ஒரு பாவத்தின் அஞ்சலி (16)

by **rameshnaga** Fri Aug 05, 2011 8:40 pm

நீரினில் குமிழ்கள் போல
நிலையில்லை..மனித யாக்கை.
தவறுகள் பொங்கிப் பொங்கி..
வீங்கிடும் சில நாட்காலம்.
சுவாசம் இருக்கின்ற நாள் வரை
ஆடிடும் ஆட்டமெல்லாம்.
உடைந்திடும் ஒரு மணித்துளியில்
படைத்தவன் இழுக்கின்ற ஒரு கணத்தில்.
உடையும் முன்-
பிறவியின் நாற்றம் தீர்க்கும்
உந்தன் பெயரினை ஒருமுறையேனும்-
எந்தன்-
காஞ்சி வாழ் கமலக்கண்ணா
எனது சுவாசத்தில் கொண்டால் போதும்...
நிலைத்திடும் அரியதோர் இன்பமெல்லாம்
நீண்டிடும் தலைமுறைக்கும்.