இங்கு மணமகன் விற்பனைக்கு

by க அருண்குமார் Thu Aug 04, 2011 7:51 pm

ஏட்டுச் சுரைக்காய் கறிக்கு
உதவுமா தெரியாது,சீதனம்
வாங்க உதவலாம்!

மணமகனின் பொருளாதார
அடிபடையில் சீதனம் மாறும்,
பாத்திரம் அறிந்து பிச்சையிடும்
பெண்ணின் தகப்பனார்கள்!

முதுநிலைப் பட்டமும்,
ஐந்து இலக்கு சம்பளமும்,
வீடும்,வாகனமும்
முன்னிலைப்படுத்தி
வரதட்சணை பட்டியலிடப்படும்,
பெண்ணைப் பெற்றவர்கள்
வியர்வையில் வேர்விடும்
கல்யாணம் என்னும்
ஆயிரம் காலத்துப் பயிர்!

சீதனம் கைமாறும் நேரத்தில்
மின்னுவதெல்லாம் பொன்னல்ல
மணப்பெண்ணின் கண்ணீர்த்துளியாக
கூட இருக்கலாம்!

வரதட்சணையின் அபத்தங்களை
அறிந்து,பெண்பார்க்கும்
தருணத்தில் சீதனம் வேண்டாம்
என்று பெண்வீட்டாரிடம்
தெரிவித்தேன்.

பெண்ணைப் பெற்றவர்கள்
தரகரின் காதில் கிசுகிசுத்தார்கள்
“நல்லா விசாரிச்சப் பார்த்திங்களா,
மாபிள்ளைக்கு ‘ஏதாவது’
பிரச்சினை இருக்குமோ?”

அகத்தின் அழகு முகத்தை
மறைக்கும் சீதனத்தில்
தான் தெரியுமா???

by **கே. பாலா** Fri Aug 05, 2011 8:12 am

by **krishnaamma** Fri Aug 05, 2011 8:36 am

நல்ல சாட்டையடி புன்னகை

சீதனம் வேண்டாம் என்றாலும் சந்தேகமா? என்ன கொடுமை சார் இது

by realvampire Fri Aug 05, 2011 9:38 am

பெண்ணைப் பெற்றவர்கள்
தரகரின் காதில் கிசுகிசுத்தார்கள்
“நல்லா விசாரிச்சப் பார்த்திங்களா,
மாபிள்ளைக்கு ‘ஏதாவது’
பிரச்சினை இருக்குமோ?”

அருமையான வரிகள்..

by ரேவதி Fri Aug 05, 2011 9:52 am

அருமையான வரிகள் சூப்பருங்க

by kitcha Fri Aug 05, 2011 10:19 am

அருமையான வரிகள். சூப்பருங்க

கேட்டாலும் தவறு.
கேட்காவிட்டாலும் தவறு.

by க அருண்குமார் Sun Aug 07, 2011 8:28 am

உங்கள் கருத்துக்கு நன்றி....நன்றி...நன்றி..

by **இளமாறன்** Sun Aug 07, 2011 11:59 am

பெண்ணைப் பெற்றவர்கள்
வியர்வையில் வேர்விடும்
கல்யாணம் என்னும்
ஆயிரம் காலத்துப் பயிர்! சூப்பருங்க

by **ரா.ரமேஷ்குமார்** Sun Aug 07, 2011 1:38 pm

இப்பொழுது எல்லாம் சில‌ இட‌ங்க‌ளில் ம‌ண‌ம‌க‌ள் வீட்டிற்கு சீத‌ண‌ம் கொடுத்து அதாவ‌து க‌ல்யாண‌ செல‌வையும் ம‌ண‌ம‌க‌ன் வீட்டாரே ஏற்றுக்கொண்டு திரும‌ண‌ம் செய்து கொள்கிறார்க‌ள்... புன்னகை