தமிழ் நாட்டில் வறுமை மோசமாக இருக்கிறது ஜெயலலிதா முதலில் அவற்றை கவனிக்கட்டும்: பசில் ராஜபக்‌ஷ

by jesudoss Sat Jul 30, 2011 11:32 am

இலங்கையை விட தமிழ் நாட்டில் வறுமை மோசமாக இருக்கிறது. ஜெயலலிதா முதலில் அவற்றை கவனிக்க வேண்டும் என இலங்கை அமைசரும், அரச தலைவரின் சகோதரருமான பசில் ராஜபக்‌ஷ தெரிப்பதாக கொழும்புச் செய்திகள் தெரிவிக்கின்றன. உள்ளுராட்சிச் சபைத் தெர்தலில் தமிழ்க்கட்சிகள் பெற்ற வெற்றி குறித்து கருத்துத் தெரிவிக்கையில், உள்ளூராட்சி சபைக்கு தெருவிளக்குகள் பொருத்தவும், தண்ணீர் குழாய்கள் அமைக்கவுமே அதிகாரம் உண்டு. அதில் வெற்றி பெற்று விட்டு இது தமிழ் மக்களின் ஆணை என்று கூறமுடியாது எனக் குறிப்பிட்டதாக அறிய வருகிறது.

அவர் மேலும் அமெரிக்கா வெளியுறவு துறை அமைச்சர் ஹிலாரி கிளிண்டன், தமிழக முதல்வர் ஜெயலலிதா சந்திப்பின் போது இலங்கை பற்றி கலந்துரையாடப்பட்டது குறித்து கருத்து தெரிவிக்கையில், இலங்கையை விட தமிழ் நாட்டில் வறுமை மோசமாக இருக்கிறது. ஜெயலலிதா முதலில் அவற்றை கவனிக்க வேண்டும்.

அமெரிக்கா, ஆப்கானிஸ்தான் - ஈராக்கில் இடம்பெயர்ந்தவர்கள் பிரச்சினையை முதலில் கவனிக்க வேண்டும். அமெரிக்க காங்கிரஸ் இலங்கைக்கு உரிய பொருளாதார உதவிகளை இடைநிறுத்த வேண்டும் என கோரியுள்ளது. இது செனட் சபையில் நிறைவேற்றப்படும் என நான் நினைக்கவில்லை. என தெரிவித்துள்ளார்

இதேவேளை இலங்கையின் மக்களை மீட்கும் மனிதாபிமான நடவடிக்கையின் உண்மையான அலசல்கள் எனும் பெயரில் அறிக்கையை ஒன்று திங்கட்கிழமை ஹில்டன் ஹோட்டலில் வைத்து வெளியிடப்படவுள்ளதாகவும் மேலும் அச் செய்திகள் தெரிவிக்கின்றன.