கர்ப்பிணி பெண்களின் மாரடைப்பு வீதம் அதிகரிப்பு

பிள்ளை பெறும் தருவாயில் உள்ள பெண்கள் அதிகபடியாக மாரடைப்புக்கு உள்ளாகுவதாக அமெரிக்க ஆய்வுகள் தெரிவிக்கின்றன.

கர்ப்ப காலத்திற்கு முன்பே பெண்கள் மாரடைப்புக்கு உள்ளாகக் கூடிய சாத்தியக்கூறுகள் அதிகரித்துள்ளதாக அமெரிக்க இதய கூட்டமைப்பின் இதழியலாளர் குறிப்பிட்டுள்ளார். அவரது கருத்துப் படி அதிக எடையும், கூடுதலான இரத்த அழுத்தமுமே இதற்கான காரணமாகும்.

ஐக்கிய அமெரிக்காவில் 1994-95 காலப்பகுதியில் மாரடைப்பால் பாதிக்கப்பட்ட பெண்களின் எண்ணிக்கை 4085 ஆக இருந்தது. 2006-07 காலப்பகுதியில் 6293 ஆக அதிகரித்துள்ளது.

ஆகவே கர்ப்ப காலத்தில் மாரடைப்புக்கு உள்ளாகும் பெண்களின் எண்ணிக்கை 54 சதவீதத்தால் அதிகரித்துள்ளது என குறிப்பிடப்பட்டுள்ளது.

இத்தகவல்கள் கர்ப்ப காலத்தில் மாரடைப்பு காரணமாக வைத்தியசாலையில் அனுமதிக்கப்பட்டவர்களின் விபரக் கோவையிலிருந்து பெறப்பட்டது.

மேற் குறிப்பிட்ட கணக்கில் கடந்த 12 வாரங்களில் குழந்தையை பிரசுவித்த பெண்கள் மற்றும் கர்ப்பிணி பெண்களும் அடங்குகிறார்கள்.

மேலும் தரப்பட்ட தகவல்கள் கர்ப்பிணி பெண்கள் மாரடைப்புக்கு உள்ளாகுவது பற்றியதாகும். கர்ப்பம் காரணமாக மாரடைப்புக்கு உள்ளாகும் பெண்கள் பற்றி ஆய்வு செய்து கொண்டிருப்பதாக ஆய்வாளர் தெரிவித்துள்ளார்.

இந்த அதிகரிப்பு அளவானது ஆச்சரியத்தை தருவதாக தொற்றுநோய் அறிவியலாளர் தெரிவித்துள்ளனர். அத்தோடு பெண்கள் ஆரோக்கியமாக இருக்கும் பட்சத்தில் மாரடைப்பு ஏற்படுவதற்கான வாய்ப்பு குறைவு எனவும் குறிப்பிட்டுள்ளார்.

தற்காலத்தில் கூடுதலான பெண்கள் கர்ப்பம் தரிக்கும் முன்பே மாரடைப்பு ஏற்படக் கூடிய ஆபத்தான காரணிகளை உள்வாங்கியவர்களாக உள்ளனர். உதாரணமாக மேற் குறிப்பிட்ட அதிக உடற்பருமன், நீடித்த உயர் இரத்த அழுத்தம், நீரிழிவு மற்றும் பிறவி சார்ந்த இதய நோய் என்பன காரணமாகின்றன.

இக்காரணிகளில் ஒன்றிலேனும் ஆட்கொள்ளப்பட்டிருப்பின் ஆபத்துக்கான சந்தர்ப்பம் இரட்டிப்படையும் என கூறப்படுகிறது.

பெரும்பாலும் 25-35 வயதிற்கு உட்பட்ட கர்ப்பிணி பெண்கள் மற்றும் பிரசுவித்த பெண்கள் மாரடைப்பால் வைத்தியசாலையில் அனுமதிக்கப்படுவது உறுதிப்படுத்தப்பட்டுள்ளது.

ஆகவே இந்த நோயானது வயதெல்லை பாராது பெண்களை தாக்குவதாக தெரிவிக்கப்பட்டுள்ளது. இதனை தடுப்பதற்கான சரியான வழிமுறைகள் ஆய்வாளரால் முன்மொழியப்படவில்லை.

கர்ப்பிணி பெண்களுக்கு சிகிச்சை அளிப்பது மிகவும் கடினமாக உள்ளது. ஏனெனில் குழந்தைக்கு எவ்வித தீங்கும் ஏற்படாத வகையில் சிகிச்சை அளிக்கப்பட வேண்டியது அவசியமாகும்.

உண்மை நிலையை நோக்கின் கர்ப்பிணி பெண்களை மாரடைப்பிலிருந்து பாதுகாப்பதற்கான சரியான வழிமுறை வைத்தியர்களால் அறியப்படவில்லை.

வணக்கம்