பேஸ்புக்கில் நான் இல்லை… என் பெயரை தவறாக பயன்படுத்துகிறார்கள்! – ஐஸ்வர்யா தனுஷ்

First topic message reminder :

பிரபலங்களின் பெயர்களில் ரசிகர்கள் அல்லது வேறு சிலர் பேஸ்புக், ட்விட்டர் போன்ற சமூகத் தளங்களில் கணக்குகள் ஆரம்பித்து, அப்டேட் செய்வது கடந்த சில ஆண்டுகளாக அதிகரித்து வருகிறது.

பேஸ்புக்கில் சூப்பர் ஸ்டார் ரஜினிகாந்த் பெயரில் சிலர் தனிப் பக்கங்களை ஆரம்பித்துள்ளனர். ஏதோ ரஜினியே இந்தப் பக்கத்தை அப்டேட் செய்வது போன்ற தோற்றத்தை உருவாக்கி வருகின்றனர்.

குறிப்பாக நடிகைகள் பெயரில்தான் ஏராளமான போலி தளங்கள் உலா வருகின்றன.

இந்த நிலையில், தன் பெயரில் யாரோ பேஸ்புக்கில் கணக்கு தொடங்கி, செய்திகள் மற்றும் ரஜினி குடும்ப தகவல்களை அப்டேட் செய்து வருவதாக ரஜினியின் மூத்த மகள் ஐஸ்வர்யா குற்றம்சாட்டியுள்ளார்.

“ஆர் ஐஸ்வர்யா தனுஷ் என்ற எனது பெயரை திருடி, பேஸ்புக்கில் ஒருவர் கணக்கு தொடங்கியுள்ளார். நிஜத்தில் நானே அதை செய்து வருவது போன்ற தோற்றத்தை ஏற்படுத்தும் வகையில் என்னைப் பற்றியும் எனது குடும்பம் மற்றும் படங்கள் குறித்தும் தினசரி எழுதி வருகிறார். எனது நண்பர்களுடன் தொடர்பு கொண்டுள்ளார். அவர்களும் இது போலி பேஸ்புக் கணக்கு என்று தெரியாமல் தகவல் பறிமாறிக் கொண்டுள்ளனர். இது கவலை அளிக்கிறது. இதை ஆரம்பத்திலேயே கிள்ளி எறிய விரும்புகிறேன்,” என்று கூறியுள்ளார் ஐஸ்வர்யா.

இந்த போலி பேஸ்புக் கணக்கு முடக்கப்படாவிட்டால், சைபர் கிரைமில் புகார் தரவும் முடிவு செய்துள்ளதாகவும் அவர் தெரிவித்துள்ளார்.

இப்போசு ஐஸ்வர்யா ட்விட்டரில் இணைந்துள்ளார். அவரது ட்விட்டர் ஐடி @ash_r_danush.

இதற்கிடையே, ஐஸ்வர்யா குறிப்பிட்ட அந்த பெயரில் இப்போது கணக்கு எதுவும் பேஸ்புக்கில் உள்ளதா என நாம் தேடிப் பார்த்தோம். இந்த நிமிடத்தில் aishwaryaa dhanush (r aishwaryaa dhanush) என்ற பெயரில் பேஸ்புக்கில் பக்கம் இல்லை. ஆனால் ஐஸ்வர்யா தனுஷ், தனுஷ் ஐஸ்வர்யா என விதவிதமான பெயர்களில் 10 கணக்குகள் உள்ளன. இவை எதுவும் ஐஸ்வர்யாவுடையவை அல்ல!

-என்வழி