செய்திகள் ....

by **ந.கார்த்தி** Sun Jul 31, 2011 6:37 pm

புதுடில்லி: ஆதர்ஸ் முறைகேடு தொடர்பாக மத்திய அமைச்சர் சுசில் குமார் ஷிண்டேவிடம் சி.பி.ஐ., போலீசார் விசாரணை நடத்தினர். ஷிண்டேவிடம் ஒரு சாட்சியாக சி.பி.ஐ., விசாரணை நடத்தியது. டில்லியில் இருந்து வந்த சி.பி.ஐ., அதிகாரிகள் ஷிண்டேவை அவரது வீட்டில் வைத்து விசாரணை நடத்தினர்.
தினமலர் நன்றி

by **ந.கார்த்தி** Sun Jul 31, 2011 6:38 pm

ராமேஸ்வரம்: ராமேஸ்வரத்திலிருந்து கடலுக்கு சென்ற ஐந்து மீனவர்கள் கரை திரும்பவில்லை. ராமேஸ்வரத்திலிருந்து நேற்று 600க்கும் மேற்பட்ட படகில் மீனவர்கள் மீன்பிடிக்க கடலுக்கு சென்றனர். இலங்கை கடற்படையின் தீவிர ரோந்துப்பணியால், மீன்பாடு உள்ள பகுதிக்கு செல்லாமல், மீன்வரத்து குறைந்த நிலையில், காலையில் படகுகள் கரை திரும்பியது. இந்நிலையில், ராமேஸ்வரம் மீனவர் பால்ராஜ் என்பவரது படகு மட்டும் கரை திரும்பவில்லை. மாலை வரை படகில் சென்ற செல்லத்துரை, குமரவேல், அரசுப்பாண்டி உட்பட ஐந்து மீனவர்களும் திரும்பி வராததால், அவர்களின் உறவினர்கள் பதட்டமடைந்துள்ளனர். அவர்கள் மீன்துறை அதிகாரிகளின் அனுமதியுடன் காணாமல் போன மீனவர்களை தேடி, வேறு படகில் கடலுக்கு சென்றனர். இதனிடையே காணாமல் போன மீனவர்களின் படகு மணல் திட்டுகளுக்கு இடையில் பழுதாகி நிற்பதாக கிடைத்த தகவலின்படி, தனுஷ்கோடி அரிச்சல் முனை ஐந்தாம் மணல் திட்டுப்பகுதிக்கு தேடி சென்றுள்ளனர்.
தினமலர் நன்றி

by **ந.கார்த்தி** Sun Jul 31, 2011 6:40 pm

புதுடில்லி: 2ஜி ஸ்பெக்ட்ரம் விவகாரம் தற்போது கோர்ட்டில் உள்ளது. இதனால் 2ஜி குறித்து பார்லிமென்ட்டில் தீர்மானிக்க முடியாது என பிரதமர் மன்மோகன் சிங் கூறியுள்ளார். மேலும் அவர், தெலுங்கானா விவகாரத்தில் எம்.பி., மற்றும் எம்.எல்.ஏ.,க்கள் ராஜினாமா விவகாரத்தில் அரசு எதிர்கொண்டு வெளிவரும். லோக்பால் மசோதா குறித்து பார்லிமென்டில் முடிவு செய்யப்படும். முக்கிய விவகாரங்களை விட்டுவிட்டு,ஒன்றுமில்லாத விவகாரங்களை எதிர்கட்சிகள் கையில் எடுத்திருக்கின்றன. எந்த விவாதத்தையும் விவாதிக்க நாங்கள் பயப்படவில்லை. அனைத்து விவகாரங்களையும் விவாதிக்க நாங்கள் தயாராக உள்ளோம் என்றும் கூறினார்.

by **கே. பாலா** Sun Jul 31, 2011 6:41 pm

நல்ல ....செயல் கார்த்தி...இப்படி செய்திகளையெல்லாம் ஒரே திரியில் தாருங்கள்
சூப்பருங்க

..

by **ந.கார்த்தி** Sun Jul 31, 2011 6:48 pm

கே. பாலா wrote:நல்ல ....செயல் கார்த்தி...இப்படி செய்திகளையெல்லாம் ஒரே திரியில் தாருங்கள்
..

நன்றி அண்ணா

by மஞ்சுபாஷிணி Sun Jul 31, 2011 7:12 pm

செய்தி பகிர்வுக்கு அன்பு நன்றிகள் கார்த்தி.

by **ந.கார்த்தி** Sun Jul 31, 2011 7:49 pm

திருச்சி:நில அபகரிப்பு புகாரில் முன்னாள் முதல்வர் கருணாநிதி மனைவி ராஜாத்தி உதவியாளர் ரமேஷ் இன்று கைது.திருச்சி மாவட்டம் ஸ்ரீரங்கம் தாலுகா, எடமலைப்பட்டிபுதூர், ராஜீவ் காந்தி நகரைச் சேர்ந்த பொதுமக்கள் கடந்த 25ம் தேதி டி.ஆர்.ஓ., பேச்சியம்மாளிடம் புகார் அளித்தனர்.அதில், "ராஜீவ்நகர் அரசு புறம்போக்கு நிலத்தில் 31 குடும்பங்கள் வசிக்கிறோம். காரைக்குடியை சேர்ந்த அய்யர் பாலசுப்பிரமணியன் என்பவரின் புஞ்சை நிலத்துக்கு முன் இந்த புறம்போக்கு நிலம் உள்ளது. முன்னாள் முதல்வர் கருணாநிதி மனைவி ராஜாத்தி கணக்குப்பிள்ளையாக உள்ள ரமேஷ், காரைக்குடியை சேர்ந்த ரியல் எஸ்டேட் அதிபர் தம்பிராஜா, காளிதாஸ் மற்றும் துணைபோன அதிகாரிகள் டி.ஆர்.ஓ., தாசில்தார், ஆர்.ஐ., என அனைவர் மீதும் நடவடிக்கை எடுக்க வேண்டும்' என கூறப்பட்டிருந்தது. இப்புகாரை தொடர்ந்து இன்று போலீசார் ரமேஷை கைது செய்தனர்.
தினமலர் நன்றி