குழந்த்தைகளை அடிப்பவரா நீங்கள் ?

**ayyamperumal** · **ayyamperumal** Mon Jul 25, 2011 3:56 pm

குழந்தையை அடிப்பவரா நீங்கள் ?

நான் அனுபவித்த உண்மை சம்பவம்

அது என்னமோ தெரியவில்லை. பெருமாள் கோவிலுக்கு செல்ல திட்டமிடும் போதெல்லாம் ஏதாவது ஒரு தடங்கள் கோவிலுக்கு செல்ல விடாமல் தடுத்துவிடுகிறது. ஆனால் சிவத்தலங்களுக்கு செல்ல திட்டமிடுதல் கூட தேவை இல்லை. ஆசை பட்டாலே நடந்துவிடுகிறது. இன்னமும் கூட சில சித்தர்கள் திருவண்ணாமலையில் வாழ்வதாக கேட்டேன். என்றாவது அங்கு செல்ல வேண்டிம் என ஆசைபட்டேன். சில தினங்களுக்குள்ளேயே ; எனது சகோதரியின் கணவரிடமிருந்து அழைப்பு வந்தது. " திருவண்ணாமலை போகலாம் என இருக்கிறேன். உங்களுக்கும் டிக்கெட் முன்பதிவு செய்திருக்கிறேன். ஆகவே நாளை மறுநாள் மாலை மதுரை ரயில்வே ஸ்டேஷனுக்கு வந்துவிடுங்கள் என்றார் " சென்று வரும் வரை எனக்கு செலவை இல்லை என்பது கூடுதல் தகவல்.

ரமேஸ்வரம் கூட பார்த்திருக்கிறேன். இப்பொழுது திரு கையிலாயம் சென்று மானசரோவர் ஏரியை பார்க்க ஆசை. வழக்கம் போல சிவஅருள் கிடைத்தாள் ஓசியிலேயே பார்த்து விடுவேன் . ஆனால் ஏன் இந்த பெருமாள் மட்டும் என்னை விலக்கிவைக்கிறார் என தெரியவில்லை. ஆனால் சமீபத்தில் எனக்கு திருப்பதி செல்ல வாய்ப்பு கிடைத்தது. என்னுடைய தயார் செல்வதற்காக சந்தா செலுத்தியிருந்தார். அவருக்கு உடல்நிலை சரியில்லை என சொல்லிவிட்டு என்னை அனுப்பினார்.(ஆனால் நான் செல்ல வேண்டும் என்பதற்காகத்தான் உடல்நிலை சரியில்லை என பொய் சொல்லியிருக்கிறார் என சென்று வந்த பின்னால் தெரிந்தது ) நான் செல்லும் போது என் சகோதரியின் மகனும், வருவேன் என அழுதான். அவன் பெரிய பையனாக இருந்தால் கூட அழைத்து செல்லலாம். அவனுக்கு 5 வயது , அதுவும் 3 நாட்கள் சுற்றுலா எப்படிசாத்தியம் ? ஆனாலும் அவன் என்னிடம் இருந்து கொள்வான் ஆகவே அழைத்து சென்றேன்.

கடந்த 07-06-2011 அன்று இரவில் சென்றோம். மறுநாள் சில கோவில்களை பார்த்து விட்டு திருப்பதி சென்றோம். அந்த திருப்பதி மலையில் நடந்து செல்லும் போது , அவன் தன்னுடைய விரலை எடுத்து மூக்கிலுள்ள நாசித்துவரத்தில் வைத்து கொண்டே வந்தான். நான் சில முறை கைகளை தட்டிவிட்டு கொண்டே வந்தேன். அவன் மீண்டும் மீண்டும் சீரான இடைவெளியில் அவ்வாறே செய்தான். இம்முறை அவனை தலையில் கொட்டிவிட்டேன்.அவன் சத்தமாக அழுகவில்லை ஆனால் பரிதாபமாக முகத்தை வைத்துக்கொண்டு என்னை பார்த்தான். அவன் கண்களில் பொங்குகிற கண்ணீர் என்னை தூக்கிவாரிப்போட்டது. உடனே அவனை தூக்கி வைத்து, இல்லப்பா நீ உன் மூக்கில் கைவைத்தால் பார்ப்பவர்கள் உன்னை அழுக்கு பையன் என சொல்வார்கள் அதனால் தான் கொட்டினேன் என்றேன். அவனும் சரி என்று சமாதானம் அடைந்தான். உடனே ஒரு maazza கேட்டான் . எப்படி வாங்கித்தராமல் இருக்கமுடியும். சூழ்நிலைகளை புரிந்து கொண்டு தனக்கு சாதகமாக பயன்படுத்துவதில் குழந்தைகளுக்கு நிகர் குழந்தைகள்தான்.

