பேசிப் பேசியே வாலியை கதற வைத்த டி.ஆர்!

ரேவதி · ரேவதி Wed Aug 03, 2011 10:02 am

கவிஞர் வாலியை, நடிகரும்
இயக்குனருமான டி.ஆர்., பேசிப் பேசியே கதற வைத்த சம்பவம் நடந்தேறியுள்ளது.
பொதுவாக பொது நிகழ்ச்சிகளில் அதிகமாக கலந்துகொள்ளாத டி.ராஜேந்தர், ஏதாவது
ஒரு நிகழ்ச்சியில் கலந்து கொண்டால், அங்கு கலகலப்பும், கண்ணீரும் நிச்சயம்
இருக்கும். கலகலப்பாக போய்க் கொண்டிருக்கும்போதே ஆடியன்ஸை, கதற வைக்கும்
கலை டி.ஆருக்கு மட்டுமே தெரிந்த ரகசியம். சமீபத்தில் நிகழ்ச்சியொன்றில்
பங்கேற்ற டி.ஆர்., கவிஞர் வாலி உள்ளிட்டோரை கதற வைத்தார். அதையே மேடையில்
சொல்லி கலகலப்பூட்டினார் வாலி.

நடிகர் தனுஷின் சித்தப்பா மகனான
வருண் என்பவர் ஹீரோவாக அறிமுகமாகும் படம் மல்லுக்கட்டு. முருகானந்தம் என்ற
புதுமுக இயக்குநர் இயக்கியிருக்கும் இப்படத்தின் பாடல்கள் வெளியீட்டு விழா
சமீபத்தில் சென்னையில் நடந்தது. கவிஞர் வாலி, டி.ராஜேந்தர். எஸ்.ஜே.சூர்யா,
கார்த்தி, விமல், சற்குணம் என அரைடஜன் விஐபிக்கள் மேடையில்
குவிந்திருந்தாலும், டி.ராஜேந்திரன் கரடுமுரடான பேச்சுதான் ஹைலைட்டாக
இருந்தது. தான் எந்த நிகழ்ச்சிக்கு வந்திருக்கிறோம் என்பதைக் கூட மறந்து,
தாடி, பீடி, கேடி என தனது எதுகை மோனை பாணியில் பேசியவர், தனது மகனை
பற்றியும், தன்னை பற்றியும் பெருமையாகப் பேசி, விழாவுக்கு
வந்திருந்தவர்களையெல்லாம் கொத்து புரொட்டாவாக்கி விட்டார் மனிதர்.

டி.ஆரைத்
தொடர்ந்து பேச வந்த வாலி, முதலிலேயே ஒரு வரி தத்துவத்தை உதிர்த்தார்.
டி.ராஜேந்தர் பேசிய பிறகு எந்த அறிவுள்ளவனும் பேசமாட்டான், என்று கூறி
தன்னை ஒரு முட்டாள் என்கிற ரீதியில்தான் பேச ஆரம்பித்தார் கவிஞர் வாலி
என்றால் பார்த்துக் கொள்ளுங்களேன். அப்படின்னா டி.ஆர்., எந்த அளவுக்கு
ஆடியன்ஸை கதற வைத்திருப்பார் என்று!

தினமலர்

balakarthik · balakarthik Wed Aug 03, 2011 10:07 am

அட அவரு பேசித்தான் மத்தவங்க கதறணுமுணு இல்ல அவர பார்ர்த்தாலே எல்லோரும் கதிகலங்கித்தான் போவார்கள் மகிழ்ச்சி

பேசிப் பேசியே வாலியை கதற வைத்த டி.ஆர்!

பேசிப் பேசியே வாலியை கதற வைத்த டி.ஆர்!

Re: பேசிப் பேசியே வாலியை கதற வைத்த டி.ஆர்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக