பெண்ணின் காதல் ராசி When in Rome (Fountain Of Love)

by Guest Fri Aug 05, 2011 11:41 am

"அவன் தன்னை மட்டுமே காதலிக்க வேண்டும்.பூவைப் போல வைத்து தாங்க வேண்டும்.அழகாகவும் ,அறிவோடும் இருக்க வேண்டும்.நிறைய சம்பாதிக்க வேண்டும்.இப்படி வருபவனுக்காக நாம் எத்தனை காலம் வேண்டுமானாலும் காத்து இருக்கலாம்.அதுவரை நான் என்னையும்,என் வேலையும் காதலித்துக் கொண்டு இருப்பேன்.அதனால் தப்பில்லை என்று கருதுவது நம்மூரில் மட்டுமல்ல உலகம் முழுவதுமே பெண்கள் அப்படித் தான் இருக்கிறார்கள் . அப்படிப்பட்ட ஒரு பெண்ணின் கதையே When in Rome.

பெண்ணின் காதல் ராசி When in Rome (Fountain Of Love) When_in_rome_movie_pics_kristen_bell45

பெண்ணின் காதல் ராசி When in Rome (Fountain Of Love) When_in_rome_movie_pics_kristen_bell45

அவளுடைய தங்கை ரோமில் பார்த்த ஒருவனை பார்த்த உடனே அவனைப் பிடித்துப் போய் உடனே மணம் முடிக்க தீர்மானிக்கிறாள்.
"அவனோட பேங்க் பேலன்ஸ்,கிரடிட் எல்லாம் தெரியவே நாள் ஆகுமே. எந்த நம்பிக்கையில் அவனை உனக்குப் பிடிச்சது".
"அப்படி எல்லாம் யோசிக்கத் தேவை இல்லை,அக்கா.அவனைப் பார்த்த உடனே நம்பிக்கை வந்தது,அது போதும் எனக்கு " என்கிறாள்.

தங்கையின் திருமணத்திற்காக ரோம் செல்லுபவள்,இவள் எதிர்பார்க்கும் அத்தனையும் கொண்டு இருப்பவனை சந்திக்க நேர்ந்து இருவருக்கும் உடனே பிடித்து விடுகிறது.அவனை நேசிக்கத் தொடங்கும் முன்னே அவன் வேறு ஒரு பெண்ணை முத்தமிடுவதைக் கண்டு தான் ஏமாற்றமடைகிறாள். அந்த வெறுப்பில் ரோமில் உள்ள Fountain Of Love க்கு முன்னே கொஞ்சம் மது அருந்தி ஆட்டம் போட்டு விட்டு உள்ளே இருக்கும் சில காசுகளை கையில் எடுத்துக் கொண்டே வருகிறாள். (உங்களை யாராவது காதலிக்க வேண்டுமென்றால் அந்த தொட்டியில் காசை போட்டு வந்தால் அந்த காசை எடுப்பவரை நீங்கள் காதலிக்க தொடங்கி விடுவீர்கள்).

இவள் எடுத்த 5 காசுகளுக்கும் உரியவர்கள் இவளை அமெரிக்கா வரை விடாமல் துரத்தி காதலிக்க செய்யும் முயற்சிகள் மிகவும் வேடிக்கையாக இருக்கிறது. கடைசியில் அவர்களிடம் காசை திருப்பிக் கொடுத்து விட்டு தான் விரும்பிய, தன்னை உண்மையாக காதலிக்கும் அவனையே மணம் புரிந்து கொள்ளுகிறாள்.

தனது மனதுக்குள் இருக்கும் காதலை தவிர்க்கவும் முடியாமல்,அனுபவிக்கவும் முடியாமல் தள்ளாடும் உணர்வையும்,அந்த காசுகளை திருப்பிக் கொடுக்கும் போது அந்த ஐந்து பேரின் நடிப்பும் மனதை நெகிழச் செய்கின்றன. படத்தில் வரும் ரோம் நகரமும் பார்க்க வேண்டும் என்ற ஆசையைத் தூண்டுகிறது.

இன்னும் சிறப்பாக வந்து இருக்க வேண்டிய படம் என்றாலும் தவிர்க்க முடியாத படமே !