலி டாக்டர் ஜெயக்குமாரின் சகோதரர் விஜயகுமார் ஏற்கனவே மான்கறி வைத்திய மோசடிக்காக கைது செய்யப்பட்டு சிறையில் உள்ளார்.