முதல் டி20 போட்டி இலங்கை & ஆஸி. மோதல்

முதல் டி20 போட்டி இலங்கை & ஆஸி. மோதல்

பதிவு செய்த நாள் : 8/6/2011 1:9:2


பல்லெகெலே : இலங்கை & ஆஸ்திரேலியா மோதும் முதல் டி20 போட்டி பல்லெகெலே சர்வதேச ஸ்டேடியத்தில் இன்று நடக்கிறது. இலங்கை சென்றுள்ள ஆஸ்திரேலிய அணி 2 டி20, 5 ஒருநாள் மற்றும் 3 டெஸ்ட் போட்டிகளில் விளையாடுகிறது. முதலில் டி20 தொடர் நடக்கிறது. முதல் போட்டி பல்லெகெலே மைதானத்தில் இந்திய நேரப்படி இன்று இரவு 7.00 மணிக்கு தொடங்குகிறது.

இப்போட்டியில், ஆஸ்திரேலிய அணி கேமரான் ஒயிட் தலைமையில் களமிறங்குகிறது. இலங்கை மண்ணில் ஆஸி. அணி விளையாடும் முதல் டி20 போட்டி இது என்பதுடன் பல்லெகெலே மைதானத்தில் நடக்கும் முதல் டி20 போட்டி என்பது குறிப்பிடத்தக்கது. கடைசியாக விளையாடிய 5 டி20 போட்டிகளில் இலங்கை அணி 3 வெற்றி 2 தோல்வியையும், ஆஸி. அணி ஒரு வெற்றி 4 தோல்வியையும் சந்தித்துள்ளன. ஆஸி. டி20 அணியில் முன்னணி பேட்ஸ்மேன்கள் பான்டிங், கிளார்க், மைக்கேல் ஹஸி ஆகியோர் இடம் பெறவில்லை. எனினும், வார்னர் & வாட்சன் அதிரடி தொடக்க ஜோடி இலங்கை பந்துவீச்சாளர்களுக்கு சவாலாக இருக்கும்.

ஆஸ்திரேலியா: வார்னர், வாட்சன், ஹாடின், டேவிட் ஹஸி, கேமரான் ஒயிட் (கேப்டன்), ஷான் மார்ஷ், ஸ்டீவன் ஸ்மித், ஸ்டீவ் ஓ கீப், மிட்செல் ஜான்சன், பிரெட் லீ, ஜேம்ஸ் பட்டின்சன் (அறிமுகம்). இலங்கை: மகிளா ஜெயவர்தனே, தில்ஷன் (கேப்டன்), சங்கக்கரா, மேத்யூஸ், சமரசில்வா, ஜீவன் மெண்டிஸ், சந்திமால் (கீப்பர்), திசரா பெரேரா, குலசேகரா, ரந்திவ், சூரஜ் லக்மல்.