உத்தமபாளையத்தில் மனைவியை உயிரோடு எரித்து கொல்ல முயற்சி:

by மீனு Thu Sep 17, 2009 12:22 pm

First topic message reminder :

தேனி மாவட்டம் உத்தம பாளையம் தென்னஞ்சாலையை சேர்ந்தவர் மாயாண்டி, இவரது மனைவி முருகேஸ்வரி (வயது 36). கடந்த 2 நாட்களுக்கு முன்பு மாயாண்டி மாடு வாங்க வேண்டும் என்ற மனைவியிடம் கூறினார்.

உடனே முருகேஸ்வரி தனது கணவரிடம் ரூ.20 ஆயிரம் ரொக்க பணத்தை கொடுத்தார். பணத்தை வாங்கி சென்ற மாயாண்டி மாடு வாங்குவதற்காக சந்தைக்கு சென்றார். ஆனால் நினைத்தபடி மாடு கிடைக்காததால் மாயாண்டி வீடு திரும்பினார். அப்போது முருகேஸ்வரியிடம் அவர் ரூ.14 ஆயிரம் மட்டும் கொடுத்தார்.

உடனே முருகேஸ்வரி தனது கணவரிடம் உங்களிடம் நான் ரூ.20 ஆயிரம் கொடுத்தேன் மீதி ரூ.6 ஆயிரத்தை எங்கே என்று கேட்டார். இதனால் கணவர்-மனைவிக்கு இடையே தகராறு ஏற்பட்டது. அக்கம் பக்கத்தினர் சமரசம் செய்தனர்.

ஆனாலும் நேற்றும் இது தொடர்பாக பிரச்சினை வெடித்தது. ஆத்திரம் அடைந்த மாயாண்டி தனது மனைவி என்று கூட பாராமல் வீட்டில் இருந்த மண்எண்ணையை எடுத்து முருகேஸ்வரி மீது ஊற்றி தீ வைத்தார். இதில் முருகேஸ்வரி உடல் முழுவதும் தீ பரவியது. வேதனையால் அங்கும் இங்கும் அலறி துடித்தவாறு ஓடினார். சத்தம் கேட்டு அக்கம் பக்கத்தினர் ஓடிவந்தனர்.

உயிருக்கு போராடிய முருகேஸ்வரியை உத்தமபாளையம் அரசு ஆஸ்பத்திரியில் சேர்த்தனர். அங்கு அவருக்கு தீவிர சிசிச்சை அளிக்கப்படுகிறது. இது குறித்து உத்தமபாளையம் போலீசார் வழக்குப்பதிவு செய்து மாயாண்டியை தேடிவருகின்றனர்.