இங்கு மணமகன் விற்பனைக்கு

by க அருண்குமார் Thu Aug 04, 2011 7:51 pm

First topic message reminder :

ஏட்டுச் சுரைக்காய் கறிக்கு
உதவுமா தெரியாது,சீதனம்
வாங்க உதவலாம்!

மணமகனின் பொருளாதார
அடிபடையில் சீதனம் மாறும்,
பாத்திரம் அறிந்து பிச்சையிடும்
பெண்ணின் தகப்பனார்கள்!

முதுநிலைப் பட்டமும்,
ஐந்து இலக்கு சம்பளமும்,
வீடும்,வாகனமும்
முன்னிலைப்படுத்தி
வரதட்சணை பட்டியலிடப்படும்,
பெண்ணைப் பெற்றவர்கள்
வியர்வையில் வேர்விடும்
கல்யாணம் என்னும்
ஆயிரம் காலத்துப் பயிர்!

சீதனம் கைமாறும் நேரத்தில்
மின்னுவதெல்லாம் பொன்னல்ல
மணப்பெண்ணின் கண்ணீர்த்துளியாக
கூட இருக்கலாம்!

வரதட்சணையின் அபத்தங்களை
அறிந்து,பெண்பார்க்கும்
தருணத்தில் சீதனம் வேண்டாம்
என்று பெண்வீட்டாரிடம்
தெரிவித்தேன்.

பெண்ணைப் பெற்றவர்கள்
தரகரின் காதில் கிசுகிசுத்தார்கள்
“நல்லா விசாரிச்சப் பார்த்திங்களா,
மாபிள்ளைக்கு ‘ஏதாவது’
பிரச்சினை இருக்குமோ?”

அகத்தின் அழகு முகத்தை
மறைக்கும் சீதனத்தில்
தான் தெரியுமா???

by md.thamim Wed Aug 10, 2011 2:47 pm

அருமையான வரிகள்
அருமையிருக்கு

by முகம்மது ஃபரீத் Wed Aug 10, 2011 3:03 pm

நல்லா இருக்கு... ஆனா கண்டிப்பா நீங்க வாங்கக்கூடது நீங்கள் கூறியது கவிதையாக இல்லாமல் கடைபிடிக்கும் காவியமாக இருக்கவேண்டும்....

by SK Wed Aug 10, 2011 3:31 pm

by நியாஸ் அஷ்ரஃப் Wed Aug 10, 2011 3:34 pm

நச் கவிதை.. சூப்பருங்க

வாழ்த்துக்கள்..

by அப்துல்லாஹ் Wed Aug 10, 2011 3:39 pm

பெண்ணைப் பெற்றவர்கள்
வியர்வையில் வேர்விடும்
கல்யாணம் என்னும்
ஆயிரம் காலத்துப் பயிர்!

சீதனம் கைமாறும் நேரத்தில்
மின்னுவதெல்லாம் பொன்னல்ல
மணப்பெண்ணின் கண்ணீர்த்துளியாக
கூட இருக்கலாம்!

கொண்டாடலாம் ......ஒரு நல்ல சமூக சீர்திருத்தக் கவிதை படித்த திருப்தி...
அருண்குமார் அசத்திட்டீங்க...
நிறைய பதிங்க...வாழ்த்துக்கள்.. அன்பு மலர்