இரவு 11 மணிக்கு தரிசன அறைக்குள் சென்றோம் .மறுநாள் காலை 11 மணிக்குத்தான் திறந்தார்கள். ( ஒருவேளை கூட்டம் அதிகமாக இருந்தால் தான் திருப்பதியில் தரிசனத்திற்க்கு அனுப்புவார்கள் போல ) கதவை திறந்தவுடன் அந்த மந்தை கோட்டத்தில் இருந்து ஆடுமாடுகள் ஓடுவது போலவே ஓடினார்கள். எதற்க்கு தெரியுமா சாமியை பார்க்க அல்ல லட்டு டோக்கென் வாங்கத்தான். அந்த மக்களிடமிருந்து ( மாக்கள்) அவனை பாதுகாப்பது பெரிய சிரமமாகி விட்டது.
அனைத்தையும் முடித்து கொண்டு வெளியே வந்தோம். என் முகத்தில் ஏதோ அரித்தது. கையில் அவனை பிடித்திருந்தேன். கூட வந்தவர்களையும் காணவில்லை. அவனை விட்டுவிட்டு முகம்
துடைத்தாள் எங்காவது ஓடிவிடுவான் .( அப்பற அவ்வளவுதான் சாமிய பாத்து இவங்க போட்டதவிட... எனக்கு எங்க மாமா போடுற கோவிந்தா கோவிந்தா சத்தந்தான் அதிகமா கேட்கும்.) ஆகவே அவனின் சட்டையையும் என் சட்டையையும் ஒன்றாக முடிந்து விட்டு, என் கைக்குட்டையை எடுத்து முகம் துடைத்தேன். கண்களில் சிறிது அழுத்தம் கொடுத்து விட்டு, என் மூக்கு துவாரத்தின் நடுவே இருக்கும் தண்டில் சிறிது அழுத்தம் கொடுத்தேன். இதை பார்த்த அவன் " நீ மட்டும் மூக்கில் விரல் வைக்கலாம் நான் வைத்தால் கொட்டுவாயா என்றான். அப்பொழுதுதான் எனக்கு புரிந்தது .எனக்கு இருந்த பிரச்சனை தானே அவனுக்கும் இருந்திருக்கும். உடனே அவனின் முகத்தை உற்று பார்த்தேன். அவனின் மூக்கு துவார விழிம்புகளில் அழுக்கு படிந்திருந்தது . குளிக்க வைத்தேன் ஆனால் சரியா குளிக்க வைக்கவில்லை . ஆயிரந்தா இருந்தாலும் அவனின் அம்மாவிற்க்கு இணைவருமா. பிறகுதான் அவனின் முகத்தை சரியாக சுத்தம் செய்தேன். எல்லோரும் திருப்பதிக்கு சென்று திருப்பம், செல்வம் வங்கி வருவார்கள். நான் இந்த சிந்தனையைதான் வாங்கிவந்தேன்.

ஒரு செயலை செய்யாதே என நீங்கள் அடித்த பின்னும், உங்கள் குழந்தை, அதையே திரும்ப திரும்ப செய்கிறதா ? கவனமாய் பாருங்கள் தவறு நம் மீதுதான் இருக்கும்.

