ஓட்ஸ் இல் பலவகை உணவுகள் - ஓட்ஸ் கட்லெட் !

by **krishnaamma** Sat Jul 30, 2011 9:35 am

First topic message reminder :

"ஓட்ஸ்" சமீபகாலமாக நிறைய பேரின் காலை உணவாக மாறிவருகிறது. சக்கரை நோயாளிகள், இருதய நோயாளிகள், எடை குறைப்பவர்கள் , கர்பிணிகள் என
அனைத்து தரப்பினரும் உபயோகிக்க ஆரம்பித்து விட்டார்கள். பிடித்தோ பிடிக்காமலோ டாக்டரின் அறிவுரை இன் பேரில் சாப்பிட ஆரம்பித்து விட்டார்கள்.
நாம் அதையே ஏன் சுவையான உணவாக சாப்பிடக்கூடாது, என யோசித்தத்தான் விளைவு தான் இந்த திரி புன்னகை

ஓட்ஸ் ஊத்தப்பம் : ஓட்ஸ் இல் பலவகை உணவுகள் - ஓட்ஸ் கட்லெட் ! - Page 5 20130607074030

இது ஊத்தப்பம் வார்த்ததும் புன்னகை

ஓட்ஸ் இல் பலவகை உணவுகள் - ஓட்ஸ் கட்லெட் ! - Page 5 20130607073643

இது வார்த்ததுக்கு அப்புறம் புன்னகை

இன்று ( 7-06-2013 எங்களின் காலை உணவு இது தான் )

by **Muthumohamed** Fri Jun 07, 2013 11:03 am

krishnaamma wrote:
Muthumohamed wrote:சுவை மிகு ஓட்ஸ் பதிவுகள் அம்மா

அனைத்து மருத்துவர்களும் ஓட்ஸ் சாப்பிட பரிந்துரைக்கிறார்கள் அம்மா அதனால் உங்க பதிவு பலருக்கும் பயனுள்ளதாக இருக்கும்

நன்றி நானும் அப்படித்தான் நினைக்கிறேன் முத்து

தொடருங்கள் இந்த பதிவை

by **krishnaamma** Sat Jun 08, 2013 1:39 pm

Muthumohamed wrote:
krishnaamma wrote:
Muthumohamed wrote:சுவை மிகு ஓட்ஸ் பதிவுகள் அம்மா

அனைத்து மருத்துவர்களும் ஓட்ஸ் சாப்பிட பரிந்துரைக்கிறார்கள் அம்மா அதனால் உங்க பதிவு பலருக்கும் பயனுள்ளதாக இருக்கும்

நன்றி நானும் அப்படித்தான் நினைக்கிறேன் முத்து

தொடருங்கள் இந்த பதிவை

கண்டிப்பாக முத்து புன்னகை

by **krishnaamma** Sat Jun 08, 2013 1:56 pm

தேவையானவை :

மோர் - அரை கப்
ஓட்ஸ் - 1 கப்
பாம்பே ரவை - டாலியா -1/2 கப்
உப்பு - தேவையான அளவு
கொத்துமல்லி நறுக்கியது 1 டேபிள் ஸ்பூன்
கறிவேப்பிலை கொஞ்சம்
துருவிய காரட் 1/2 கப் அல்லது பீட்ருட்
உப்பு
தாளிக்க எண்ணெய்

தாளிக்க :

கடுகு 1 டீ ஸ்பூன்
கடலை பருப்பு 1 டீ ஸ்பூன்
உளுத்தம் பருப்பு 1 டீ ஸ்பூன்
பெருங்காயப்பொடி 1/4 டீ ஸ்பூன்
மஞ்சள் பொடி 1/2 டீ ஸ்பூன்
பச்சைமிளகாய் பொடியாக நறுக்கினது 1 டீ ஸ்பூன்
இஞ்சி துருவியது 1 டீ ஸ்பூன்

செய்முறை:

வாணலி இல் முதலில் ஓட்ஸ் ஐ கொஞ்சம் சிவப்பாக வறுக்கவும்.
கொஞ்சம் ஆறினதும் மிக்சி இல் போட்டு பொடிக்கவும்.
வாணலி இல் எண்ணெய் வைத்து தாளிக்க தந்துள்ள பொருட்களை தாளித்து, அதனுடன் ரவையும் போட்டு வறுக்கவும்.
ஒரு பாத்திரத்தில் மோர் விட்டு அதில் இதை போடவும்.
பொடித்து வைத்துள்ள ஓட்ஸ் ஐயும் இதில் போடவும்.
உப்பு, கொத்துமல்லி, துருவின காரட்( அல்லது பீட்ருட் ) மற்றும் கறிவேப்பிலை எல்லாம் போட்டு கலக்கவும் .
மாவு இட்லி மாவு பதத்தில் இருக்கணும்.
ஒரு 15 நிமிஷம் அது ஊறட்டும்.
பிறகு எண்ணெய் தடவிய இட்லி தட்டுகளில் மாவை விட்டு இட்லி செய்யவும்.
சுவையான 'ஓட்ஸ் - காய்கறி இட்லி' தயார் .

குறிப்பு: கண்டிப்பாக ஓட்ஸ் ஐ வறுக்கணும். இல்லாவிட்டால் 'கொழ கொழப்பாக ' இருக்கும்.

by **krishnaamma** Sat Jun 08, 2013 2:06 pm

தேவையானவை :

ஓட்ஸ் - 1/2 க‌ப்
கோதுமை மாவு - 1 டேபிள் ஸ்பூன்
அரிசி மாவு - 1/2 கப்
ர‌வை - 1 கப்
எண்ணெய் + நெய் தோசை வார்க்க
உப்பு
வெங்காய‌ம் - ஒன்று
ப‌ச்சை மிள‌காய் - ஒன்று
கறிவேப்பிலை கொஞ்சம்

செய்முறை...

