நெய்வேலியில் ஒரு ஜான்சி ராணி : ஈவ்டீசிங் செய்த இளைஞர்களை பைக்கில் துரத்தி பிடித்த மாணவி!

நெய்வேலியில் கல்லூரி முடிந்து வீடு திரும்பிக் கொண்டிருந்தபோது கிண்டல் செய்த இளைஞர்களை பைக்கில் துரத்திச் சென்று மடக்கினார் கல்லூரி மாணவி. சிக்கிய ஒருவர் உடனடியாக கைது செய்யப்பட்டார்.

மற்ற இருவரை போலீசார் செவ்வாய்க்கிழமை கைது செய்தனர். நெய்வேலி வட்டம் 16-யை சேர்ந்த தேவராசு மகளை தேவிரத்னா (22). இவர் செவ்வாய்க்கிழமை மாலை, கல்லூரி முடிந்து வீடு திரும்பிக் கொண்டிருந்தார். அப்போது வேலுடையான்பட்டு கோயில் அருகே, பைக்கில் வந்த 3 இளைஞர்கள் கிண்டல் செய்து தேவிரத்னாவிடம் சில்மிஷம் செய்ததாகக் கூறப்படுகிறது. இதனால், தேவிரத்னா அவர்களை திட்டியதாகத் தெரிகிறது. மேலும்,அவர் கூச்சலிட்டுள்ளார்.

இதனால் 3 பேரும், பைக்கில் வேகமாக தப்பிச் சென்றுள்ளனர். இந்நிலையில் தேவிரத்னா, அவ்வழியே வந்த மற்றொருவரிடம், பைக்கை இரவல் வாங்கிக்கொண்டு, அவர்களை பின்தொடர்ந்து சென்று தென்குத்து கிராமத்தில் மடக்கி பிடித்துள்ளார். அப்போது அந்த 3 பேரும் தேவிரத்னாவை அறைந்ததாகக் கூறப்படுகிறது. இந்நிலையில் அவ்வழியே வந்தவர்கள், தேவிரத்னாவுக்கு உதவிபுரிய, பைக்கில் வந்தவர்களில் இருவர் தப்பியோடினர். ஒருவர் மட்டும் சிக்கிக் கொண்டார். சிக்கிய நபர் தென்குத்து கிராமத்தைச் சேர்ந்த மணிகண்டன் என்று தெரிந்ததும் அவரை நெய்வேலி டவுன்ஷிப் காவல் நிலையத்தில் ஒப்படைத்தனர்.

தேவிரத்னா கொடுத்தப் புகாரின் பேரில் நெய்வேலி டவுன்ஷிப் போலீஸôர் வழக்குப் பதிவுசெய்து, மணிகண்டனை கைது செய்தனர். பின்னர் மணிகண்டன் கொடுத்த தகவலின் பேரில் எஞ்சிய அதே கிராமத்தைச் சேர்ந்த மணிவண்ணன், சந்துரு ஆகிய இருவரையும் கைது செய்து சிறையில் அடைத்தனர்.

பெண்ணென்றால் இப்படித்தான் இருக்கணும்

இப்படிதான் தைரியமா இருக்கணும்

இப்படி ஒரு தைரியசாலியான பெண்ணை பாராட்டியே ஆகவேண்டும்.

அதே சமயம் இனி வரும் காலங்களில் பெண்களுக்கு தற்காப்பு கலை கற்றுக்கொள்ள வேண்டியது மிக அவசியம்.

கேரளாவில் திருப்பி அடிப்போர் சங்கம்னு ஒரு பெண்கள் அமைப்பு இருக்கு.. அதோட தலைவி ஒரு 25 வயசு பெண், துணை தலைவி 15 வயசு பெண்.. இந்த குழு எப்படி ஆரம்பிச்சுதுணு ஒரு புத்தகத்துல பார்த்தேன்... இதன் தலைவி ஒரு தடவை தன்னிடம் சிலுமிசம் செய்த வாலிபரை அங்கேயே பிடித்து அடி அடி என்று தொம்ஸம் செய்துவிட்டார்... மக்கள் அனைவரும் அவரை பாராட்டி இருக்கிறார்கள்... துணை தலைவி தன்னுடைய தங்க செயினை பறித்து சென்ற திருடனை சைக்கிளில் துரத்தி சென்று மடக்கி பிடித்து அவனை மக்கள் உதவியோடு காவல் நிலையத்தில் ஒப்படைத்துள்ளார்... இவர்கள் இருவரும் சேர்ந்து பெண்களுக்காக அமைப்பு ஒன்றை தொடங்கினால் என்ன என்று தோன்றி அமைத்ததுதான் இந்த "திருப்பி அடிப்போர் சங்கம்", இதில் பல பெண்கள் உறுப்பினர்களாய் உள்ளனர்... இவர்களுக்கு தைரியமும் தன்னம்பிக்கையும் இக்குழுவின் மூலம் கற்றுதரப்படுகிறது... சமூகத்தில் பெண்கள் மீது நிகழ்த்தப்படும் தாக்குதல்களை சமாளித்து பதில் தாக்குதல் அளிப்பதற்கு இக்குழுவில் பல பெண்கள் இணைந்துள்ளனர்... இது தமிழகத்திலும் வந்தால் மிகவும் நன்றாக இருக்கும்... கிட்சா கூறியது போல் பெண்களுக்கு தற்காப்பு கலை மிகவும் இன்றியமையாதது...

தமிழ் ஒருவரை சாந்தப் படுத்தவது மட்டுமல்ல ,
தமிழ் ஒருவருக்கு ரௌத்ரத்தையும் பழக்கும்.

செல்ல கணேஷ் wrote:தமிழ் ஒருவரை சாந்தப் படுத்தவது மட்டுமல்ல ,
தமிழ் ஒருவருக்கு ரௌத்ரத்தையும் பழக்கும்.

நேத்து தமிழ் எம் ஏ படம் பார்த்தீங்களா?