பரத் அடித்த பல்டி!?!!??

by **ந.கார்த்தி** Sat Jul 30, 2011 4:12 pm

'வானம்' படம் வெளியாகி 70
திரையரங்குகளில் ஐம்பது நாட்கள் ஓடியது. படத்தை வெளியிட்ட தயாரிப்பாளர்
விடிவி கணேஷுக்கு நல்ல லாபம் சம்பாதித்துக்கொடுத்தது. விற்பனை செய்யப்பட்ட
ஏரியாக்களிலும் வசூலில் குறை வைக்கவில்லை 'வானம்'.

இந்தப் படத்தின் ரிலீஸூக்கு முன்பு இரண்டு முறை பத்திரிக்கையாளர்களை
சந்தித்தது படக்குழு. அப்போதெல்லாம் சிம்பு, பரத் இருவருமே நன்றாக பேட்டி
கொடுத்தனர். தெலுங்கு 'வேதம்' படத்தில், மனோஜ் மஞ்சு கதாபாத்திரம் எப்படி
அமைக்கப்பட்டிருகிறதோ அச்சுப் பிசகாமல் எனது கேரக்டரும் அப்படியே
அமைக்கப்பட்டிருகிறது. தாங்க்ஸ் டூ சிம்பு. அவர் எனக்கு நல்ல நண்பன் என்று
குறிப்பிட்டு இருந்தார். 'வானம்' ரிலீஸூக்குப் பிறகு ஏற்கனவே தெலுங்குப்
படத்தை பார்த்த ரசிகர்கள், பரத் கதாபாத்திரம் அதேபோலவே
அமைக்கப்பட்டிருப்பதைப் பார்த்தனர். படத்தில் அனுஷ்கா- சிம்பு இருவருக்கும்
கூடுதலாக ஒரு குத்துப் பாடல் மட்டுமே சேர்க்கப்படிருந்தது.

ஆனால் தற்போது பிரபல தமிழ்வார இதழுக்கு பேட்டி அளித்திருக்கும் பரத்,

"'வானம்' படத்தில் பல கசப்பான அனுபவங்களை சந்தித்தேன். 4 பேரின் கதை என்று
சொல்லி, ஒருவரின் கதை போல புரமோட் பண்ணிவிட்டார்கள். விளம்பரங்களிலும்
ஒருவருக்கே முக்கியத்துவம் அளித்துவிட்டார்கள். நான் உட்பட வேறு யாருக்கும்
முக்கியத்துவம் அளிக்கப்படவில்லை. சிம்புவுக்கு மட்டும் அதிக
முக்கியத்துவம் கொடுத்து அவர் மட்டும்தான் இந்த படத்தின் ஹீரோ என்பது போன்ற
ஒரு தோற்றத்தை உருவாக்கிவிட்டார்கள். சசி இயக்கத்தில் '555' படத்தில்
நடித்து வருகிறேன். எனது திரையுலக வாழ்வில் மிக முக்கியமான படமாக அமையும்.
இந்த படம் முடியும் வரை வேறு எந்த படத்தையும் ஒப்புக்கொள்ள போவதில்லை. ஒரு
கட்டத்தில் ஆக்ஷன் படங்களில் நடித்து வந்தேன். 'கண்டேன் காதலை'
படத்திற்குப் பிறகு எல்லாவிதமான படங்களிலும் நடிக்க முடிவு செய்தேன்.
அவ்வப்போது ஆக்ஷன் படங்களிலும் நடிப்பேன். என்னுடைய நடிப்பில் வெளிவர
இருக்கும் 'திருத்தணி' ஒரு ஆக்ஷன் படம், 'யுவன் யுவதி' வேறு ஒரு கதை களம்"
என்று கூறியுள்ளார். முதலில் மல்டி ஸ்டாரர் படம் என்பதால்தான் அதில் நடிக்க
ஒப்புகொண்டேன். ஆனால் படம் வெளியானபோது அது சிம்புவின் படமாக
உருவாகியிருந்தது. இனி மல்டி ஸ்டாரர் படங்களை தேர்ந்தெடுக்கும்போது மிகவும்
கவனமாக இருப்பேன். இனி யாரும் என்னை ஏமாற்ற முடியாது"", என சிம்பு மீது
புழுதி வாரி தூற்றியுள்ளார்.

உண்மையில் வரிசையாக தோல்விப் படங்களில் நடித்த பரத்துக்கு புத்துயிர்
ஊட்டிய படம் 'வானம்' என்கிறார்கள் ஃபாக்ஸ் ஆபீஸ் வட்டாரத்தில். 'வானம்'
படத்தில் நடித்ததற்காக பரத்துக்கு 35 லட்ச ரூபாய் சம்பளமாக
கொடுத்திருகிறார் அதன் தயாரிப்பாளர். தற்போது பரத் படத்துக்கு இரண்டரை
கோடிக்கு மேல் பிஸினஸ் இல்லாத நிலையில், பரத் தனது சம்பளத்தை அடிமாட்டு
விலைக்கு குறைக்க வேண்டிய நிர்பந்தத்துக்கு ஆளாகி விட்டாராம். தற்போது 'பூ'
பட இயக்குநர் சசி இயக்கத்தில் '555' படத்தில் நடித்து வரும் பரத், இந்தப்
படத்தில் நடிப்பதற்காக வெறும் 20 லட்சம் சம்பளம் பெற்றுள்ளார் என்று அதிர
வைக்கிறார்கள் தயாரிப்பாளர் தரப்பில். இப்படிப்பட்ட நிலையில்தான் பரத்
இப்படியொரு காமெடியான பேட்டியைக் கொடுத்திருக்கிறார்.
TMT பரத் அடித்த பல்டி!?!!?? 678642