முதலில் ஓட்ஸ்ஐ நன்கு வறுக்கவும்.
மிக்சி இல் மாவாக பொடிக்கவும்.
பிறகு அத்துடன் கோதுமைமாவு, ர‌வையை உப்பு சேர்த்து, கொஞ்சம் தண்ணியான தோசைமாவாக ( ரவ தோசை போல ) க‌ரைத்து கொள்ள‌வும்.
பொடியாக நறுக்கின வெங்காய‌ம்,ப‌ச்சை மிள‌காய், கறிவேப்பிலை எல்லாம் கரைத்து வைத்திருக்கும் மாவில் போட்டு கலக்கவும்.
அது ஒரு 10 - 15 நிமிட‌ம் ஊறட்டும்.
நான் ஸ்டிக் தோசை கல்லில், மாவை நடுவில் விட்டு பரத்தாமல், வெளி வட்டத்திலிருந்து விடனும்.
நல்ல மெல்லிசாக விடனும் ரவா தோசை போல, அப்போதான் நல்ல மொரு மொறுப்பாக வரும்.
இரண்டு பக்கமும் எண்ணெய் விட்டு எடுக்கவும்.
சுவையான ஓட்ஸ் ரவா தோசை ரெடி புன்னகை

குறிப்பு: கொத்துமல்லி இஞ்சி போடலாம்; மிளகு சீரகம் போடலாம்.

by **krishnaamma** Thu Sep 19, 2013 10:32 am

தேவையானவை :

ஓட்ஸ் - 2 க‌ப்
அரிசி மாவு - 3 கப்
ர‌வை -4 கப்
எண்ணெய் + நெய் தோசை வார்க்க
உப்பு
ப‌ச்சை மிள‌காய் - 2 - 4 பொடியாக நறுக்கினது
சீரகம் - 2 டீ ஸ்பூன்
கடுகு - 2 டீ ஸ்பூன்
கறிவேப்பிலை கொஞ்சம்
கொத்துமல்லி - 2 டேபிள் ஸ்பூன் பொடியாக நறுக்கினது
இஞ்சி - துருவினது 2 டேபிள் ஸ்பூன்
பெருங்காயப்பொடி - 1/2 ஸ்பூன்

செய்முறை...

முதலில் ஓட்ஸ்ஐ மிக்சி இல் மாவாக பொடிக்கவும்.
பிறகு அத்துடன் அரிசி மாவு, ர‌வையை உப்பு சேர்த்து, கொஞ்சம் தண்ணியான தோசைமாவாக ( ரவ தோசை போல ) க‌ரைத்து கொள்ள‌வும்.
பொடியாக நறுக்கின பெருங்காயப்பொடி, ப‌ச்சை மிள‌காய், கறிவேப்பிலை எல்லாம் கரைத்து வைத்திருக்கும் மாவில் போட்டு கலக்கவும்.
வாணலி இல் எண்ணை விட்டு கடுகு, சீரகம் மற்றும் பச்சை மிளகாய் போட்டு தாளிக்கவும்.
அது ஒரு 10 - 15 நிமிட‌ம் ஊறட்டும்.
நான் ஸ்டிக் தோசை கல்லில், மாவை நடுவில் விட்டு பரத்தாமல், வெளி வட்டத்திலிருந்து விடனும்.
நல்ல மெல்லிசாக விடனும் ரவா தோசை போல, அப்போதான் நல்ல மொரு மொறுப்பாக வரும்.
இரண்டு பக்கமும் எண்ணெய் விட்டு எடுக்கவும்.
சுவையான ஓட்ஸ் ரவா தோசை ரெடி புன்னகை

குறிப்பு: வேண்டுமானால் மிளகு சீரகம் போடலாம்.

by mbalasaravanan Thu Sep 19, 2013 10:33 am

நல்ல பதிவு

by **krishnaamma** Thu Sep 19, 2013 11:43 am

நன்றி சரவணன் புன்னகை

by **krishnaamma** Mon May 04, 2015 8:36 pm

ஓட்ஸ் கட்லெட்

தேவையானவை:

ஓட்ஸ் - ஒரு கப்
வேக வைத்து மசித்த உருளைக்கிழங்கு - 1 கப்
வேக வைத்து மசித்த பச்சைப் பட்டாணி - கால் கப்
வெங்காயம் - 1 (பொடியாக நறுக்கிக் கொள்ளவும்)
கொத்தமல்லி - 4 டேபிள் ஸ்பூன்
எலுமிச்சம்பழம் - ஒரு மூடி
உப்பு - தேவையான அளவு
ரஸ்க் தூள் - கால் கப்
பொடியாக நறுக்கிய பச்சை மிளகாய் - 3.
எண்ணை நெய் கலவை - கட்லெட் செய்ய
செய்முறை:

ஓட்ஸில் வெந்நீர் தெளித்து, பத்து நிமிடம் ஊற வைக்கவும்.
இதனுடன் வேக வைத்த உருளைக்கிழங்கு, பச்சைப் பட்டாணி, பச்சை மிளகாய், வெங்காயம், கொத்தமல்லி,
எலுமிச்சம் பழச்சாறு எல்லாம் சேர்த்துக் கலந்து, கெட்டியாக பிசையவும்.
இந்தக் கலவையை வட்டமாகவோ முக்கோணமாகவோ தட்டி, ரஸ்க் தூளில் புரட்டி, தோசைக்கல்லில் போட்டு, சுற்றி எண்ணை நெய் கலவை விட்டு , சிவக்க வெந்தவுடன் எடுக்கவும்.
தக்காளி சாஸுடன் பரிமாறலாம் இந்த டேஸ்ட்டி கட்லெட்டை!