**ஜாஹீதாபானு** · **ஜாஹீதாபானு** Mon Jul 25, 2011 4:01 pm

நீங்கள் சொல்வது ரொம்ப சரி. குழந்த்தைகளை அடிப்பவரா நீங்கள் ? 677196

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

balakarthik · balakarthik Mon Jul 25, 2011 4:01 pm

நல்ல பதிவு நண்பா எங்க அம்மாகிட்ட இத படிக்கசொல்லனும் மகிழ்ச்சி

அதி · அதி Mon Jul 25, 2011 4:02 pm

என்னை மாதிரி குழந்தைகளுக்கு கள்ளம் கபடு இல்லாத வெள்ள மனசு. யாராவது அடிச்சா தாங்கிக்க மாட்டோம்.இதை ஏன் தான் பெருசுங்க புரிஞ்சுக்கவே மாட்டேங்குதுகளோ

**ஜாஹீதாபானு** · **ஜாஹீதாபானு** Mon Jul 25, 2011 4:02 pm

balakarthik wrote:நல்ல பதிவு நண்பா எங்க அம்மாகிட்ட இத படிக்கசொல்லனும்

2 வயசு குழந்தை பாவமா சொல்லுது குழந்த்தைகளை அடிப்பவரா நீங்கள் ? 56667

பாலாஜி · பாலாஜி Mon Jul 25, 2011 4:03 pm

அதிபொண்ணு wrote:என்னை மாதிரி குழந்தைகளுக்கு கள்ளம் கபடு இல்லாத வெள்ள மனசு. யாராவது அடிச்சா தாங்கிக்க மாட்டோம்.இதை ஏன் தான் பெருசுங்க புரிஞ்சுக்கவே மாட்டேங்குதுகளோ

உலக மகா நடிப்புடா சாமி ...

balakarthik · balakarthik Mon Jul 25, 2011 4:05 pm

ஜாஹீதாபானு wrote:
balakarthik wrote:நல்ல பதிவு நண்பா எங்க அம்மாகிட்ட இத படிக்கசொல்லனும்
2 வயசு குழந்தை பாவமா சொல்லுது

ஐ எங்க அம்மாவும் இப்படித்தான் சொல்லுவாங்க என்ன அந்த 2க்கும் வயசுக்கும் நடுவுல கழுத்தயோ இல்ல எருமயோ சேர்த்து சொல்லுவாங்க அது மிஸ்ஸிங்

பூஜிதா · பூஜிதா Mon Jul 25, 2011 4:08 pm

ரேவதி · ரேவதி Mon Jul 25, 2011 4:08 pm

ஜாஹீதாபானு wrote:
balakarthik wrote:நல்ல பதிவு நண்பா எங்க அம்மாகிட்ட இத படிக்கசொல்லனும்
2 வயசு குழந்தை பாவமா சொல்லுது

ரேவதி · ரேவதி Mon Jul 25, 2011 4:10 pm

Sponsored content · Sponsored content

குழந்த்தைகளை அடிப்பவரா நீங்கள் ?

குழந்த்தைகளை அடிப்பவரா நீங்கள் ?

Re: குழந்த்தைகளை அடிப்பவரா நீங்கள் ?

Re: குழந்த்தைகளை அடிப்பவரா நீங்கள் ?

Re: குழந்த்தைகளை அடிப்பவரா நீங்கள் ?

Re: குழந்த்தைகளை அடிப்பவரா நீங்கள் ?

Re: குழந்த்தைகளை அடிப்பவரா நீங்கள் ?

Re: குழந்த்தைகளை அடிப்பவரா நீங்கள் ?

Re: குழந்த்தைகளை அடிப்பவரா நீங்கள் ?

Re: குழந்த்தைகளை அடிப்பவரா நீங்கள் ?

Re: குழந்த்தைகளை அடிப்பவரா நீங்கள் ?

Re: குழந்த்தைகளை அடிப்பவரா நீங்கள் ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக