அஜித் சூப்பர், நான் ரொம்ப மோசம்”

by Guest Sat Jul 30, 2011 6:58 pm

அஜித்துடன் ‘மங்காத்தா’ படத்தில் நடித்து முடித்து விட்ட சந்தோஷத்தில் இருக்கிறார் திரிஷா. இவரிடம் மங்காத்தா படத்தின் பணியாற்றிய அனுபவம் குறித்த கேட்டபோது அஜித் குமார் சார் சூப்பர், நான்தான் ரொம்ப மோசம் என்றார். நமக்கும் ஒன்றும் புரியவில்லை. அட தெளிவா சொல்லுங்க திரிஷா என்று கேட்டோம்
“வெங்கட் பிரபுவின் இயக்கத்தில் நான் நடிப்பது இதுதான் முதல் படம் என்றாலும், அஜித் குமாருடன் நான் நடிக்கும் மூன்றாவது படம் இது. இப்படம் ஆண்களைப் பற்றிய படம் என்றாலும், எனக்கான கேரக்டர் இப்படத்தில் முக்கியத்துவம் வாய்ந்ததாக இருக்கும்” என்றவரிடம், அது சரி மேடம் எதோ அஜித் சூப்பர்ன்னு சொன்னீங்க, நீங்க ரொம்ப மோசம்னு சொன்னீங்களே அந்த விஷயத்தை சொல்லுங்க என்று எடுத்துக் கொடுத்தோம்.
“ஓ... அதுவா. அஜித் சார் பிரியாணியை சமைப்பதில் பயங்கர கில்லாடி. ஷூட்டிங் ஸ்பாட்டில் ஓய்வு நேரம் கிடைத்தால் போதும், கிச்சனுக்குள் புகுந்து, சூப்பராக சமைத்து அசத்தி விடுவார். நான் சமையலில் ரொம்ப மோசம். நான் சமைத்ததை சாப்பிட்டால், சாப்பிட்டவர்கள் அத்தனை பேரும் பயங்கர ரிஸ்க் எடுத்திருக்கிறார்கள் என்று அர்த்தம்” என்றார்