மனைவி, மகனுக்கு விஷம் கொடுத்து கொன்றுவிட்டு, ஊராட்சி உதவியாளர் தற்கொலை

**சிவா** · **சிவா** Sun Jul 31, 2011 8:09 am

மனைவி, மகனுக்கு விஷம் கொடுத்து கொன்றுவிட்டு ஊராட்சி அலுவலக உதவியாளர் தூக்குப்போட்டு தற்கொலை செய்து கொண்டார்.

ஊராட்சி உதவியாளர்

திண்டுக்கல் மாவட்டம் கன்னிவாடி அருகில் உள்ள டி.புதுப்பட்டியை சேர்ந்தவர் சண்முகவேல் (வயது 32). இவர் டி.புதுப்பட்டி ஊராட்சி அலுவலகத்தில் உதவியாளராக பணியாற்றி வந்தார். இவரது மனைவி கலையரசி (வயது 31). இவர்களது ரூபன் (6). அங்குள்ள ஒரு பள்ளியில் முதலாம் வகுப்பு படித்து வந்தான்.

சண்முகவேல் தினமும் காலையிலேயே ஊராட்சி அலுவலகத்துக்கு வேலைக்கு புறப்பட்டு செல்வது வழக்கம். ஆனால் நேற்று காலை அவர் வேலைக்கு செல்லவில்லை. மேலும் அவரது வீடு காலை 8 மணிவரை உள்புறமாக பூட்டிக்கிடந்தது.

இதனால் அக்கம் பக்கத்தினர் சந்தேகம் அடைந்து இதுபற்றி அருகில் வசிக்கும் சண்முகவேலுவின் தந்தை சுப்பிரமணியத்திடம் தெரிவித்தனர்.

உடனடியாக சுப்பிரமணியம் சண்முகவேல் வீட்டுக்கு வந்து கதவை தட்டினார். வெகுநேரமாகியும் கதவு திறக்கப்படவில்லை. அதையடுத்து கதவை அக்கம் பக்கத்தினர் உடைத்து உள்ளே சென்று பார்த்தனர்.

பிணமாக கிடந்தனர்

அப்போது வீட்டுக்குள் சண்முகவேல், கலையரசி, ரூபன் ஆகிய 3 பேரும் பிணமாக கிடந்தனர். சண்முகவேல் தூக்கில் தொங்கிக்கொண்டு இருந்தார்.

தகவல் அறிந்து சென்ற போலீசார் நடத்திய விசாரணையில் சண்முகவேல் தூக்குப்போட்டு தற்கொலை செய்து கொண்டதும், அதற்கு முன்னதாக மனைவி, மகனுக்கு அவர் சாப்பாட்டில் விஷம் கலந்து கொடுத்து கொன்றிருந்ததும் தெரியவந்தது. அவரது இந்த விபரீத முடிவுக்கான காரணம் குறித்து உடனடியாக தெரியவரவில்லை.

தினதந்தி

மனைவி, மகனுக்கு விஷம் கொடுத்து கொன்றுவிட்டு, ஊராட்சி உதவியாளர் தற்கொலை

மனைவி, மகனுக்கு விஷம் கொடுத்து கொன்றுவிட்டு, ஊராட்சி உதவியாளர் தற்கொலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக