குற்றச்சாட்டுகள் ஆதாரமற்றவை: கமல்ஹாசன் பதில் மனு

by மீனு Thu Sep 17, 2009 5:42 pm

குற்றச்சாட்டுகள் ஆதாரமற்றவை: கமல்ஹாசன் பதில் மனு

சென்னை, செப். 16: "பிரமிட் சாய்மீரா'வின் குற்றச்சாட்டுகள் முற்றிலும் ஆதாரமற்றவை என்று நடிகர் கமல்ஹாசன் தாக்கல் செய்த பதில் மனுவில் தெரிவிக்கப்பட்டுள்ளது.
"உன்னைப் போல் ஒருவன்' படத்துக்குத் தடை விதிக்கக் கோரி அந்த நிறுவனம் தொடர்ந்த மனுவைத் தள்ளுபடி செய்ய வேண்டும் என்றும் அதில் கோரப்பட்டுள்ளது.
இதுதொடர்பாக, "பிரமிட் சாய்மீரா' நிறுவனத்தின் இயக்குநர் என். நாராயணன் சென்னை உயர் நீதிமன்றத்தில் தொடர்ந்துள்ள மனு விவரம்:
"மர்மயோகி' படத் தயாரிப்புக்காக "பிரமிட் சாய்மீரா' நிறுவனம் ரூ. 7 கோடியை "ராஜ்கமல் பிலிம்ஸ்' நிறுவனத்துக்கு வழங்கியது.
ஆனால், இந்தப் படத்தை தயாரிப்பதில் கமல் உரிய அக்கறை செலுத்தவில்லை. நாங்கள் வழங்கிய பணம், "உன்னைப் போல் ஒருவன்' தயாரிக்கப் பயன்படுத்தப்பட்டுள்ளது.
"உன்னைப் போல் ஒருவன்' திரைப்படம் வெளியிடுவதற்கு முன்பாக எங்களது பணம் திரும்ப வழங்கப்படும் என்று உறுதியளிக்கப்பட்டது.
இதுவரை ரூ. 7 கோடி வழங்கப்படவில்லை. இந்த நிலையில் படத்தை வெளியிட்டால் எங்களுக்கு இழப்பு ஏற்படும் என்பதால், படத்தை வெளியிடுவதற்குத் தடை விதிக்க வேண்டும் என்று மனுவில் கோரப்பட்டது.
நீதிபதி ராஜசூர்யா முன்னிலையில் இந்த மனு விசாரணைக்கு வந்தது.
அப்போது பட ரீலிஸ் தொடர்பாக தற்போதுள்ள நிலையே நீடிக்க வேண்டும் என்று நீதிபதி உத்தரவிட்டார்.
இந்த வழக்கு புதன்கிழமை மீண்டும் விசாரணைக்கு வந்தது.
அப்போது நடிகர் கமல்ஹாசன் மற்றும் எஸ். சந்திரஹாசன் ஆகியோர் தரப்பில் தாக்கல் செய்யப்பட்ட பதில் மனு விவரம்:
போதிய நிதி ஆதாரம் இல்லாமல் "மர்மயோகி' படத்தை இணைந்து தயாரிப்பதற்காக "பிரமிட் சாய்மீரா' நிறுவனம் எங்களுடன் ஒப்பந்தம் செய்துகொண்டது.
"ராஜ்கமல் பிலிம்ஸ்' சார்பில் "மர்மயோகி' படத்துக்கு ஏராளமான பணம் செலவழிக்கப்பட்டது. ஆனால், போதிய பணம் இல்லாத காரணத்தால் படம் கைவிடப்பட்டது.
வேறு படங்களில் கவனம் செலுத்தக் கூடாது என்ற நிபந்தனை காரணமாக கமலுக்கு ஓர் ஆண்டு வருமானம் (ரூ. 40 கோடி) இழப்பு ஏற்பட்டது.
"மர்மயோகி' படத் தயாரிப்புக்காக வழங்கப்பட்ட பணம், அந்தப் படம் ரீலிஸôகவில்லை என்றாலும் திரும்ப வழங்கப்படும் என்று எந்த உத்தரவாதமும் அளிக்கவில்லை.
"மர்மயோகி' படத்துக்காக வழங்கப்பட்ட பணம் "உன்னைப் போல் ஒருவன்' படத் தயாரிப்பில் பயன்படுத்தப்படவில்லை.
எனவே, "உன்னைப் போல் ஒருவன்' பட ரீலீஸின்போது இந்தப் பணம் திரும்ப வழங்கப்படும் என்றும் தெரிவிக்கப்படவில்லை.
"பிரமிட் சாய்மீரா' நிறுவனம் ஆதாரமற்ற குற்றச்சாட்டுகளைத் தெரிவித்துள்ளது. எனவே, இந்த வழக்கை தள்ளுபடி செய்ய வேண்டும் என்று கோரப்பட்டது. இந்த வழக்கில் வியாழக்கிழமையும் வழக்கு விசாரணை தொடரும் என்றும் அதுவரை பட ரீலிஸ் தொடர்பாக தற்போதுள்ள நிலையே நீடிக்க வேண்டும் என்றும் நீதிபதி தெரிவித்தார்

by பிரகாஸ் Thu Sep 17, 2009 5:44 pm

https://eegarai.darkbb.com/-f18/---t6653.htm#60277

மாத்தி மாத்தி போடுறாங்க

குற்றச்சாட்டுகள் ஆதாரமற்றவை: கமல்ஹாசன் பதில் மனு

குற்றச்சாட்டுகள் ஆதாரமற்றவை: கமல்ஹாசன் பதில் மனு

Re: குற்றச்சாட்டுகள் ஆதாரமற்றவை: கமல்ஹாசன் பதில் மனு